"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!



Түркістанда Азиада жеңімпаздарына құрмет көрсетілді

 Қожа Ахмет Ясауи атындағы Халықаралық қазақ-түрік университетінде Индонезияның Джакарта қаласында өткен «Азиада-2018» ойындарының жеңімпаздары Дидар Хамза мен Бағлан Ибрагимовпен салтанатты кездесу шарасы өтті.

Университет президенті Болатбек Абдрасилов, І вице-президент м.а. Пусат Пилтен Азия біріншілігінде ел намысын қорғап, алтыннан алқа таққан қос батырды құттықтап, оқу орны ұжымы атынан қос сәйгүлік мінгізді.

«ХVIII Азия ойындарында екі бірдей студентіміздің Қазақ елінің мақтанышы бола білгені – біз үшін зор мәртебе! Арыстандай айбатты спортшылардың ерліктеріне алғысымды айтқым келеді. Намысты қолдан бермеген жеңімпаздарға алдағы уақытта да үлкен жеңістер, жетістіктер тілеймін!» – деді университет президенті.

Жеңімпаз палуандар өз кезегінде осы сапарға ақ батасын беріп шығарып салған университет президенті Болатбек Серікбайұлына, ерекше құрметпен қарсы алған жанкүйерлерге, қошемет көрсетуші жастарға және аламан додаға дайындаған бапкерлеріне алғыс білдірді. Орайы келгенде айта кету керек, Дидар Хамзаны баптаған бапкер, әкесі Түркістан облысы «Ә.Нұрмаханов атындағы олимпиада резервін дайындайтын балалар мен жасөспірімдер Спорт мектебінің» жаттықтырушысы М.Файзиев болса, Бағлан Ибрагимовтің бапкері Жақыпбек Қасымбеков.

Қазақ елінің атағын шығарған Дидар Хамза мен Бағлан Ибрагимов Отанымыздың айбарлары. Сондықтан қос оғланның құрметіне дәл осы күні Түркістан облысы денсаулық сақтау басқармасының ұйымдастыруымен «Денсаулық фестивалі – 2018» акциясы ұйымдастырылып,  ондағы шерудің шебін Азия чемпионы Дидар Хамза бастағанын айта кеткеніміз жөн.

 

Ясауи атындағы Халықаралық қазақ-түрік университетінің ақпарат орталығы

qazaquni.kz

 




Осыған ұқсас:

  1. ҰЛЫ ОЙШЫЛДЫҢ ЕСІМІ ҰЛЫҚТАЛДЫ

Facebook арқылы пікір жазу



Пікір жазылмаған

Пікір жазу
Әлі ешкім пікір жазған жоқ! Бірінші болып пікір жазыңыз!

Пікір жазу үшін тіркеліңіз немесе кіріңіз.