ەلوردادا اباي قۇنانبايۇلىنا ارنالعان پوەتيكالىق مۋزىكالىق مارافون وتەدى

4770
0
بولىسۋ:

ەلورداداعى ۇلتتىق اكادەمييالىق كىتاپحانادا اقىن, اعارتۋشى اباي قۇنانبايۇلىنىڭ تۋعانىنا 174 جىل تولۋىنا وراي «اباي – دانا, اباي – دارا» اتتى پوەتيكالىق مۋزىكالىق مارافون وتەدى.

ىسشارانىڭ ماقساتى – ۇلى اقىننىڭ ونەگەلى ومىرىمەن تانىستىرۋ, اقىننىڭ دانالىعىن, رۋحاني اسىل-مۇرالارىن ناسيحاتتاپ, ولەڭدەرىن, اندەرىن وقىرماندارعا, قالا تۇرعىندارى مەن قوناقتارىنا جەتكىزىپ, وي ساناسىنا تىڭ سەرپىلىس بەرۋ ارقىلى, رۋحاني بايىتۋ.

جيىن بارىسىندا «ۇلى دالانىڭ دانا ويشىلى – اباي» يلليۋستراتسييالىق-كىتاپ كورمەسى, «اباي مۇرالارىن ۇلىقتايىق» اباي وقۋلارى, «ۇلى اباي» كينوكورسەتىلىمى, «اندى سۇيسەڭ مەنشە سۇي» ادەبي كاراوكە, «ادامزاتتىڭ شامشىراعى – اباي» بالالارعا ارنالعان كىتاپ كورمەسى, «بىلىمدىدەن شىققان سوز…» ادەبي ەرتەڭگىلىك, «اباي ۇلتتىڭ رۋحاني گيپپوكراتى» اقىن, ابايتانۋشى, حالىقارالىق «شابىت» فەستيۆالىنىڭ لاۋرەاتى ىقىلاس وجايمەن كەزدەسۋ, «اباي – دانا, اباي – دارا» پوەتيكالىق-مۋزىكالىق مەرەكە, «اباي ۇۇنانبايۇلىنىڭ شىعارمالارى جيناعىنىڭ تۇساۋكەسەرى», «اباي بەينەسى سۋرەتكەرلەر كوزىمەن» سۋرەت كورمەسى ۇيىمداستىرىلادى.

ىس-شاراعا جازۋشى, قر مەملەكەتتتىك سىيلىعىنىڭ جانە «قۇرمەت» وردەنىنىڭ يەگەرى قاجىعالي مۇحامەتقاليەۆ, فولكلورتانۋشى, فيلولوگييا عىلىمدارىنىڭ دوكتورى, پروفەسسور شاكىر ىبىراەۆ, عالىم, مەملەكەت جانە قوعام قايراتكەرى, تاريح عىلىمدارىنىڭ دوكتورى, پروفەسسور ومىرزاق وزعانباەۆ, جازۋشى, پۋبليتسيست, قازاقستاننىڭ ەڭبەك سىڭىرگەن قايراتكەرى الدان سمايىل, اقىن, قازاقستان جازۋشىلار وداعىنىڭ مۇشەسى باقىتجان توباياقوۆ, اقىن, قازاقستان جازۋشىلار وداعى نۇرسۇلتان قالاسى فيليالىنىڭ باسشىسى داۋلەتكەرەي كاپۇلى, اقىن, اۋدارماشى, قر ۇلتتىق اكادەمييالىق كىتاپحاناسىنىڭ عالىم-حاتشىسى تورەگەلدى راحمان, تانىمال تەلەجۇرگىزۋشى, جۋرناليست دانا نۇرجىگىت سونداي-اق, انشى, رەسپۋبليكالىق جىرشىلار بايقاۋىنىڭ لاۋرەاتى, جاس جىرشى اينۇر قونىسباەۆا, انشى, اكتەر, قر جاستار وداعى سىيلىعىنىڭ لاۋرەاتى, مادەنيەت سالاسىنىڭ ۇزدىگى نۇراي تاناباەۆ, داستۇرلى انشى, اكتەر اسقار مۇقييات, اكتەر, قازاقستاننىڭ ەڭبەك سىڭىرگەن قايراتكەرى نۇركەن وتەۋىلوۆ, شىعارماشىلىق جانە زييالى قاۋىم وكىلدەرى, اۋدارماشىلار, ادەبيەتتانۋشىلار مەن ادەبيەت سىنشىلارى, عالىمدار مەن زەرتتەۋشىلەر, تاريحشىلار مەن مادەنيەتتانۋشىلار, داستۇرلى انشىلەر مەن تەاتر ارتىستەرى, كىتاپحانا قىزمەتكەرلەرى, قالا تۇرعىندارى مەن قوناقتارى, باق وكىلدەرى جانە ت.ب. قاتىسادى.

بولىسۋ:

Facebook ارقىلى جازىلعان پىكىرلەر

پىكىر نەمەسە جاۋاپ جازۋ

2 × 4 =