Қазыбек Иса. ҰЛЫ ҚЫТАЙ ҚОРҒАНЫН БҰЗЫП ӨТТІҢ !..-Қазақстан жаңалықтары

"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!



Қазыбек Иса. ҰЛЫ ҚЫТАЙ ҚОРҒАНЫН БҰЗЫП ӨТТІҢ !..

 

 

ҚАЗАҚ ҚЫЗЫ

 

Сайрагүл Сауытбайға

 

Қылмысты ел деп Қытайды  қабылдаған,

Жауыздықтың  білді енді  бәрін  ғалам!

Бара алмайды ерлікке  сағынбаған!

Құштар болған Еліне Құстар сынды,

Шекараға сен болдың бағынбаған!

 

Ұлы Қытай қорғанын бұзып өттің,

Миллиардтың бұғауын үзіп өттің!

Батырлыққа  дәл мұндай өзің барған,

Бата алмаған  жоғалды    ізі көптің!

 

Ел біріксе, алмайтын қамалы  жоқ!

Екендігін  білдірген жанарың от!

Қаршадай қыз қайраты қамал бұзып,

Қалдың енді халқыңның дара  әні  боп!

 

Саңлақ  керек  өзіңдей саналы елге,

Көтере бер күресті  жаңа белге!

Қазақ болу қылмыс боп тұрған елді,

Әшкерелеп  бердің сен  бар әлемге!

 

Жазалаған жас бала, жарау ұлды,

Бір қазаққа он сақшы қарауыл-ды.

Айдаһар ел ылаңын жайып салдың,

Айналдырған түрмеге әр ауылды!?.

 

Жоқтығынан   тозақта  басқа амалдың,

Тас талқанын шығардың  тас қамалдың!

Бодандықта  көңілің босамаса,

Бостандықта жанарды  жасқа малдың!

 

Түнектерде түршігер  түнеп көрдің,

Еркін Елім бар деп сен тілеп келдің!

Қанды қылыш  Қытайдан қаймықпаған,

Тартылысын көрсеттің  Жүректердің!

 

Барлығына дайын ең, Бәрін күттің,

Өлсем деген елге кеп зарыңды ұқтым.

Тәуелсіздік көрсетіп Тәуелсіз  Ел,

Үні болды  сотың да   Әділдіктің!

 

Кедергіні  жолдағы жойып өлгің,

Келгені бұл – келмеген  ойына ердің…

Кісен қысқан қолдарың гүлге толып,

Соттың соңы ұласты  тойына елдің!

 

Қасабынан  Қытайдың  кім айығар,

Сен баяндап  жатқанда шынайы,  дәл –

*«Ұлы қорған бір жағы құлап түсті»-

Тегін емес-

Қазақтың  Құдайы  бар!

 

Ел намысы – ең басты шарт осында!

Бәріне бас тіккендер бар қасыңда.

Бауырыңа  бастың ғой балаларды,

Абзал жандар қайраты арқасында…

 

Азат Елдің атанып  Азат қызы,

Қалсын артта  тағдырдың азапты ізі.

Кедергінің барлығын кесіп өткен,

Қанатыңды қаға бер – Қазақ  қызы!

* Сайрагүл соты өткен 1 тамызда  Ұлы Қытай қорғанының Мин династиясы (1368-1644) кезінде салынған  Яньмэнь асуының бір бөлігі  қатты жауыннан құлап қалды!..

Қазыбек  ИСА

Qazaquni.kz

 

 

 




Осыған ұқсас:

  1. Қазақстан аумағы арқылы өткен Қытайдың танкілеріне қатысты СІМ жауап берді
  2. БҰҰ Қытайдағы саяси лагерьлер мәселесін қозғады
  3. Қытайдың солтүстігінде халық жаппай қырылуы мүмкін
  4. Прокурор Сайрагүл Сауытбайды Қытайға бермеуді және сот залынан босатуды сұрады
  5. Қытай билігі қайтыс болған адамдарды жерлеуге тыйым салуда
  6. МЕМЛЕКЕТІМІЗ БЕН ҰЛТЫМЫЗ СЫНАЛАР СОТ

Facebook арқылы пікір жазу



7 пікір жазылған

Пікір жазу
  1. Auelhan 3 Тамыз, 2018, 16:28

    Ия, ұйысқан ҚАЗАҚ алдағы бар кедергілерді бұза берсін!

  2. admin Author 4 Тамыз, 2018, 18:08

    Жазалаған жас бала, жарау ұлды,

    Бір қазаққа он сақшы қарауыл-ды.

    Айдаһар ел ылаңын жайып салдың,

    Айналдырған түрмеге әр ауылды!?.

  3. admin Author 4 Тамыз, 2018, 18:09

    Кедергіні жолдағы жойып өлгің,

    Келгені бұл – келмеген ойына ердің…

    Кісен қысқан қолдарың гүлге толып,

    Соттың соңы ұласты тойына елдің!

    Ел намысы – ең басты шарт осында!

    Бәріне бас тіккендер бар қасыңда.

    Бауырыңа бастың ғой балаларды,

    Абзал жандар қайраты арқасында…

  4. Сапар Әлі 8 Тамыз, 2018, 01:46

    Ерлік пен рух жыры екеен! Керемет жазылыпты!

  5. Сапар Әлі 8 Тамыз, 2018, 01:47

    Қазақ қызы туралы айтып отырып, Қазақ рухы туралы жырлапты! Ғажап жыр!

  6. Сапар Әлі 8 Тамыз, 2018, 01:52

    Кедергіні жолдағы жойып өлгің,

    Келгені бұл – келмеген ойына ердің…

    Кісен қысқан қолдарың гүлге толып,

    Соттың соңы ұласты тойына елдің!

    Қасабынан Қытайдың кім айығар,

    Сен баяндап жатқанда шынайы, дәл –

    *«Ұлы қорған бір жағы құлап түсті»-

    Тегін емес-

    Қазақтың Құдайы бар!

  7. Qulajan 8 Тамыз, 2018, 02:08

    Нағыз халықтың ойындағыны маржандай етіп төгіп салған тамаша тарихи жыр екен!

Пікір жазу үшін тіркеліңіз немесе кіріңіз.