Дәурен Абаев: Қазақстанда сөз бостандығы мүшкіл халде емес

1133
5
Бөлісу:

Ақпарат және қоғамдық даму министрі Дәурен Абаев Қазақстандағы сөз бостандығына баға берді, деп хабарлайды Sputnik Қазақстан тілшісі.

Министр сөз бостандығы жеке-дара талқылауды қажет ететін жақсы тақырып екенін атап өтті. Абаев, ең алдымен, сөз бостандығы рейтингісіне тоқталды.

«Мен сөз бостандығы рейтингісі бойынша бізден озатын елдерді мұқият зерделеп шықтым. Көптеген елде журналистердің ізіне түсіп, құқықтары әжептәуір шектеледі. Ал Қазақстанда сөз бостандығы мүшкіл халде емес», – деді Абаев халыққа есеп беру кездесуінде.

Ол сөз бостандығын дамыту мәселесі жан-жақтылықты қажет ететінін атап өтті.

«Біз жағымды, заңнамалық дүниелерден бастауымыз керек. Бірақ бұл бағытта маңызды қадамдар жасалды. Ақпаратқа қолжетімділік туралы заң қабылданды», – деді ведомство басшысы.

Министр журналистерге ешкім жоғарыдан өзін қалай ұстап, не жазып, не сөйлеу керектігін үйретпейтініне сендірді.

Бөлісу:

Facebook арқылы жазылған пікірлер

Сайтта 5 пікір жазылған

  1. Қария 26 Маусым, 2019 17:57 Жауап

    Мына министр не деп тұр. Заңға өзгерту енгізген сайын журналистердің аузын жауып, жолын бөгеп жатқан адам қалай ғана шімірікпестен өтірік айтады. Абаевқв мына қызметтен кеткен дұрыс.

  2. Қолқоюсыз 28 Маусым, 2019 00:43 Жауап

    Осы кісі билікте жүргеніне 30 жыл болған шығар, орындарын ауыстырып, қайта отырғыза бере ме, қызық, сонда бұлар бәрі 90-ға келгенше отыра бере ме билікте, не өзгеріс жоқ, не іс жоқ атқарылған, ауыздарымен орақ орып жатыр бар білгендері, телевизор көруден қалдық, себебі айтатындары ертегі, сөздерін естудің өзі адамды ауру қылады, сондықтан дауыстарын естімейміз де білмейміз, білгеннен не пайда.

  3. Сыншы 30 Маусым, 2019 13:49 Жауап

    «Біз жағымды, заңнамалық дүниелерден бастауымыз керек. Бірақ бұл бағытта маңызды қадамдар жасалды. Ақпаратқа қолжетімділік туралы заң қабылданды», – деді ведомство басшысы. Қабылдаған заңдарың сыңар жақты. Билікті сынаса одан артық жау жоқ министрлікке. Сол да сөз бостандығы болып па? Билікке сөз бостандығы керек емес. Барлық заң өздерінің ыңғайына қарай жасалған. Депутаттар да солардың адамдары. Қарапайым хылық бөлек, билік өз бетінше өмір сүруде. Бұл жағдай олар үшін жайлы, сондықтан осы жүйені сақтауға тырысады.

Пікір немесе жауап жазу

17 + 19 =