"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!



Назарбаев: Түркістан – түркі халқының киелі мекені

Қазақстан Президенті Түркістан қаласын дамыту жөнінде кеңес өткізді, деп хабарлайды Ақорданың баспасөз қызметі.

Жиын барысында Мемлекет басшысына Түркістан қаласын дамытудың жоспары мен перспективалары жөнінде мәлімделіп, облыс орталығын Шымкент қаласынан Түркістан қаласына көшіруге қатысты тапсырмалардың орындалуы туралы баяндалды.

– Елімізде жаңадан Түркістан облысының пайда болғаны баршаға мәлім. Бұл орынды шешім деп санаймын. Облыс орталығы енді Түркістан қаласына көшеді. Бұл – барлық жағынан да күрделі үдеріс, – деді Қазақстан Президенті.

Елбасы Қазақстан халқы үшін де, бүкіл түркі әлемі үшін де Түркістан қаласының тарихи әрі рухани мәні зор екеніне айрықша тоқталды.

– Бұл – түркі халықтарының киелі мекені. Сондықтан мұнда жұрт көп келеді. Бұл жерде көптеген танымал тұлғалар жерленген, – деді Нұрсұлтан Назарбаев.

Кеңесте Премьер-Министрдің бірінші орынбасары А.Маминнің Түркістан қаласының аумақтық даму тұжырымдамасы жөніндегі баяндамасы және Түркістан облысының әкімі Ж.Түймебаевтың әкімшілік-аумақтық басқару органдарын жаңа облыс орталығына көшіру барысы жөніндегі баяндамасы тыңдалды. Атап айтқанда, Қазақстан Президентіне инфрақұрылымдық және әлеуметтік нысандар салу жоспары, сондай-ақ қаланы энергиямен және сумен қамтамасыз етуге қатысты ұсынылған шешімдер жөнінде егжей-тегжейлі мәлімет берілді.

Жиын қорытындысы бойынша Үкіметке және облыс басшылығына бірқатар нақты тапсырма жүктелді.




Осыған ұқсас:

  1. Сенатор: Түркістан облысы мен Түркістан қаласын дамыту туралы заң қабылдануы – өте маңызды
  2. Қатыгез ана аптап ыстықта үш баласын көлікке қамап тастаған
  3. Түркістан облысындағы зорланған балаға қатысты қылмыстық іс жабылды
  4. Түркістанда салынатын тұрғын үйлер Яссауи кесенесінің биіктігінен аспау керек – Түймебаев
  5. Түркістан – тамырластық тұғыры
  6. ОБЛЫС ОРТАЛЫҒЫНА АЙНАЛҒАН ТҮРКІСТАН ДАМУДЫҢ ЖАҢА САТЫСЫНА КӨТЕРІЛМЕК

Facebook арқылы пікір жазу



Пікір жазылмаған

Пікір жазу
Әлі ешкім пікір жазған жоқ! Бірінші болып пікір жазыңыз!

Пікір жазу үшін тіркеліңіз немесе кіріңіз.