ҚАЗАҚСТАНДАҒЫ ЗЕЙНЕТАҚЫ МӨЛШЕРІ НЕГЕ СОНША ТӨМЕН?

Қазақстан зейнеткерлерінің қайыршының сәл алдында тұрмыс кешуі неліктен?

 

Әлем елдеріндегі зейнетақы мөлшері қызықтырып соларды салыстырып қарап көргенмін. Сөйтсем, жер-жаһандағы зейнетақы мөлшері ең жоғары мемлекет Исландия екен. Онда зейнеткерлер 4724 АҚШ доллары көлемінде зейнетақы алады. Бұл дегеніңіз біздің ақшамен (бүгінгі ҰБ курсы: $1 –360.55 теңге) 1 миллион 703 мың 283 теңге. Ары қарай кесте былай кетеді:

Исландия – $4724 – (1 703 283 теңге) Нидерланды – $4488 – (1 618 148 теңге) Люксембург – $ 4356 – (1 570 555 теңге) Дания – $3903 – (1 407 267 теңге) Австрия – $3575 – (1 288 966 теңге) Швейцария – $3140 – (1 132 127 теңге) БАӘ – $2780 – ( 1 002 329 теңге) Бельгия – $2699 – ( 973 124 теңге) Норвегия – $ 2654 – ( 956 899 теңге) Италия – $2503 – ( 902 457 теңге) Финляндия – $2496 – ( 899 933 теңге) Қазақстан – $215,63 – ( 77 745 теңге)

Қазақстандағы орташа зейнетақы былтыр 200 доллардан сәл асты. 2017 жылғы 1 шілдеден бастап орташа зейнетақы 66 721 теңге болды. Шенеуніктер 2018 жылғы 1 тамыздан бастап орташа зейнетақы 101 мың теңгеден асатын болады дейді. Бірақ оны екінің бірі алмайтыны тағы анық.

Жер бетіндегі ең қымбат қазба байлықтарының бәрі бар Қазақстан зейнеткерлері жоғарыда көрсетілген елдердің зейнеткерлері тәрізді уәйім-қайғысыз, лайықты өмір сүруіне әбден болады ғой. Бірақ Қазақстан зейнеткерлерінің қайыршының сәл алдында тұрмыс кешуі неліктен?

Марат Бәйділдәұлы, Қазақ үні