ەلىمىزدە ۇشاق بيلەتتەرىنىڭ باعاسى تومەندەيدى

632
1
بولىسۋ:

بۇل تۋرالى قر ييدم ازاماتتىق اۆياتسييا كوميتەتى توراعاسىنىڭ ورىنباسارى ايبەك الجانوۆتىڭ قاتىسۋىمەن وتكەن بريفينگتە بەلگىلى بولدى, – دەپ حابارلايدى baq.kz.

قازىرگى ۋاقىتتا مەملەكەت باسشىسىنىڭ 2019 جىلعى 2 قىركۇيەكتەگى قازاقستان حالقىنا جولداۋىن ىسكە اسىرۋ جونىندەگى جالپى ۇلتتىق ىس-شارالار جوسپارى ازىرلەنۋدە. ونىڭ اياسىندا اۆيابيلەتتەردىڭ باعاسىن تومەندەتۋ بويىنشا شارالار كەشەنى قابىلدانادى. وسى ىس-شارالار مۇددەلى مەملەكەتتىك ورگاندارمەن جانە ازاماتتىق اۆياتسييا سالاسىنىڭ سۋبەكتىلەرىمەن بىرلەسىپ جۇرگىزىلەتىن بولادى.

«مەملەكەت باسشىسى وز جولداۋىندا اۆيابيلەتتەردىڭ قىمبات باعاسىن سىنعا الدى. جوعارى قۇننىڭ نەگىزگى پروبلەماسى تاسىمالداۋ سىيىمدىلىعىنىڭ تاپشىلىعى, ياعني قولدا بار سۇرانىستى قاناعاتتاندىرۋ ۇشىن ۇشاقتاردىڭ قاجەتتى سانىنىڭ جەتىسپەۋشىلىگى جانە اۆيا وتىنىنىڭ جوعارى قۇنى بولىپ تابىلادى. تاريفتەردىڭ قۇنىن تومەندەتۋ ۇشىن بيىلعى جىلدىڭ 1 مامىرىندا»FlyArystan» وتاندىق لوۋكوستەرى ىسكە قوسىلدى. بۇگىنگى كۇنى بيلەت ساتۋ قول جەتىمدىلىگى 2 ايعا جۋىق مەرزىمدى قۇرايدى, 340 مىڭنان استام بيلەت ساتىلدى, ونىڭ جارتىسىنىڭ ەڭ تومەنگى قۇنى 10 مىڭ تەڭگەگە دەيىن بولىپ كەلەدى», – دەدى  قر ييدم ازاماتتىق اۆياتسييا كوميتەتى توراعاسىنىڭ ورىنباسارى ايبەك الجانوۆ.

ونىڭ ايتۋىنشا, جىل سوڭىنا دەيىن قوسىمشا 2 اۋە كەمەسى كەلىپ تۇسەدى, كەلەسى جىلى پارك تاعى 4 اۋە كەمەسىمەن تولىعىپ, 2023 جىلعا قاراي 15 ۇشاقتى قۇرايتىن بولادى.

بيىلعى جىلدىڭ سوڭىندا «FlyArystan» ورىندالاتىن رەيستەردىڭ سانىن ەكى ەسە كوبەيتىپ, كۇنىنە 14-تەن 28 جيىلىككە دەيىن ارتتىرۋدى جوسپارلاپ وتىر. وسىلايشا, 10 مىڭ تەڭگەگە دەيىنگى ەڭ تومەنگى باعا بويىنشا قوسىمشا 100 000 بيلەت ساتىلاتىن بولادى. مىسالى, «FlyArystan» قازان ايىنان باستاپ نۇر-سۇلتان – پاۆلودار باعىتى بويىنشا ۇشۋدى باستايدى, بيلەت قۇنى 6 مىڭ تەڭگەدەن باستالادى.

بۇدان باسقا, جاعدايدى تۇبەگەيلى وزگەرتۋ ۇشىن ۇكىمەت «سامۇرىق-قازىنا»ۇاق» اق-مەن بىرلەسىپ اۋە كەمەلەرى پاركىن ۇلعايتۋ ماقساتىندا «Air Astana» جانە «QazaqAir» اۆياكومپانييالارىن قوسىمشا كاپيتالداندىرۋ جوسپارلانۋدا.

سونداي-اق اۆياوتىن باعاسىن تومەندەتۋ بويىنشا جۇمىس جالعاستىرىلاتىن بولادى, ويتكەنى وتىنعا جۇمسالاتىن شىعىندار تاريفتىڭ وزىندىك قۇنىنىڭ 30%-دان استامىن قۇراپ وتىر. اعىمداعى جىلى قازاقستاندىق موز-دى جاڭعىرتۋ ناتيجەسىندە اۆياتسييالىق وتىن وندىرۋ كولەمى 694 مىڭ تونناعا دەيىن نەمەسە 2018 جىلعى وندىرىسپەن سالىستىرعاندا 1,8 ەسەگە (383 مىڭ تونناعا) ارتتى. اۆياوتىندى وندىرۋ كولەمى وتاندىق موز ەسەبىنەن ىشكى نارىقتىڭ قاجەتتىلىگىن تولىعىمەن جابۋعا مۇمكىندىك بەرەدى. اۆياوتىن باعاسى سۇرانىس پەن ۇسىنىس نەگىزىندە نارىقپەن رەتتەلەدى. بۇل رەتتە, قازاقستاننىڭ ىشكى نارىعىنداعى اۆياوتىن باعاسى رەسەيلىك وندىرىستىڭ كەروسين باعاسىنا سايكەس كەلەدى جانە نارىقتىق شىنايىلىقتى كورسەتەدى.

بولىسۋ:

Facebook ارقىلى جازىلعان پىكىرلەر

1 پىكىر جازىلعان

پىكىر نەمەسە جاۋاپ جازۋ

1 + ون بەس =