"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!



Өзбекстандық ерлі-зайыпты Жамбыл облысында қалай құл болғаны туралы айтып берді

Жамбылда өзбекстандық ерлі-зайыпты құл иеленушілерден жәбір көргенін айтып шағымданды. Айтуларынша, бес ай бойы мал бақтырған кәсіпкер оларды ұрып-соғып, жалақыларын бермей зар илеткен. Ал қашып кетпес үшін біреуін үйде кепілде ұстаған, – деп хабарлайды КТК телеарнасы.

Өткен жылы Гүлзира есімді әйелдің малын баққан азамат жұбайын ертіп ақша табуға биыл тағы келген. Алайда бұл жолы қожайыны еткен еңбектің ақысын бермей зар илетті дейді. Көк тиын бұйырмасын білген ерлі-зайыпты қашып кетіп, бірақ ұсталып қалады. Сол үшін екеуін жұмыс берушінің баласы сабап тастағанын айтады.

«Ұрып тастады хотун екеуімізді. Дубинкамен ұрды. Сиыр жоқ деп ұрды», – дейді Расулжан Шәріпов.

Өзбекстан азаматы Расулжан Шәріповтың айтуынша, бұл оқиғадан кейін кәсіпкер қысымды күшейткен. Малшы қашып кетпес үшін оның сауыншы әйелін үйден шығармай кепілде ұстаған.

«Екі балам бар, анам бар. Не қыламыз енді? Көмек беретін адам жоқ», – дейді ол.

44 жастағы ер адам ауылдағы сүт сатушы белсенді келіншектен көмек беруді сұрапты. Тілшілерді шақырып, полицейлерге де хабар берген сол кісі екен. Сөйтіп, жалшы құзырлы орын өкілдерін ертіп барып, кепілде отыр деген әйелін шығарып алды. Телеарна тілшісінің хабарлауынша, жұмыс беруші әйелмен тілдесу мүмкін болмады. Ал төбе көрсеткен оның келіні қысқа ғана жауап қайырған.

«Үйде адам жоқ, тойға кетті. Олжас шықпайды, ауырып жатыр», – деді ол.

Өзбекстан азаматтары аудандық ішкі істер бөліміне жеткізілген соң жағдай мүлдем өзгерді. Жылап-сықтаған жәбірленушілер күтпеген жерден айтқандарынан айныды. Олардың неліктен бұлай еткендері түсініксіз.

«Тергеу барысында Өзбекстан азаматтарын ешкімнің еркінен тыс ұстамағанын, жалақыны уақытылы әрі толық көлемінде алғандарын айтты. Сонымен қатар, жүргізілген сот-медициналық сараптама нәтижесінде олардан ешқандай дене жарақаттары анықталған жоқ», – дейді Жамбыл облыстық ІІД баспасөз хатшысы Гүлсара Мұхтарқұлова.

«Отанын сағынғандардың хикаясы мұнымен бітпейді. Екеуі Қазақстанда заңсыз жүргендері үшін 30 тәулікке қамалды. Сондай-ақ, өзбек азаматтарын заңсыз жұмысқа тартқаны үшін бизнесмен де қомақты айыппұл төлейтін болды. Оның көлемін сот шешпек», – деп хабарлады телеарна тілшісі.




Осыған ұқсас:

  1. Дереккөз: Гүлнәр Каримова жеке рейспен Дубайға ұшып кетті
  2. «Өзбек неге озды?». Экономист қандай шындықты айтты
  3. Сарыағаш ауданы Өзбекстаннан су сатып алатын болды
  4. ХРУЩЕВТЫҢ зорлығы немесе ҚАЗАҚ ЖЕРЛЕРІ ҚАЛАЙ ӨЗБЕКСТАНҒА БЕРІЛДІ?!.
  5. Өзбекстан билігі президентке мадақатау одаларын арнауға тыйым салды
  6. Шавкат Мирзиёев Генерал Сабыр Рахымовтың ескерткішін бұрынғы орнына қайта қоюды тапсырды

Facebook арқылы пікір жазу



Пікір жазылмаған

Пікір жазу
Әлі ешкім пікір жазған жоқ! Бірінші болып пікір жазыңыз!

Пікір жазу үшін тіркеліңіз немесе кіріңіз.