"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!



Бердібек Сапарбаев: Спорттағы жетістіктеріміз өте нашар

Балуан Мейрамбек Айнағұловқа үміт артқанын жасырмаған Бердібек Сапарбаев оның қола медаль таққанын қынжылыспен жеткізді. Облыс басшысы өңірдегі спорттың төмен деңгейде дамып жатқанына күйініп отыр деп жазады Aktobenews.kz.

Бүгін Ақтөбе облысы әкімінің төрағалығымен өңірдегі спорттың даму мәселесі қаралды. Бердібек Сапарбаев спорт бөлімі мен федерация басшыларын аямай сөкті.

«Үш жылдың ішінде бір емес, бірнеше рет кездестік. Бірақ талай айтылса да, өкінішке қарай, спорттағы жетістіктеріміз өте нашар. Соңғы үш жылдың ішінде Олимпиада ойындары қатарына кіретін спорттан бір де бір әлем не Азия чемпионы жоқ!», — деді облыс басшысы.

Бердібек Сапарбаев соңғы Азия ойындарының нәтижесіне риза емес. Ақтөбе Қазақстан бойынша соңғы орында тұр.

«Азия ойындарына былтыр 4, осы жылы 8 спортшы жібердік деп мақтанамыз. Айнағұловқа үміт арттық, бірақ ол қола алды. Жүзушіміз ақтық топқа да кірмеді. Міне, біздің жұмысымыздың нәтижесі!», — деді облыс әкімі.

Бердібек Машбекұлы спортшылардың іріктелуіне тоқтап, ондағы әділ таңдауға күмән білдірді.

«Жарыстарға «блатпен» баратын сияқты. Егер жақсы спортшылар іріктелгенде, мұндай нәтиже болмас еді. Әр түрлі оқу жаттығу жиындарына миллиондаған ақша бөлініп жатыр. Бірақ сол жиындардың бір де бір қатысушысы Қазақстан, Азия чемпионаттарында орын алмайды. Жиынға 30 адам қатысты деп есепте жазады. Бірақ шынымен одан да аз адам қатысады. Бір сөзбен айтқанда, спортқа бөлініп жатқан қаражатымыз бен көңіліміз ақталмай жатыр», — деді Бердібек Сапарбаев.




Осыған ұқсас:

  1. Ақтөбеде жас жігітті пышақтап өлтірген «Алтын белгі» иегеріне үкім шықты
  2. «Сапарбаев өтірік айтты ма?»: Ақтөбелік компаниялар мұнай қалдықтарын далаға төгуде (ВИДЕО)
  3. Ақтөбеде полицейлерге шабуыл жасауға дайындалған 150-ге жуық радикал ұсталды
  4. Ақтөбеде орамал таққан үш оқушының ата-анасы қамауға алынды
  5. Ақтөбеде Қытай компаниясында жарылыс боп, ер адам көз жұмды
  6. Ақтөбеде наиб-имам әйел адамды көлігімен қағып өлтірді

Facebook арқылы пікір жазу



Пікір жазылмаған

Пікір жазу
Әлі ешкім пікір жазған жоқ! Бірінші болып пікір жазыңыз!

Пікір жазу үшін тіркеліңіз немесе кіріңіз.