قازاقستاندىقتار تولقۇجات پەن جۇرگىزۋشى كۋالىگى ۇشىن قانشا تولەيتىنى بەلگىلى بولدى

6368
0
بولىسۋ:

جاڭا جىلدان باستاپ اەك مولشەرىنىڭ وسۋىنە بايلانىستى قۇجات جاساتۋ قۇنى دا بىرشاما وزگەردى. بيىل ايلىق ەسەپتىك كورسەتكىش وتكەن جىلعا قاراعاندا 120 تەڭگەگە كوبەيىپ, 2 525 تەڭگەگە تەڭ بولدى, – دەپ حابارلايدى sputniknews.kz.

جەكە كۋالىك پەن تولقۇجات قۇنى قانشا بولادى؟

جەكە كۋالىك ۇشىن مەملەكەتتىك باج سوماسى 0,2 اەك-تى قۇرايدى. بۇل 505 تەڭگە نەمەسە 1,34 دوللار. 

تولقۇجات راسىمدەۋ ۇشىن 8 اەك, ياعني 20 200 تەڭگە (53,72 دوللار) مولشەرىندە مەملەكەتتىك باج تولەگەنىڭىز تۋرالى تۇبىرتەك قاجەت. استانا, الماتى, اقتوبە مەن شىمكەنت تۇرعىندارى قوسىمشا اقى تولەپ, تولقۇجاتتى جەدەلدەتىلتەن تارتىپتە الا الادى. 

ال جۇرگىزۋشى كۋالىگى مەن كولىكتى تىركەۋ تۋرالى كۋالىكتىڭ (تەحپاسپورت)  ارقايسىسى 3157 تەڭگە (8,40 دوللار) تۇرادى. 

تۋۋ  تۋرالى كۋالىك پەن نەكە قييۋ تۋرالى كۋالىكتى قايتا الۋ ۇشىن 2 525 تەڭگەدەن (6,71 دوللار) تولەۋ كەرەك. 

2019 جىلى ەڭ تومەنگى جالاقى مەن زەينەتاقىنىڭ مولشەرى 

بيىل ەڭ تومەنگى جالاقى 42 500 تەڭگەنى (113 دوللار), ال مەملەكەتتىك بازالىق زەينەتاقى تولەمى 16 037 تەڭگەنى (42,65 دوللار) قۇرادى, دەپ ناقتىلادى «ازاماتتارعا ارنالعان ۇكىمەت» كورپوراتسيياسىنان. 

زەينەتاقىنىڭ ەڭ تومەنگى مولشەرى — 36 108 تەڭگە (96 دوللار), ال بازالىق الەۋمەتتىك تولەمدەردىڭ مولشەرىن ەسەپتەۋ ۇشىن ەڭ تومەنگى كۇنكورىس دەڭگەيى – 29 698 تەڭگە (78,98 دوللار).

بىلتىر قاراشا ايىندا قازاقستان پرەزيدەنتى نۇرسۇلتان نازارباەۆ 2019 جىلدىڭ 1 قاڭتارىنان زەينەتاقى, الەۋمەتتىك جاردەماقىلار مەن ەڭ تومەنگى جالاقىنى كوبەيتۋدى تاپسىرعان ەدى.

بولىسۋ:

Facebook ارقىلى جازىلعان پىكىرلەر

پىكىر نەمەسە جاۋاپ جازۋ