"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!



Қостанай облысындағы ауданға Бейімбет Майлиннің есімі беріледі

Қостанай облысындағы Таран ауданына Бейімбет Майлиннің есімі беріледі, деп хабарлайды ҚазАқпарат.

Бүгін Таран ауданы мәдениет үйінде тұрғындардың қатысуымен қоғамдық тыңдау өтті. Тыңдаудың басты мақсаты – Таран ауданының атауын өзгерту. Бірнеше сағатқа созылған жиын нәтижесінде ауданды Бейімбет Майлин есімімен атау жөнінде шешім қабылданды. Осы күні Таран ауданындағы Таран ауылына Әйет есімін беру мәселесі де талқыланып, тұрғындар тарапынан оң шешімін тапты. Жиында ақын Ақылбек Шаяхмет, бейімбеттанушы-ғалым Жұмабек Табын, профессор Қалқаман Жақыптар сөз сөйлеп, бастаманың маңызына тоқталды.

«Бұл – біраз жылдан бері айтылып келе жатқан мәселе. Бүгінгі қоғамдық тыңдауда бұл түйткілге нүкте қойылды десек орынды. Өйткені, аудан тұрғындары бірауыздан қолдады. Әсіресе, бастамаға үн қосқан жастарға, мәслихат депутаттарының жұмысына риза болдым. Тарихи, саяси тұрғыдан алып қарағанда, ауданға Бейімбет Майлин есімінің берілуі дұрыс. Жазушының 125 жылдық мерейтойын айтпағанның өзінде, қазақ халқына сіңірген еңбегіне баға жетпейді», – деді облыстық ономастикалық комиссияның мүшесі Қалқаман Жақып агенттік тілшісіне.

Қалқаман Жақыптың сөзінше, енді тиісті құжаттар дайындалып, ұсыныс республикалық ономастикалық комиссияда қаралады. Аудан атауын ресми түрде өзгерту үшін 4-5 ай уақыт қажет.



Ілмектер:
Бейімбет Майлин

Осыған ұқсас:

  1. КІТАПХАНА – РУХАНИЯТ ОРТАЛЫҒЫ
  2. ҒИБРАТТЫ ҒҰМЫР ИЕЛЕРІ
  3. О, Жасаған, кадрде – Бейімбет, Ілияс пен Сәкеннің тірі бейнесі
  4. КІМГЕ ДАУЫС БЕРЕМІЗ?
  5. Т. Кәкішев: Алаш арыстарының көп жазбасы КГБ мұрағатында жатыр
  6. Бейімбет Майлиннің басы “жарылған” ескерткіші халықтың ашуын туғызды

Facebook арқылы пікір жазу



1 пікір жазылған

Пікір жазу
  1. gulmira 1 Қазан, 2018, 08:51

    Аудан, қала атауларының қазақшалануы үлкен қуаныш.Əрі ұлт зиялыларының атын мәңгі есте сақтау – əрбіріміздің азаматтық борышымыз.

Пікір жазу үшін тіркеліңіз немесе кіріңіз.