Нұр-Сұлтанда мас адам мектеп жанында қызды зорламақ болған

1111

Елордада мас ер адам інісін сабақтан алып кетпек болған 17 жастағы қызға тап берген. Оқиға таңертеңгі 9-дар шамасында № 83 мектептің жанында болған, – деп хабарлайды КТК телеарнасы.

Ащы суға масайып алған азамат қызды қамысқа қарай сүйрепті. Тіпті ырқына көнбеген бойжеткенді ұрып жіберген. Алайда айналасындағылардан көмек сұраған қыз, ақыры қашып құтылады.

Кейін сол жердегілер ізін жасырмақ болған педофилді полицияға ұстап берді. Белгілі болғаны, 42 жастағы күдікті бұрын бұзақылық бабы бойынша жауапқа тартылыпты.

Ал одан таяқ жеп дене жарақатын алған қыз дәрігерлердің көмегіне жүгінді.