توقاەۆ نەسيە بەرەشەگىن وتەۋ بىر رەتتىك اكتسييا ەكەنىن ايتتى

بولىسۋ:

قازاقستاننىڭ پرەزيدەنتى قاسىم-جومارت توقاەۆ تۇرمىسى تومەن ازاماتتاردىڭ بەرەشەگىن وتەۋ شارالارى جايىندا سۇرادى, دەپ حابارلايدى Sputnik قازاقستان تىلشىسى.

ۇلتتىق بانك توراعاسى ەربولات دوساەۆتىڭ ايتۋىنشا, قازىرگى كەزدە وسى ساناتقا جاتاتىنداردىڭ تىزىمى جاسالىپ جاتىر. ودان كەيىن ەڭبەك جانە حالىقتى الەۋمەتتىك قورعاۋ مينيسترلىگىنەن تيىستى مالىمەتتەر الىنادى.

«تىزىمدەردى سالىستىرۋ جۇمىسى وسى اپتادا اياقتالادى. ال كەلەسى اپتادان باستاپ شىلدەنىڭ اياعىنا دەيىن بانكتەر جانە ميكروقارجىلاندىرۋ ۇيىمدارى پروبلەمالىق كرەديتتەر قورىمەن تيىستى كەلىسىمدەردى راسىمدەيدى. ال مەملەكەتتىك كرەديت بيۋروسى 300 مىڭ تەڭگەگە دەيىن بەرەشەگى كەشىرىلەتىن ازاماتتاردىڭ تىزىمىن جاسايدى. ال ايىپپۇل مەن وسىمپۇلداردى وتەۋ شارالارى تامىزعا دەيىن اياقتالادى», – دەدى دوساەۆ.

پرەزيدەنت بۇل جۇمىستى جىتى باقىلاۋدا ۇستاۋدى تاپسىردى.

«بىراق بىر نارسەنى قايتالاپ وتەيىپ, بۇل – بىر رەتتىك اكتسييا. ودان كەيىن بىز مۇنىمەن كوپ اينالىسا المايمىز. كوپ اينالىسۋعا قۇقىعىمىز دا جوق. دەگەنمەن, ايتقانىمىزدى ۋاقىتىندا جانە ساپالى تۇردە جاساۋىمىز قاجەت», – دەدى توقاەۆ.

بولىسۋ:

Facebook ارقىلى جازىلعان پىكىرلەر

پىكىر نەمەسە جاۋاپ جازۋ