Elimizde ushaq bıletteriniń baǵasy tómendeıdi

630
1
Bólisý:

Bul týraly QR IIDM Azamattyq avıasııa komıteti tóraǵasynyń orynbasary Aıbek Áljanovtyń qatysýymen ótken brıfıngte belgili boldy, – dep habarlaıdy baq.kz.

Qazirgi ýaqytta Memleket basshysynyń 2019 jylǵy 2 qyrkúıektegi Qazaqstan halqyna Joldaýyn iske asyrý jónindegi jalpy ulttyq is-sharalar jospary ázirlenýde. Onyń aıasynda avıabıletterdiń baǵasyn tómendetý boıynsha sharalar kesheni qabyldanady. Osy is-sharalar múddeli memlekettik organdarmen jáne azamattyq avıasııa salasynyń sýbektilerimen birlesip júrgiziletin bolady.

«Memleket basshysy óz Joldaýynda avıabıletterdiń qymbat baǵasyn synǵa aldy. Joǵary qunnyń negizgi problemasy tasymaldaý syıymdylyǵynyń tapshylyǵy, ıaǵnı qolda bar suranysty qanaǵattandyrý úshin ushaqtardyń qajetti sanynyń jetispeýshiligi jáne avıa otynynyń joǵary quny bolyp tabylady. Tarıfterdiń qunyn tómendetý úshin bıylǵy jyldyń 1 mamyrynda»FlyArystan» otandyq loýkosteri iske qosyldy. Búgingi kúni bılet satý qol jetimdiligi 2 aıǵa jýyq merzimdi quraıdy, 340 myńnan astam bılet satyldy, onyń jartysynyń eń tómengi quny 10 myń teńgege deıin bolyp keledi», – dedi  QR IIDM Azamattyq avıasııa komıteti tóraǵasynyń orynbasary Aıbek Áljanov.

Onyń aıtýynsha, jyl sońyna deıin qosymsha 2 áýe kemesi kelip túsedi, kelesi jyly park taǵy 4 áýe kemesimen tolyǵyp, 2023 jylǵa qaraı 15 ushaqty quraıtyn bolady.

Bıylǵy jyldyń sońynda «FlyArystan» oryndalatyn reısterdiń sanyn eki ese kóbeıtip, kúnine 14-ten 28 jıilikke deıin arttyrýdy josparlap otyr. Osylaısha, 10 myń teńgege deıingi eń tómengi baǵa boıynsha qosymsha 100 000 bılet satylatyn bolady. Mysaly, «FlyArystan» qazan aıynan bastap Nur-Sultan – Pavlodar baǵyty boıynsha ushýdy bastaıdy, bılet quny 6 myń teńgeden bastalady.

Budan basqa, jaǵdaıdy túbegeıli ózgertý úshin Úkimet «Samuryq-Qazyna»UÁQ» AQ-men birlesip áýe kemeleri parkin ulǵaıtý maqsatynda «Air Astana» jáne «QazaqAir» avıakompanııalaryn qosymsha kapıtaldandyrý josparlanýda.

Sondaı-aq avıaotyn baǵasyn tómendetý boıynsha jumys jalǵastyrylatyn bolady, óıtkeni otynǵa jumsalatyn shyǵyndar tarıftiń ózindik qunynyń 30%-dan astamyn qurap otyr. Aǵymdaǵy jyly qazaqstandyq MО́Z-di jańǵyrtý nátıjesinde avıasııalyq otyn óndirý kólemi 694 myń tonnaǵa deıin nemese 2018 jylǵy óndirispen salystyrǵanda 1,8 esege (383 myń tonnaǵa) artty. Avıaotyndy óndirý kólemi otandyq MО́Z esebinen ishki naryqtyń qajettiligin tolyǵymen jabýǵa múmkindik beredi. Avıaotyn baǵasy suranys pen usynys negizinde naryqpen retteledi. Bul rette, Qazaqstannyń ishki naryǵyndaǵy avıaotyn baǵasy reseılik óndiristiń kerosın baǵasyna sáıkes keledi jáne naryqtyq shynaıylyqty kórsetedi.

Bólisý:

Facebook arqyly jazylǵan pikirler

1 pikir jazylǵan

Pikir nemese jaýap jazý

10 + 18 =