Дулат ИСАБЕКОВ: Егер Ислам Әбішевке әділетсіздік жасалса, қоғамда наразылық тууы мүмкін…

4298
14
Бөлісу:

Ислам Әбішев – халық арасында өте беделді адам. Өйткені, оның атқарған ісі, жүзеге асырған жос­парлары ел игілігіне қызмет етті. Мен оны жете білетін адам ретінде мейілінше адал жұмыс істегенін нық сеніммен айта аламын. Бұл туралы баспасөз беттерінде де талай рет жарияланды. Елбасымыздың өзі Ауылшаруашылығы министрлігіне қарасты Су ресурстары комитетінің төрағасы етіп тағайындағанда ол орасан қаржы үнемдеуге күш салды. Тек жалаң сөзбен емес, өндіріске ешбір зияны тимейтін, халыққа барынша тиімді жобаларды қолға алып, оны дер кезінде жүзеге асыра білді.
Онымен де шектелмей, триллион теңге үнемдеп, су ресурстары саласында қыруар іс атқарып, халықтың шынайы ықыласына бөленді.
Елім деген осындай ердің темір торға түсіп, қасірет шегіп отырғаны бәріміздің жанымызға батады. Егер біздің елде шын мәнінде әділ сот бар екені рас болса, Ислам Әбішев дәл бұлай отырмас еді. Демек, біздің елде әділ сот әлі жоқ деген сөз.
Сондай-ақ, атап өтуге тиісті тағы бір жәйт – Ислам Әлмаханұлын түрмеге жауып тастағаннан кейін барып, айыптау туралы баптарды бекітті. Оған дейін алдап-сулап алып әкетті. Зейнетке шығуына санаулы-ақ уақыт қалғанда мұндай қадамға баруларының астарында да үлкен бір құйтырқы әдіс жатыр ма деп ойлаймын. Бейнетінің зейнетін көрсетпей, оны жауып тастау керек болды. Өйткені, триллион үнемдеген адамды кім жақсы көрсін?! Қыруар ақшадан алақандарын сипалап, «сыбаға» күтіп отырғандар сан соғып қалды. Көздеген «сыбағадан» ойда-жоқта айырылды. Мұны жасап отырған кімдер екені де белгілі. Оны мұқият сараптаса тауып та алуға болады.
Бір нәрсе айқын – ол триллион үнемделгеннен кейін сол қаржыны бөліске салуды көздегендердің құралақан қалғандығы. Бұл тірлік осылардың кек алу әдісі ме деп ойлаймын.
Егер де сот процесі барысында Ислам Әбішевке әділетсіздік жасалса, қоғамның біраз бөлігінде наразылық туындауы мүмкін. Ол халық үшін адал жұмыс істеген азамат. Және Ислам Әлмаханұлының арының тазалығы туралы Елбасымен жолыққанда айтқан да болатынмын. Дәл ол кезде де Исламның қызметінде орынсыз тексерулер орын алып, теперіш көріп жүрген кезі еді. Ол кезде де «түшкірген, пышқырғанының» бәрін жіпке тізіп, тырнақ астынан кір іздеп жұмыс істеуіне мұрша бермеді.
Егер де Ислам Әбішев осы жолы әділетсіздікпен кететін болса, онда бұл біздің қоғамымыздың оған жасаған қиянаты. Онда біздің мемлекетке білікті маман қажетсіз деген сөз. Біз кейін де, жасыратыны жоқ, жымысқы тірлікпен айналысатын, реті келсе, асап қалатын, жұртқа сол асағанынан үлестіріп беріп отыратын адамды ғана жақсы қызметкер ретінде бағалайтын сияқтымыз. Ал шын мәніндегі адал қызметкердің қажеті жоқ екен. Егер де Совет үкіметінің кезінде мемлекеттік қызметте жүріп, дәл осындай ерлік жасайтын болса, онда ол адамға сөзсіз Социалстік Еңбек Ері атағы берілер еді. Ал біз болсақ оның соңына түсеміз. Дегенмен, менің әлі үмітім бар. Билік өзгеріп жатыр. Әлде де болса әділдік салтанат құрады деген сенімдемін.

qazaquni.kz

Бөлісу:

Facebook арқылы жазылған пікірлер

Сайтта 14 пікір жазылған

  1. Арыс 15 Маусым, 2019 16:42 Жауап

    Дулат аға осы күнге дейін жаңылыспаған адам қандай да бір жағдайда. Ал Исламға келсек осы Дулат ағасының келелі ойларымен таныс бола жүріп, мемлекет мүлкіне пайдасын тигізбесе, зиянына шаппайтындығына сенеміз

  2. Динара 15 Маусым, 2019 23:29 Жауап

    Дулат агамыз кандай керемет ащы да болса шындыкты жазыпты. Ислам мырзага жала жабылганы анык екенин билемиз. Казак елинин пайдасы ушин, триллион унемдеймин деп турмеде отыр. Халкым елим жерим дейтин Ислам мырзаны босатуларынызды сураймыз…

  3. Нурхан 15 Маусым, 2019 23:38 Жауап

    Президент мырза сиз осындай кателикке жол берип неге карап отырсыз. Жала жапкан адамды тауып, озин турмеге отыргызуынызды сураймыз. Булай адам омиримен ойнап, отирик жала жапкан адамнын Алла жазасын берсин.

  4. Касымхан 15 Маусым, 2019 23:46 Жауап

    Акка кудай жак, Алла ози колдасын. Аман есен акталып шыксын деп дуга ете из.

  5. Гүлсім Оспан 16 Маусым, 2019 09:23 Жауап

    Өкінішті.Еліне адал қызмет ететін ел ағаларымыздың басына тұман қаптаса, қазақтың көк аспаны қалай тұнық болмақ. Дулат ағамыз соқырға таяқ ұстатқандай бәрін екшелеп жазған екен, ағайындар Ислам Әбішұлының бейнетінің зейнетін көретін жаста өмірінің тар қапаста өтпеуіне араша болып ат салысайық. Әділетсіздікпен күресіп, шындықты шыңына шығарайық.

  6. команча 16 Маусым, 2019 16:26 Жауап

    Дулат Исабеков мырзаға қосыламын: Ислам Әбішевке дұшпандары өшігіп жала жабылуы өте ықтимал. Ислам Әбішев –Ауылшаруашылығы Министрлігінің Су ресурстары Комитетінің төрағасы – еңбек майданында қатал әрі әділ қолбасшы болып шыныққан, өз саласын жақсы менгерген адам.
    Өтірік ақпарат пен жемқорлықтың оазисі (иранбағы) болған еліміздің Су шаруашылығын 2014 жылдардан бастап әжептәуір жөнге келтірген осы кісі.Жемқорлықпен аяусыз күресе білген басшы қызметкер. Су мәселесін жетік білетін бірден – бір қабілетті басшы.
    Жерді сату мен су көздерін сату қылмыс екенін ескерту үшін деректер келтіріп отырмын:
    P.S: Қазақ жерінің 70 % шөл мен шөлейт. XXI ғасырдың орта тұсында су мәселесі еліміз үшін күрделенбекші.Аралдың құруы , Ертіс пен Балқаштың таяздануы кеңес кезеңіндегі орны толмас өкінішті іс болды.
    P.S. 2030 жылға қарай Қытай ауыз суды шетелдерден тасымалдауы мүмкін («Егемен Қазақстан», 04.04.08 ж.).
    Қытай еліміздің су көздері бай жерлеріне ие болуға тырысуда (Мысалы, Хаң Тәңірі тауының мұздақтары, Қытайдан бастау алатын Ертіс ипен Іле өзендерін бұғаттаулары, Жалаңашкөл –Алакөл маңындағы Қытайлармен 1969 жылғы әскери қақтығыста қытайлардың ірі тұщы су қоймасы – Алакөлге ие болу ниеті болуы мүмкін).
    ****Болжам бойынша, таяу келешекте Жер шарында су көздері үшін 2000 астам әскери қақтығыс ошақтары болмақшы. Орталық Азияда да су үшін әскери қақтығыс болуы ықтимал екенін кезінде Ислам Каримов ескерткен еді.

  7. Айдар 19 Маусым, 2019 12:24 Жауап

    Ол кісінің еңбегін шардарлықтар ешқашан ұмытпайды. Бұл азамат екі ауданды, нақты айтқанда Шардара және Жетісай аудандарын қосатын ұзындығы 36 километр жол салуға мұрындық болды. Ол жолдардың сапасын өзі тексеріп, жұмысты үнемі бақылап отырды. Сол жолдың бойына күннен қуат алатын көше фонарларын орналастырды. Ол жермен түнгі мезгілде жүрсеңіз өзіңізді керемет сезінеріңіз анық. Қазіргі таңда сол жолмен жүріп өткен әрбір жолаушы ол кісінің атасына рахмет айтады. Қанша жыл өтсе де ол сапасын жоғалтқан жоқ. Жолдың тегістігі соншалықты, тек машинада желдің дыбысын естіп отырасың. Терезеден қарасаң даланың естен шықпайтын табиғаты – бір жағы көгілдір шексіз теңіз, екінші беті шағыл құмды алқап – сексеуіл тұқымдас өсімдіктер орманы жолаушыны керемет бір әсерге бөлейді.

  8. Tenri Bori 20 Шілде, 2019 20:53 Жауап

    Неліктен наразылық деген сөзге құмар болып кеттік, тек қана жалғыз бір адамды ақтау үшін бүкіл халықты дүрліктіріп наразылық жасасақ, қаншама кісілер қамауда отыр, мыңдаған наразылық акциясын жасау керек пе. Оның барлығын мәдениетті түрде жаңадан құрылған Абыздар Кеңесінде шешуге болмас па еді. Міндетті түрде көшеге барлығын шұбыртып, сиырқұсап мөңіретіп, бұқа құсап сүзгізіп, не көрінді, Көш жүре түзеледі, ашуға басудың қажеті жоқ, жер аударып Магаданға кеткен жоқ қой қайғыратындай, өз отанында отыр. Ешкім оны қорлап жатқан жоқ. Кек деген жаман бодады, бірімен бірі кектеніп көпадам ашу ызамен бірін бірі қаматып жатыр. Тоқтатып салауатты өмір сүрейік, Абыздар әрбір рудан табылған соң тек біздің елде емес, бүкіл дүние жүзінде Көк Бөрілердің Көк Тув желбірейді. Паровоздан бұрын шапқан жақсылыққа жеткізбейді.

  9. Гүлмира Садық 26 Қыркүйек, 2019 17:37 Жауап

    Дулат көкемізге разымыз. Елдің бағына аман болсын. Ислам Әбішев ағамыздың басынан іс түскен күннен бастап, дабыл қағып, қолдаудан бір танбай келеді. Күні кеше Ел астанасында өткен баспасөз мәслихатында да ащы шындықты бұлтартпай айтты. Және ел тізгінін ұстап отырған Елбасы мен Президентті осы сіпен хабардар етемін деді. Алла қаласа оң шешім шығып қалар деген ойдамыз. Сәтін салғай!!!

  10. Бағила 27 Қыркүйек, 2019 19:43 Жауап

    Дулат аға Алла жар болсын Сізге, Әбішевке бостандық бергізуге бар күшіңізді салып ақ жатырсыз. Қазақ руһханиятының көш басында тұрған абызымыз сыз Аман болыңыз. Исекеңді қолдасаңыз Алла сізді қолдасын!

  11. Айна 27 Қыркүйек, 2019 19:45 Жауап

    Елдің жырын да, мұңын да оқырманға жеткізген сүйікті жазушысыз, ендігі жерде «ИСЛАМ ӘБІШЕВКЕ БОСТАНДЫҚ БЕРІЛСІН» деген халық үнін билікке жеткізіп, Исекеңді қорғап қалса екен негізсіз жала жабушылардан. Алла жар болсын!

  12. Qyr balasy 2 Қазан, 2019 23:17 Жауап

    Қоғамда билікке деген наразылық одан әрі күшейеді. Бұл істің жаман бітуі оларды халық алдында беделін кетіреді. Онсызда халық пен биліктің арасы тым алшақ.

  13. Алмас әсемханұлы 2 Қазан, 2019 23:20 Жауап

    Сот ісіне, тергеу ісіне де халықтың күмән да болуы қалыпты жағдай. Бірақ елге адал қызмет еткен Ислам Әбішті кінәлі деп тапса бұл екі тартың арасын одан әрі алшақтатады.

Пікір немесе жауап жазу

2 × бес =