"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!



Ғалым Жайлыбай: Экологиялық ахуалды күшейту – біздің араласатын  мәселеміз

Алматыда ҚР Жазушылар одағы басқармасында қаламгерлер мен ақындар бас қосып, мемлекет басшысының жолдауын талқыға салды, деп хабарлайды ҚазАқпарат.

Зиялы қауым өкілдері маңызды құжатта айтылған бастамаларға үн қосып, түйткілді мәселелерді шешу жолдарын ұсынды. ҚР Жазушылар одағы басқармасы төрағасының орынбасары, белгілі ақын, журналист, филология ғылымдарының докторы Бауыржан Жақыптың айтуынша, 2019 жылдың жастар жылы деп жариялануы жастардың әлеуметтік, моральдық, материалдық мәселелерінің шешімі болмақ.

«Елбасы жолдауында жастар жылы деп жариялады. Бұл орайда жазушылар одағының міндеті не? Жас жазушы, жас драматург, жас сыншы, жас ақындарды қолдау. Жас әдебиетшілердің әлеуметтік жағдайы төмен. Бірінші мәселе – баспана. Бұл орайда біздің міндет –  жергілікті әкімшіліктерге хат жазып, ұсыныс білдіру. Құзырлы органдарға хат жазып, жас ақынның өмірбаянын, кітаптарын көрсете отырып жеңілдік жасау туралы өз тарапымыздан өтініш білдіру. Осы бағытта әкімшіліктермен жұмысты жалғастыра түсеміз. Биылдың өзінде Қазақстан Жазушылар одағына 24 жас ақын-жазушы қабылданды. Олардың әлеуметтік жағдайына Жазушылар Одағы жауап беруі керек», – деді Бауыржан Жақып.

Сонымен қатар, одақ аясында өткізіліп отырған бірқатар шараларды тілге тиек етті.

«Біз осы күзде түркітілдес жас әдебиетшілердің форумын өткігелі отырмыз. Бұл шара Оралда өтеді. Оған башқұрт, татар, қырғыз, түркмен, Түркия, Македония секілді түркі текстес халықтар бар елдерден ақындар шақырылады. Бұл форум жыл сайын дәстүрлі түде өткізіліп тұрады. Жас әдебиетшілердің семинар кеңестері, мүшайра, әдеби кештерді өткізу, фестиваль ұйымдастыру жоспарда бар», – деді ақын.

Отырысқа қатысқан өзге де жазушылар  2019 жылдың 1 қаңтарынан бастап  төменгі жалақы 42 000 өсетініне қуаныштарын жасырмады. Сонымен қатар, бірауыздан мұғалімдердің, бюджеттік салда қызметкерлерінің, денсаулық сақтау, полиция жалақысын көтеру бастамасын қолдайтындарын жеткізді. ҚР Жазушылар одағы басқармасы төрағасының бірінші орынбасары Ғалым Жайлыбай  экологиялдық ахуалды жақсарту мәселесіне кеңінен тоқталды.

«Жолдауда жазушыларға қатысты ештеңе жоқ екен» деп қабылдамай, тереңірек үңілу керек. Бұл құжат халықтың өсуіне, халықтың табысы мен тұрмысын арттыруына арналған. Оның ішінде менің ерекше назарымды аудартқаны экологиялық мониторинг жүргізу мәселесі. Астанадан бері демалыс орындарының тынысы тарылып қалды. Кептеліс, айналасы бөтелке. Менің туған ауылымда протон құлады. Жеріміз гептилмен уланды. 1989 жылы ең соңғы рет радиация көлемі қалыпты нормадан 10 есе артық болған. Экологиялық ахуалды күшейту – біздің араласатын  мәселеміз», – деді Ғалым Жайлыбай.

Айта кету керек, Президент Нұрсұлтан Назарбаев 5 қазанда Қазақстан халқына кезекті Жолдауын жария етті. Стратегиялық құжат еліміздің әлеуметтік-экономикалық дамуының өзекті мәселелеріне және қазақстандықтардың әл-ауқатын одан әрі арттыру міндеттеріне арналған.




Осыған ұқсас:

  1. Нұрсұлтан Назарбаев Мәдениет және спорт министрі Арыстанбек Мұхамедиұлын қабылдады
  2. Назарбаев: Шерхан Мұртазаның қазақ руханиятындағы жарқын бейнесі ұмытылмайды
  3. Нұралы Әбішев: «Бөрте-Милка» фермасының биік дәрежеге жетуіне Елбасының үлесі зор
  4. «Ақ жол» партиясы Елбасы Жолдауын талқылады
  5. Мемлекет басшысы Қазақстан халқына Жолдауын арнады (видео)
  6. Нұрсұлтан Назарбаев Шымкенттің қандай болуы керектігін айтты

Facebook арқылы пікір жазу



Пікір жазылмаған

Пікір жазу
Әлі ешкім пікір жазған жоқ! Бірінші болып пікір жазыңыз!

Пікір жазу үшін тіркеліңіз немесе кіріңіз.