"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!



Қазақстанда аса қауіпті қылмыскер қашып кетіп, Қырғызстанды аяғынан тік тұрғызды

Қырғызстанның Ош қаласында полиция қауіпті рецидивист қылмыскер Жылдызбек Бекмұрзаевты іздеп жатыр. Ол Қостанайдағы қоныс колониясынан қашып кеткен.

Бекмұрзаев қарақшылық, зорлау және тонау қылмысы үшін бұған дейін бірнеше рет сотталған, деп хабарлайды Sputnik.

Қазақстанда Бекмұрзаевты не үшін соттады?

Бекмұрзаев 2017 жылы шекараны заңсыз кесіп өткені үшін Қазақстанда ұсталады. Қырғызстанның ішкі істер министрлігі қылмыскерді экстрадициялауды сұрайды, бірақ қазақстандық сот оны жарты жылға қоныс колониясына жібереді.

Қырғыздың құқық қорғау органдарының мәлімдеуінше, Бекмұрзаев Қазақстандағы колониядан қашып кетіп, еліне оралып, жаңа ұйымдасқан қылмыстық топ құрған.

Қазақстанның ІІМ қылмыстық-атқару жүйесі комитеті қылмыскер колониядан қашып кетті деген ақпаратқа түсініктеме берді. Комитет өкілдері Бекмұрзаевтың Қазақстанда сотталғанын растады, бірақ бір мәселені нақтылап өтті.

«Ол қашып кеткен жоқ. Бұл жазаны өтеуден жалтару болып табылады, яғни ол қоныс колониясынан кетіп қалды. Заң бойынша бұл «жалтару» деп аталады, қашу емес. Жабық түрмеден қашады, ал бұл жағдайда ол жазасын өтеуден жалтарды», — деді Sputnik тілшісіне Қазақстан ІІМ комитет баспасөз қызметінің жетекшісі Ғалымжан Хасенов.

Бекмұрзаевтың жаңа бандасы

Қырғызстанның тергеу органдарының айтуынша, Бекмұрзаевтың жаңа бандасы биыл мамыр-шілде айларының аралығында адам өлтіріп, тонап, бірнеше қылмыс жасаған. Тамызда Бекмұрзаевтың сыбайластарының бірі ұсталды.

Кеше Ош қаласының шетінде патруль жасап жүрген полиция қызметкерлері Бекмұрзаевқа ұқсайтын ер адамды байқайды. Тәртіп сақшылары одан құжаттарын көрсетуді сұрайды, бірақ бейтаныс адам сөмкесінен қаруға ұқсайтын зат алып шығып, полицейлер жақындаса атамын деп қорқытады. Осыдан кейін күдікті көлікке мініп қашады және соңынан қуған полицейлердің көлігін қиратады. Дегенмен, қылмыскер алысқа қашып кете алмайды, оның «Мерседесі» шалшыққа батып қалған. Сонда да ол берілмей, көлігін тастап, жүгері алқабының арасына кіріп жоқ болады.

Полицейлер алқапты қоршап тастады, қаладан шығатын жолдар қатаң бақылауға алынды.




Осыған ұқсас:

  1. Қазақстан үкіметі араб шейхтеріне Қызыл кітапқа енген құстарды атуға рұқсат берді
  2. Кремль Қазақстандағы орыс тілді халықты зомбиға айналдырды
  3. Мұхтар Шаханов: Бізде сәбидің өзі шет елге 10 мың доллар қарыз боп туады
  4. Қазақтарды қамаған Қытай Қазақстанмен қарым-қатынасына сызат түсірді – New York Times
  5. Мұхтар Тайжан Қытай мәселесі бойынша қазақ билігінің аса маңызды хатын жариялады (фото)
  6. Қырғызстан Қазақстан елшісіне наразылық нотасын тапсырды

Facebook арқылы пікір жазу



Пікір жазылмаған

Пікір жазу
Әлі ешкім пікір жазған жоқ! Бірінші болып пікір жазыңыз!

Пікір жазу үшін тіркеліңіз немесе кіріңіз.