سپورت ارقىلى سالاۋاتتى ومىر سالتىنا بەت بۇرۋعا تيىسپىز

718
0
بولىسۋ:

بۇگىنگى كەيىپكەرىمىز – ۋاليحان تەن وسكەلەڭ ۇرپاقتى سپورتقا باۋلۋ ىسىنە بەلسەنە اتسالىسىپ جۇرگەن ازامات. سونداي-اق, ول وزىنىڭ سپورتتاعى جەتىستىكتەرى ارقىلى ناقتى ىسپەن دالەلدەپ, ۇلگى كورسەتىپ كەلە جاتقان ازامات. اتاپ ايتقاندا ۋاليحان تەن – پاۋەرليفتينگ بويىنشا الەم, ەۋروپا جانە ازييا چەمپيونى, بوديبيلدينگتەن ەكى دۇركىن الەم جانە ازييا چەمپيونى, قر چەمپيونى, بىرنەشە دۇركىن Ironman.

«وو «Almaty Triathlon Federation»» قوعامدىق ۇيىمى جانە «بىرىنشى بولۋ باتىلدىعى» كورپوراتيۆتىك قورىنىڭ مۇشەسى, قازاقستانداعى WRPF رەسمي وكىلى بولىپ تابىلاتىن ۋ. تەن WRPF KZ جانە WPC KZ پاۋەرليفتينگ فەدەراتسيياسىنىڭ پرەزيدەنتى, World Class Almaty باس ديرەكتورى قىزمەتتەرىن ابىرويمەن اتقارعان.

بۇگىندە قازاقستاندىق بىرىككەن مما ارالاس جاۋىنگەرلىك جەكپە-جەك فەدەراتسيياسىنىڭ باس ديرەكتورى, الماتى قالاسىنىڭ اكىمى باقىتجان ساعىنتاەۆتىڭ شتاتتان تىس كەڭەسشىسى ۋاليحان تەنمەن بولعان سۇحباتتى وقىرمان قاۋىمنىڭ نازارىنا ۇسىنعاندى جون كوردىك.

– ۋاليحان مىرزا, «ارالاس جەكپە-جەكتەن بىرىككەن قازاقستان مما فەدەراتسيياسى» رەسپۋبليكالىق قوعامدىق بىرلەستىگى رەسمي تۇردە IMMAF-WMMAA حالىقارالىق ارالاس جەكپە-جەك فەدەراتسيياسىنىڭ قۇرامىنا كىرگەنىن بىلەمىز. وسى تۇستا وزىڭىز تىزگىنىن ۇستاعالى بەرى دە اتالمىش فەدەراتسييا اۋقىمدى ىستەر اتقارىپ كەلەدى. ەندىگى جەردە وسىناۋ قازاقستاندىق بىرىككەن مما ارالاس جاۋىنگەرلىك جەكپە-جەك فەدەراتسيياسىنىڭ بۇگىنگى تىنىس-تىرشىلىگىمەن وقىرمان قاۋىمدى تولىعىراق تانىستىرا كەتسەڭىز…

– 2018 جىلدىڭ 24 جەلتوقسانىندا قازاقستاندا جاڭا سترۋكتۋرا «ارالاس جەكپە-جەك مما-دەن بىرىككەن قازاقستان فەدەراتسيياسى» رقب قۇرىلعان بولاتىن. ونىڭ قۇرامىنا قازاقستان ارالاس جەكپە-جەك مما فەدەراتسيياسى, ارالاس جەكپە-جەك, پانكراتيون جانە گرەپپلينگ ۇلتتىق فەدەراتسيياسى جانە NOMAD مما فەدەراتسيياسى كىرەدى. جاڭا ۇيىمدى عالىمجان ەسەنوۆ باسقارادى.

رەسپۋبليكالىق بىرلەستىك كارىم ماسىموۆ باسقاراتىن قازاقستاننىڭ جاۋىنگەرلىك ونەر قاۋىمداستىعىنىڭ قامقورلىعىمەن جۇمىس ىستەيدى. بۇل اسسوتسياتسييا تورت باعىتتى دامىتادى: كاراتە, جەكپە-جەك, تولىق بايلانىستاعى سپورت تۇرلەرى جانە مما ارالاس جەكپە-جەك.

جارتى جىلدىڭ ىشىندە جاڭا باسقارۋ جۇيەسى وز ناتيجەسىن بەردى: ارالاس جەكپە-جەكتەن قازاقستان رەسپۋبليكاسىنىڭ مما قۇراماسى تايلاندتا وتكەن ازييا چەمپيوناتىنان جەتى التىن, توعىز كۇمىس, بەس قولا مەدال جەڭىپ الىپ ابسوليۋتتى رەكوردىن ورناتتى. جالپىكوماندالىق ەسەپتە بىرىنشى ورىن العان قۇراما, ازييالىق سۋبكونتينەنتتەگى مىقتىلاردىڭ قاتارىنا قوسىلدى.

– سوزىڭىز اۋزىڭىزدا, وسى تۇستا ازييا چەمپيوناتى تۋرالى تولىعىراق ايتا كەتسەڭىز… وقىرمان قاۋىم شاپشاسىنا شاڭ جۇقتىرماعان جۇيرىكتەرىمىز تۋرالى بىلە وتىرسا…

– تايلاندتىڭ بانگكوك قالاسىندا وتكەن ارالاس جەكپە-جەك مما-دەن ازييا چەمپيوناتى وز مارەسىنە جەتتى. بيىلعى قۇرلىقتىق دوداعا ازييانىڭ 13 ەلى قاتىسىپ, قازاقستان قۇراماسى جالپى كوماندالىق ەسەپتە 7 التىن, 9 كۇمىس, 3 قولا جۇلدەمەن بىرىنشى ساتىدان كورىندى.

قۇراما ساپىنان التىن العاندار 70 كەلى سالماقتا تالشىن جۇماتاەۆا, 61 كەلى سالماقتا ولجاس مولداعاليەۆ, 52 كەلى سالماقتا باعدات جۇبانىش, 47 كەلى سالماقتا تۇرسىن ايان, 83 كەلى سالماقتا مادي دوسمۇحانبەتو, 77 كەلى سالماقتا ايدىن تولەپباەۆ, 65 كەلى سالماقتا اناتوليي زولوتىح.

كۇمىس يەلەنگەندەر: 52 كەلى سالماقتا نۇرجامال سادىقوۆا, 61 كەلى سالماقتا داستان امانگەلدى, 47 كەلى سالماقتا ۇكىلىاي احمەتالى, 70 كەلى سالماقتا انتونينو كوتليارەۆسكايا, 52 كەلى سالماقتا ەرۇلان قابدۇلوۆ, 56 كەلى سالماقتا ادىلحان ايازباەۆ, 93 كەلى سالماقتا سەرىك ابىروۆ, 70 كەلى سالماقتا نەيمات اسادوۆ, 65 كەلى سالماقتا ەلامان شالقىمبەكوۆ.

قولا جۇلدەنى قاناعات تۇتقاندار: 56 كەلى سالماقتا دارحان ومىربەكوۆ, 70 كەلى سالماقتا ماجيت سارداروۆ, 83 كەلى سالماقتا الەكساندر ۆال.

وسىعان دەيىنگى ازييا چەمپيوناتتارىن ەسكە الاتىن بولساق, بيىلعى چەمپيوناتتا بىزدىڭ سپورتشىلار جوعارى ناتيجە كورسەتىپ وتىر. سەبەبى, 2018 جىلى ازييا چەمپيوناتىندا 1 التىن, 3 قولا, 2017 ازييا چەمپيوناتىندا 3

التىن, 2 كۇمىس, 3 قولا مەدال, الەم چەمپيوناتىندا 2 كۇمىس, 2 قولا مەدال يەلەنگەن بولاتىن.

– جاز ماۋسىمىندا وتە بەلسەندى جۇمىس ىستەگەندەرىڭىز كوپكە مالىم. نۇر-سۇلتاننىڭ تورىندە وتكەن ارالاس جەكپە-جەكتەن M-1 Challenge 102 تۋرنيرى دە سپورتسۇيەر قاۋىمنىڭ ىستىق ىقىلاسىنا بولەنگەنى ايان…

– M-1 Challenge 102 تۋرنيرى 13 جەكپە-جەكتەن تۇردى, ولاردىڭ ۇشەۋى تيتۋلدىق. بىرىنشى تيتۋلدىق جەكپە-جەكتە M-1 Challenge چەمپيونى شاۆكات راحمونوۆ برازيلييادان كەلگەن تياگو ۆارەجاو لاسەردۋدى جەڭىپ, جارتىلاي ورتا سالماقتا اتاعىن قورعاپ قالدى.كەزدەسۋ بىرىنشى راۋندتا اياقتالدى.

وسىلايشا, 24 جاسار قازاقستاندىق كاسىبي مانسابىنداعى12-شى جەكپە-جەگىندە 12-شى جەڭىسىنە قول جەتكىزدى. راحمونوۆ بارلىق جەكپە-جەكتەرىندە مەرزىمىنەن بۇرىن جەڭىسكە جەتكەن. ال 29 جاسار برازيليالىق مانسابىندا جەتىنشى رەت جەڭىلىس تاپتى.

ەكىنشى جەڭىل سالماقتاعى بەلبەۋ ۇشىن قازاقستاندىق سەرگەي موروزوۆ پەن رەسەيلىك الەكساندر وسەتروۆ جۇدىرىقتاستى. جەرلەسىمىز ايقىن جەڭىسكە جەتىپ, جەڭىل سالماقتاعى M-1 Challenge چەمپيونى اتاندى.

جەكپە-جەك تورتىنشى راۋندتا اياقتالدى. 30 جاسار موروزوۆ ۇشىن بۇل جەڭىس مانسابىنداعى 16-شىسى بولدى, ال 22 جاسار رەسەيلىك بىرىنشى جەڭىلىسكە ۇشىرادى.

سونداي-اق, الماتى جەدەل-جاردەم جۇرگىزۋشىسىن سوققىقا جىققان ازاماتتى جەكپە-جەككە شاقىرعان سابيت جۇسىپوۆ M-1 Challenge تۋرنيرىنە قاتىسىپ, قارسىلاسىن ۇشىنشى راۋندتا نوكاۋتقا جىبەردى. ونىڭ قارسىلاسى يسپانييالىق اريدانا رومەرو بولدى.

سونداي-اق, يسمايىل گەروەۆ, گويتي دازاەۆ, يساتاي تەمىروۆ سىندى سپورتشىلارىمىز جەڭىسكە جەتتى.

تۋرنيرگە قۇرمەتتى قوناقتار دا كەلىپ, سپورتشىلارىمىزعا جانكۇيەر بولدى. ولاردىڭ قاتارىندا قر مادەنيەت جانە سپورت مينيسترى رايىمقۇلوۆا اقتوتى, قازاقستاننىڭ جاۋىنگەرلىك ونەر اسسوتسياتسيياسى پرەزيدەنتى كارىم ماسىموۆموۆ, سپورت جانە دەنە شىنىقتىرۋ ىستەرى كوميتەتى توراعاسى سەرىك ساپيەۆ, مما بىرىككەن اسسوتسياتسيياسى پرەزيدەنتى عالىمجان ەسەنوۆ, بەلگىلى كاسىپكەر ايدىن راحىمباەۆ جانە تاعى باسقا قوناقتار كەلدى. تۋرنيردىڭ ۇيىمداستىرۋشىلارى-م1-Global (رەسەي) جانە «مما بويىنشا قازاقستاننىڭ بىرىككەن فەدەراتسييالار قاۋىمداستىعى» زتب.

– ۋاليحان مىرزا, اقتوبەدە مما-دان جاسوسپىرىمدەر اراسىنداعى قازاقستان چەمپيوناتى وتكەنى بەلگىلى. چەمپيونات قورىتىندىسى نەنى كورسەتتى؟

– اقتوبەدە وتكەن مما-دان جاسوسپىرىمدەر اراسىنداعى قازاقستان چەمپيوناتىندا 16-17 جاس ارالىعىنداعى جاسوسپىرىمدەر مەن قىزدار اراسىنداعى ارالاس جەكپە-جەك تۋرنيرىنە مما (Mixed Martial Arts) ەلىمىزدىڭ بارلىق وڭىرلەرىنەن 85 جاس سپورتشى قاتىسىپ, سپورتشىلار ەرلەر اراسىندا 9 سالماق دارەجەسىندە, قىزدار اراسىندا 7 سالماق دارەجەسىندە سىنعا تۇستى.

جارىستىڭ قورىتىندىسى بويىنشا جەڭىمپاز دەپ تانىلعاندار: دينارا اياپوۆا (52,2 كگ, اقتوبە وبلىسى), نۇربول بازارباەۆ (52,2 كگ, ماڭعىستاۋ وبلىسى), ادەل ماحامەتوۆا (56,7 كگ, شقو), ەراسىل تەلەۋباەۆ (56,7 كگ, شقو), سيسەنوۆا كارينا (61,2 كگ, اقمولا وبلىسى), دانييار قۇلباي (61.2 كگ,

نۇر-سۇلتان), مەرۋەرت سەرىكقاليەۆا (65,8 كگ, اتىراۋ وبلىسى), دانييار اجىمقۇلوۆ (65,8 كگ, اتىراۋ وبلىسى), تەمىرلان حاليدوللا (70,3 كگ, شقو), امىرحان مەنتاەۆ (77,1 كگ, نۇر-سۇلتان), دانيل گۋبين (83,9 كگ, اقتوبە وبلىسى), يسا كاريموۆ (93 كگ, اقتوبە وبلىسى), دياس تىلەمىس (120,2 كگ, اقتوبە وبلىسى).

– جاسوسپىرىمدەر چەمپيوناتىنىڭ باستى ەرەكشەلىگى قانداي بولدى؟ اتاپ كورسەتسەڭىز…

– جاسوسپىرىمدەر چەمپيوناتىنىڭ باستى ماقساتى – قازاقستاننىڭ جاسوسپىرىمدەر قۇراماسىنا جاس سپورتشىلاردى قابىلداۋ ۇشىن وسى چەپمپيونات جەڭىمپازدارى ىشىنەن مىقتى سپورتشىلاردى انىقتاۋ بولدى. دال وسى جىگىتتەر بىر جىلدان كەيىن بىزدىڭ ەلىمىزدى تۇرلى حالىقارالىق جارىستاردا تانىستىراتىن بولادى. كەلەسى جىلى يتالييادا وتەتىن مما-دان الەم چەمپيوناتىندا دال وسى سپورتشىلاردىڭ اراسىنان الەم چەمپيونى شىقپايتىنىنا كىم كەپىل.

وسى چەمپيونات اياسىندا 14 جاسقا دەيىنگى بالالاردىڭ مما ارالاس جەكپە-جەككە قاتىسۋ ەرەجەلەرىنە بىرىڭعاي وزگەرىستەر ەنگىزىلدى.

اتالعان ىس-شاراعا قازاقستان بىرىككەن مما فەدەراتسيياسى مەن Nomad MMA رەسپۋبليكالىق فەدەراتسيياسىنىڭ وكىلدەرى, Nomad MMA رەسپۋبليكالىق فەدەراتسيياسىنىڭ پرەزيدەنتى گادجي گادجيەۆ, سونداي-اق, بىرىككەن مما فەدەراتسيياسىنىڭ ۆيتسە-پرەزيدەنتى, NOMAD MMA ستيلىنىڭ نەگىزىن قالاۋشى سەرگەي ان قاتىستى. 14 جاسقا دەيىنگى بالالاردىڭ ارالاس جەكپە-جەكتەن جارىستارعا قاتىسۋى Nomad MMA ەرەجەلەرىنە سايكەس جۇرگىزىلدى. بۇل ەرەجە جاس بالالار مەن جاسوسپىرىمدەردىڭ جاراقاتتانۋىن بارىنشا ازايتۋعا قامقورلىق جاسايدى. ەرەجەگە سايكەس, 14 جاسقا دەيىنگى بالالار مەن جاسوسپىرىمدەر NOMAD MMAعا سايكەس كۇنتىزبەلىك جوسپار مەن ەرەجەلەر بويىنشا عانا ارالاس جەكپە-جەكتەردە جاتتىعىپ, ونەر كورسەتە الادى, تورداعى ۇرىسقا رۇقسات ۇزىلدى-كەسىلدى تىيىم سالىنادى. 14 جاسقا تولعان جانە ودان ۇلكەن جاستاعى سپورتشىلار جاتتىقتىرۋشىلارىنىڭ قالاۋى بويىنشا مما ەرەجەلەرى بويىنشا دا, Nomad MMA ەرەجەلەرى بويىنشا دا جارىستارعا قاتىسىپ, جاتتىعۋلارىنا بولادى.

– بىلىكتى سپورتشى رەتىندە بۇگىنگى جاستارعا نە بەرە الدىم دەپ ويلايسىز؟

– سپورت سالاسىنداعى جۇمىسىمىز الداعى ۋاقىتتا دا جاندانا تۇسپەك. جەتىستىكتەرىمىز ۇنەمى ەل نازارىندا بولماق. سپورت سالاسىنداعى ازدى-كوپتى كوكەيگە تۇيگەن دۇنيەلەرىمىزدى وقىرماننىڭ نازارىنا ۇسىنىپ تا ۇلگەردىم. 2015 جىلى سپورت سالاسىنداعى كوپ جىلدىق تاجىريبەسىمە سۇيەنە وتىرىپ, دەنە شىنىقتىرۋ جاتتىعۋلارى, تاماقتانۋ تارتىبى ت.ب. تاقىرىپتاردى تالداي وتىرىپ ورىس تىلىندە «درۋگوي تى» اتتى كىتابىمدى جازىپ شىقتىم. كىتاپ ماسكەۋدىڭ ەڭ ىرى باسپالارىنىڭ بىرى – «مانن, يۆانوۆ ي فەربەردە» شىقتى. «درۋگوي تى» كىتابى تمد ەلدەرىندەگى بەستسەللەر بولدى. بۇگىنگى جاس ۇرپاق وسى كىتاپتى وز قاجەتىنە جاراتار بولسا, وندا بىزدىڭ سپورتتىڭ دامۋىنا از دا بولسا قوسقان ۇلەسىمىز دەپ بىلەمىن.سونداي-اق, اربىرىمىز سپورتتى سەرىك ەتىپ, سالاۋاتتى ومىر سالتىنا قادام باسۋىمىز كەرەك. ويتكەنى, ەلىمىزدىڭ بولپاشاعى دەنى ساۋ ازاماتتاردىڭ قولىندا.

– الداعى جوسپارلارىڭىز تۋرالى دا بىلە وتىرساق…

– قازان ايىندا ەلوردامىز نۇر-سۇلتان قالاسىنىڭ جەكپە-جەك سارايىندا #M1Challenge105 حالىقارالىق تۋرنيرى وتكىزۋدى جوسپارلاپ وتىرمىز. اتالعان تۋرنيردە مما جۇلدىزدارى, جەرلەستەرىمىز سەرگەي موروزوۆ پەن ارمان اشىموۆ سولتۇستىك امەريكانىڭ سپورتشىلارىمەن تيتۋلدىق جەكپە-جەك وتكىزەدى. بۇل كەشتىڭ باستى قارسىلاستارى M-1 Challenge تۋرنيرىنىڭ جەڭىل سالماقتاعى چەمپيونى @ morozclub777 2016 جىلى امەريكاندىق بالۋان @jretty -مەن جەكپە-جەك وتكىزىپ, رەتتوۋسحاۋس بولاشاق چەمپيون موروزوۆتى تەحنيكالىق نوكاۋتقا جىبەرگەن بولاتىن. موروزوۆ ودان بەرى 7 كەزدەسۋ وتكىزىپ, ونىڭ 6-ىندا جەڭىسكە جەتىپ, بەلبەۋدى جەڭىپ الدى. سەرگەي ۇشىن بۇل جولعى جەكپە-جەك وسىدان ۇش جىل بۇرىنعى جىبەرگەن قاتەلىگىنىڭ ورنىن تولتىراتىن جاقسى مۇمكىندىك بولماق. سونداي-اق, دال وسى كەشتە جەڭىل سالماقتاعى ۋاقىتشا چەمپيون كانادالىق @keladesmma وزىنىڭ تيتۋلىن بۇرىنعى ۋاقىتشا چەمپيون @armanaae-عا قارسى وتكىزەدى. چەمپيون @aleksandr_doskalchuk جاراقاتىنا بايلانىستى ويىننان تىس قالىپ جاتقاندا, ديۆيزيوننىڭ جوعارعى پالۋاندارى وعان قارسى تيتۋلدىق جەكپە-جەككە شىعۋ قۇقىعىنا تالاسادى.

– سپورت سالاسىنىڭ دامۋى جولىنداعى ەڭبەكتەرىڭىزگە ساتتىلىك تىلەيمىز! بايگەگە قوسقان جۇيرىكتەرىڭىز قاشان دا جەڭىس تۇعىرىنان كورىنە بەرسىن!

سۇحباتتاسقان: گۇلنارا دوسىمشالوۆا

qazaquni.kz

بولىسۋ:

Facebook ارقىلى جازىلعان پىكىرلەر

پىكىر نەمەسە جاۋاپ جازۋ

13 − ۇش =