Конституциядағы 7-баптың 2-тармағы қазақ тілінің жолын кесіп келе жатқаны ащы шындық – Әуелхан Назарқасымұлы

952
5
Бөлісу:

Халықтың жан жарасын айту – Азаматтық парыз, нағыз патриоттық!

Ал «Жошы хан, Алпамыс батыр, Қорқыт Баба» әруақтарын қозғау-кез келген қазақтың рухын асқақтатары да сөзссіз!

Халық асыға күткен Ұлттық Кеңесте алдыңғы қатарлы сөз алғандардың бірі қоғам қайраткері Қазыбек Иса «Біздің Әлеуметтік-мәдени тобымызда 14 мүше бар. Бәрі қазақтың белгілі зиялылары, қайраткер, қаламгерлері. Біз өткендегі алғашқы ұйымдастыру отырысында бірінші көшпелі мәжілісімізді Әлеуметтік топ болғандықтан, ашық күнде аспаннан бомба жауған Арыс қаласынан бастаймыз деп шештік» деген жолдардан бастады»

Ақын Қазыбек Иса өзі айтқандай Арысқа «бейбіт күнде аспаннан бомба жауғанда» сол күні апат әкелген төртінші жарылысқа дейін түк бітірмеген билікті сынап мақала жазды. «Ақ жол» партиясының Азат Перуашев бастаған Парламент депутаттарын алып келіп, снарядтары шашылып жатқан жабық қалаға кіріп, жағдаймен танысты. Ақынның «Адамы жоқ Арыс қаласы» деген зерттеп жазған мақаласы мен «Арыс апаты» атты Рух жырын толқымай оқу мүмкін емес.

Ия, сол күні арыстықтар ана баладан, бала әкеден айырылып жатты. Мұндайды басынан өткізбеген адам түсіне қояр ма екен? Анасын іздеп шырылдаған титімдей баланың әр минуты мен баласын іздеп көз жасын көл қылған ананың әр секунды таразы басына қойылғанда, екінші басына қаншама байлық, алтын қойылса да ана мен баланың бір тамшы көз жасын тарта алмас еді.

Одан ары төрт күн бойы бұрын көрмеген қаншама халық ықылас көрсетіп тұрса да өз үйің, өз өтенің болмаған соң бәрі де бекер болатынын сезінген де осы Арыс халқы.

Жарылмай қалған снарядтары толықтай тазартылмаған, сол жарылыс болған әскери қойманың қою түтіні басылмай тұрғанда еріксіз Арысқа кіргізілген де осы халық.

Жарылыстан жарамсыз болып, осыған дейінгі ұрпағына тірнектеп жинаған дүниесі-шашылып жатқан баспанасын көріп, дарбаза алды кіреберісте қаншама адамы отырып қалған да осы Арыс халқы еді.

Ия, Ұлттық мүддені қорғау-мемлекеттік тілден басталады. Ал тілді қорғау үшін, сол тілдің жан жарасын қорғау – ол халықтың жан жарасын түсінумен басталуы керек еді. Солай болды да. Конституциядағы 7 бап 2 тармақ көзге шыққан сүйелдей қазақ тілінің жолын кесіп келе жатқаны да ащы шындық. Міне соны Президент алдында, бас қосып отырған Ұлттық кеңес алдында қасқая қарап айту-азаматтық парыз бір бөлек, еліне жаны ашыған нағыз патриот адамның сөзі болды. Ол-рухты ояту, қазақ қоғамын дүр сілкіндірер шешуші сәт көрінісі еді.

Рахмет, саған, қаз дауысты Қазыбек бауырым! Көзіме жас алдым, шынымды айтсам, 7 бап 2 тармақты айтқанда…Алланың нұры жаусын!!….

Алда келе жатқан Латын әліпбиінің өміршең болуы үшін кесек-кесек мысалдармен жеткізе білді.

Президентіміз бастап берген Ұлытаудағы Жошы ханды ұлықтау, Алпамыс батыр, Қорқыт Баба әруақтарын қозғау- кез келген қазақтың рухын асқақтатары да сөзссіз!

Әуелхан Назарқасымұлы,

Түркістан облысы, Арыс қаласы

Бөлісу:

5 пікір жазылған

  1. Іңкәр Әлемқызы 10 Қыркүйек, 2019 16:10 Жауап

    Рахмет, Әуелхан батыр ағамыз. Ағалық сөз айтыпсыз! Арыстықтардың ғана емес, Алаштың алғысын жеткізіпсіз қайсар ақын Қазыбек Исаға!

  2. Бөгенбай 10 Қыркүйек, 2019 16:13 Жауап

    Кешегі Кеңес одағы кезінен санаған да 100 жылда, Тәуелсіздік алғалы бері 30 жылда ешкім айта алмай келген сөз, саяси жабық тақырып еді бұл орыс тілінің үстемдігі. Алла разы юолсын сізге Қазыбек Иса!

  3. Бөгенбай 10 Қыркүйек, 2019 16:13 Жауап

    Кешегі Кеңес одағы кезінен санаған да 100 жылда, Тәуелсіздік алғалы бері 30 жылда ешкім айта алмай келген сөз, саяси жабық тақырып еді бұл орыс тілінің үстемдігі. Алла разы болсын сізге Қазыбек Иса!

  4. Урал Тапенов 11 Қыркүйек, 2019 19:48 Жауап

    Казак жерынде быз оздерымыз тек казакша соилеп журе беруымыз керек ол орысша сураса сен казакша жауап бер,
    быз орыс-итке барып казакша соилемеимызгои , негылдеп олар Казакстанда орысша соилейды
    Казакстанда укымет тылы казак тыл , сондыктан быз казактар елымызде тек казакша соилеп журе беруымыз керек
    ол дукенба ол темыржолма ол не болсада казактын жерынде тек казакша
    былмесе казак тылын талап етуымыз , сен калай дукенде ыстеп отырсын казак тылын былмесен
    Казакстан барлык жерде казакша былю керек , ол дукенба ол темыржолма ол мекемема ол тагы баскама
    Солаи жигиттер , сосын уялман , уяламдеп жерынды жерынды жогалтып аларсын

Пікір немесе жауап жазу

8 + 9 =