"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!



Бекболат Тілеухан желіде тараған видеоға қатысты жауап берді

ҚР ұлттық спорт федерациясының президенті Бекболат Тілеуханов қазақ көкпаршыларының өзбек спортшылардан жеңілуіне не себеп болғанын түсіндірді деп жазады Sputniknews.kz.

Мәжіліс депутаты Қырғызстанда өткен көкпар айналысындағы дау туралы сөз қозғап, отандық спортшыларды сынаған әлеуметтік желі қолданушыларына қатысты пікір білдірді.

«Facebook – ешқандай жазықсыз алаң. Әркім ойына келгенін айта береді және ол үшін ешқандай жауапкершілікке тартылмайды. Жалпы сондай кезеңді бастан өткеріп жатырмыз. Бұл жолы бізден ересектер құрамасы барған жоқ. Былтыр ересектер құрамасы барған кезде біздің көкпаршылар екінші орын алды. Үнемі алда болды. Бір шетінен бұл Азия чемпионаты немесе үлкен дода емес. Бұлардың жанында қарапайым фестиваль ғой. Сондықтан біз додаға жастар командасын салдық. Олар да барып, сыннан өтулері керек. Бәрінен бұрын Қазақстан жастар командасы тәжірибе жинап қайтты. Олардың пісіп, осы спортты көріп, тәжірибелерін жетілдіргендерін қаладық. Мақсатымыз орындалды. Барды, ойнады. Өз басым өте жақсы дәрежеде өнер көрсетті деп ойлаймын», – деді мәжіліс депутаты.

Әрі қарай Бекболат Тілеухан бұл жолы сайысқа жастар командасының барғанына тоқталды. Яғни олардың орнына ересектер командасы барғанда, міндетті түрде жеңіске жететінін айтып өтті.

«Facebook-те жазып отырып адам қоңырайып қалады. Жасыратыны жоқ. «Ойбай, Азияның алдында масқара болдық. Өлім болды. Құдай сақтасын! Әлем алдында қазақ қарабет болды!» деген сияқты. Бұл спорт емес пе? Спорт болған соң біреу жеңеді, енді екіншісі жеңіледі. Үнемі жеңіс сенің қалтаңда бола бермейді. Ересектерді жіберсек, жеңіп тұрғанымыз анық. Көрдіңіздер ғой. Жалпы жетекшілердің алдына қойып жатқан негізгі мақсат бар. Ол — әділдік. Қазақстанның жеріне келіп ойнадық. Жамбышыңыз болсын, аударыспағыңыз бен көкпаршыңыз болсын, әділдіктен бір сантиметр, бір миллиметр тайған жері жоқ», – деді ұлттық спорт федерациясы президенті.




Осыған ұқсас:

  1. Бекболат Тілеухан өз орнын босатуға дайын екенін айтты
  2. Айгүл Орынбек: Бүкіл Азияға мазақ болдық дұға сұраушылардың арқасында
  3. ӨЗБЕКТЕН НЕГЕ ЖЕҢІЛДІК, Бекболат Қанайұлы!
  4. ТОҚАЕВТЫҢ ТОҚЕТЕР СӨЗІН ТҮСІНБЕЙТІН ДЕПУТАТТАР ДА БАР ЕКЕН…
  5. Досхан Жолжақсынов: Бекболат Тілеухан мен үшін әулие емес
  6. Бекболат Тілеухан «зорланған» баланың ісіне қатысты: Мемлекеттік идеологияның ию-қиюы шықты

Facebook арқылы пікір жазу



1 пікір жазылған

Пікір жазу
  1. gulmira 12 Қыркүйек, 2018, 08:07

    Жастарды апардық, содан жеңілдік деген тек ақталу ғана. Сонда біздер жастарды жақсылап неге дайындай алмаймыз? Неге олар қырғыздардан сөз естуге тиіс?

Пікір жазу үшін тіркеліңіз немесе кіріңіз.