Азаматтар сапалы мемлекеттік қызметті ешқандай қиындықсыз алуы тиіс – Президент

1911
1
Бөлісу:

Мемлекет басшысына министрліктің қазіргі жұмыстары мен «үлкен деректерге» және жасанды интеллектке талдау жасауға байланысты  «Цифрлық Қазақстан» мемлекеттік бағдарламасы жобаларының жүзеге асырылуы туралы баяндалды, – деп хабарлайды Ақорданың ресми сайты.

Қасым-Жомарт Тоқаев министрліктің жүргізіп жатқан жұмыстарының өзектілігін атап өтіп, көрсетілетін мемлекеттік қызметті және жалпы экономиканы цифрландырудың маңызды екенін айтты.

– Бүгінде түрлі дәрежеде кедергі келтіретін үдерістердің бәрін жойып, оларды автоматтандыру керек. Азаматтар сапалы мемлекеттік қызметті ешқандай қиындықсыз, автоматты түрде алуы тиіс, – деді Қазақстан Президенті.

Сонымен қатар, Мемлекет басшысына еліміздегі қалыптасып жатқан инновациялық экожүйе мен оның негізі саналатын «Astana Hub» IT-стартаптар халықаралық технопаркі туралы мәлімет берілді. Асқар Жұмағалиевтің айтуынша, қазіргі таңда технопарк қалыпты жағдайда жұмыс істейді және оның әлеуеті толыққанды пайдаланылуда. 260-тан астам компания акселерациядан өтті. Соның арқасында Қазақстанға 28 миллиард теңгеге жуық қаржы тартылды.

Бөлісу:

Facebook арқылы жазылған пікірлер

1 пікір жазылған

  1. Қазақ 30 Маусым, 2019 00:16 Жауап

    Үйту керек, бүйту керек деген әңгіме әбден жалықтырды. Одан да үндемей-ақ қоймай ма. Ауызбен он рет оттағанша қолмен бір ретжұмыс істесе нәтиже болар еді.

Пікір немесе жауап жазу

тоғыз − 4 =