"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!



​Министр депутаттың теңгенің девальвациялануына қатысты айтқан мәлімдемесіне жауап берді

Ұлттық экономика министрі Тимур Сүлейменов теңге бағамының ауытқуына қатысты пікір білдірді, – деп хабарлайды Tengrinews.kz тілшісі. 

Үкімет отырысынан тыс уақытта министрге теңге бағамына қатысты сұрақтар қойылды.

Айта кетейік, осыған дейін Мәжіліс депутаты Аманжан Жамалов Қазақстанда девальвация болып жатқанын мәлімдеген еді. Депутаттың айтуынша, теңгенің құбылмалы бағамы Қазақстан экономикасын девальвациядан сақтап қала алмады.

Депутат биыл наурыз айында теңгенің долларға қатысты бағамы 320 теңге болғанын және бес айда бұл көрсеткіштің 14 пайызға әлсірегенін айтқан болатын. Сондай-ақ, депутат еліміздегі мұндай жағдайдың халық пен кәсіпкерлерді бағытынан адастыратынын мәлімдеген еді.

«Девальвация біздің түсінігімізше теңге бағамының бір сәтте бірден ауытқып кетуі. Бүгін үкімет отырысы барысында Ұлттық банк өкілі теңгенің жыл басынан бері 4,3 пайызға құнсызданғанын айтып өтті. (…) Дәл қазір біз бюджеттің бағдарламалардың орындалмай қалу қаупін көріп тұрған жоқпыз. Бюджетті күзде нақтылаймыз. Ал әзірше біз экономикамыз қай бағытта жүріп жатқанын және мемлекеттік бағдарламалардың қалай орындалып жатқанын, облыстарда осы жағдай қандай деңгейде екенін бағалап жатырмыз. Бірақ бюджетті нақтылау үшін теңге бағамының бір рет өзгеруі жеткіліксіз», – деді ұлттық экономика министрі.




Осыған ұқсас:

  1. Доллардың қымбаттауы зейнетақы қорындағы қаражатқа қауіп төндіруде
  2. Апта басында ақша айырбастау орындарында доллар 381 теңгеден сатылып жатыр
  3. Ақша айырбастау пункттерінде бір доллар 380 теңгеге сатылып жатыр
  4. МИНИСТРЛЕР ТАҒЫ ДА МҮЛТ КЕТТІ
  5. Қазақстандықтар жаппай доллар сатып алудан рекорд жасады
  6. ДОЛЛАР ДҮРБЕЛЕҢІ

Facebook арқылы пікір жазу



Пікір жазылмаған

Пікір жазу
Әлі ешкім пікір жазған жоқ! Бірінші болып пікір жазыңыз!

Пікір жазу үшін тіркеліңіз немесе кіріңіз.