Elordada Abaı Qunanbaıulyna arnalǵan poetıkalyq mýzykalyq marafon ótedi

4774
0
Bólisý:

Elordadaǵy Ulttyq akademııalyq kitaphanada aqyn, aǵartýshy Abaı Qunanbaıulynyń týǵanyna 174 jyl tolýyna oraı «Abaı – dana, Abaı – dara» atty poetıkalyq mýzykalyq marafon ótedi.

Issharanyń maqsaty – uly aqynnyń ónegeli ómirimen tanystyrý, aqynnyń danalyǵyn, rýhanı asyl-muralaryn nasıhattap, óleńderin, ánderin oqyrmandarǵa, qala turǵyndary men qonaqtaryna jetkizip, oı sanasyna tyń serpilis berý arqyly, rýhanı baıytý.

Jıyn barysynda «Uly dalanyń dana oıshyly – Abaı» ıllıýstrasııalyq-kitap kórmesi, «Abaı muralaryn ulyqtaıyq» Abaı oqýlary, «Uly Abaı» kınokórsetilimi, «Ándi súıseń menshe súı» ádebı karaoke, «Adamzattyń shamshyraǵy – Abaı» balalarǵa arnalǵan kitap kórmesi, «Bilimdiden shyqqan sóz…» ádebı erteńgilik, «Abaı ulttyń rýhanı gıppokraty» aqyn, abaıtanýshy, halyqaralyq «Shabyt» festıvaliniń laýreaty Yqylas Ojaımen kezdesý, «Abaı – dana, Abaı – dara» poetıkalyq-mýzykalyq mereke, «Abaı Uunanbaıulynyń shyǵarmalary jınaǵynyń tusaýkeseri», «Abaı beınesi sýretkerler kózimen» sýret kórmesi uıymdastyrylady.

Is-sharaǵa jazýshy, QR Memleketttik syılyǵynyń jáne «Qurmet» ordeniniń ıegeri Qajyǵalı Muhametqalıev, folklortanýshy, fılologııa ǵylymdarynyń doktory, professor Shákir Ybyraev, ǵalym, memleket jáne qoǵam qaıratkeri, tarıh ǵylymdarynyń doktory, professor О́mirzaq Ozǵanbaev, jazýshy, pýblısıst, Qazaqstannyń eńbek sińirgen qaıratkeri Aldan Smaıyl, aqyn, Qazaqstan Jazýshylar odaǵynyń múshesi Baqytjan Tobaıaqov, aqyn, Qazaqstan Jazýshylar odaǵy Nursultan qalasy fılıalynyń basshysy Dáýletkereı Kápuly, aqyn, aýdarmashy, QR Ulttyq akademııalyq kitaphanasynyń ǵalym-hatshysy Tóregeldi Rahman, tanymal telejúrgizýshi, jýrnalıst Dana Nurjigit sondaı-aq, ánshi, Respýblıkalyq jyrshylar baıqaýynyń laýreaty, jas jyrshy Aınur Qonysbaeva, ánshi, akter, QR Jastar odaǵy syılyǵynyń laýreaty, Mádenıet salasynyń úzdigi Nuraı Tanabaev, dástúrli ánshi, akter Asqar Muqııat, akter, Qazaqstannyń eńbek sińirgen qaıratkeri Nurken О́teýilov, shyǵarmashylyq jáne zııaly qaýym ókilderi, aýdarmashylar, ádebıettanýshylar men ádebıet synshylary, ǵalymdar men zertteýshiler, tarıhshylar men mádenıettanýshylar, dástúrli ánshiler men teatr ártisteri, kitaphana qyzmetkerleri, qala turǵyndary men qonaqtary, BAQ ókilderi jáne t.b. qatysady.

Bólisý:

Facebook arqyly jazylǵan pikirler

Pikir nemese jaýap jazý

3 + 16 =