"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!



Бишімбаев қатаң режимдегі колонияға ауыстырылды (ВИДЕО)

Бұрынғы ұлттық экономика министрі Қуандық Бишімбаев Астанадағы колониядан басқа колонияға ауыстырылды. Шенеунік көшкен кезде оның қасында Ұлттық ұланның кем дегенде 10 cарбазы болды, – деп хабарлайды «Еуразия» бірінші арнасы.

Телеарнаның мәліметінше, енді VIP сотталушы жазасын Шымкенттен 35 шақырым жерде Леңгір қаласындағы колонияда өтейді. Сондай-ақ, Қуандық Бишімбаевті Шымкентке жеткен соң колонияға дейін арнайы жабдықталған көлікпен жеткізгені айтылады.

«Бұл максималды қауіпсіздік мекемесі, яғни, қатаң тәртіптегі режим, шамамен 500 адам болады. Ғимарат 1976 жылы пайдалануға берілген болатын», – деп мәлімдеді ІІМ Қылмыстық-атқару жүйесі комитетінің баспасөз қызметінің қызметкері Ғалымжан Хасенов.

Биыл 14 наурызда Қуандық Бишімбаев 10 жылға сотталған болатын.

«10 жылға бас бостандығынан және өмір бойына мемлекеттік қызметтерде басшы лауазымдарында жұмыс істеу құқығынан айырылсын. Жазасын максималды қауіпсіз мекемеде өтесін, сондай-ақ, мүлкі тәркіленсін», – деп оқыған еді үкімді судья Әділхан Шайхисламов.

Еске сала кетейік, 2016 жылдың 30 желтоқсанында ұлттық экономика экс-министрі Қуандық Бишімбаевқа қатысты тергеу шаралары жүріп жатқаны белгілі болған еді. ҚР СІМ басшылық құрамымен кездесуінде Нұрсұлтан Назарбаев Қуандық Бишімбаевтың қызметтен босатылғанын мәлімдеген болатын.

«Бишімбаев топ болып, алдын ала келісім жасау арқылы аса ірі көлемде бірнеше рет пара алып отырған. Заңсыз алған қаражатты Бишімбаев өз қажетіне жаратқан», – деп хабарлаған еді Антикоррупция қызметінің өкілдері.




Осыған ұқсас:

  1. Түрмедегі қылмыскерлер енді колледждерде білім алады

Facebook арқылы пікір жазу



2 пікір жазылған

Пікір жазу
  1. Фидель 19 Тамыз, 2018, 11:34

    Жас қой, көкелерінің істегенін істеп көрейік деген де… Соңынан құзырлы огандардың жоспар бойынша «отчетына» ілігіп кететінін білмей қалған болуы керек… Әйтпесе, жақсы тәлімгері болғанда, «Болашақтың» болашағы бар баласы еді…

  2. Бахмур 23 Тамыз, 2018, 21:28

    Не ексең, соны орасың.

Пікір жазу үшін тіркеліңіз немесе кіріңіз.