"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!



Байтұрсыновты ату жазасына кескен қазақтың кім екенін білесіз бе?

Өткен ғасырдың басында «менің елім, менің жерім» деп ұрандап, қаймана қазақтың басын қосып, өз алдына жеке, азат мемлекет құруға тырысқан алаш арыстарының тағдырлары қасіретпен аяқталғаны белгілі.

Алаш баласының бостан ел болуын аңсаған олардың ешқайысы большевиктік-коммунистік жүйенің темір шеңгелінен құтылып кете алмады. Исі қазақ үшін құрбан болды. Сол тұста алаш қозғалысының басында Әлихан, Ахмет, Міржақып секілді ұлт көсемдері тұрды.

Алаш арыстарының өмірін зерттеп, олар жөнінде көптеген құнды дүниелер жазған Тұрсын Жұртбай Ахмет Байтұрсыновты ұстап, тергеп, ату жазасына кескен адамның ағайын-туысын жақсы білетін болып шықты. Ол былай дейді:

— Тағдырдың мына мазағын қараңыз, тергеу ісімен танысып отырғанда Ахаңды ұстап, тергеп, ату жазасына кесіп, үкім шығарып, «үкім орындалды» деп жазған адамның ауыл-аймағын, ағайын-туысын жақсы білетін боп шықтық.

Талай адамға, оның ішінде менің жан досым Жәнібек Кәрменұлына істеген жақсылығы үшін ол адамға сүйсініп те жүретінмін. Тіпті, сонау жетпісінші жылы маған дастан да жаздырмақ болды ғой деймін. Баласы хабарласып, оңашада жай-жапсарды біліп, үнсіз қалғаны: «енді жария етесіз бе?» дегендегі сұраулы жанары біздің жүрегімізді шымырлатты.

Өзгені қайдам, біз ол кісінің атын атамауға іштей бекіндік. Ол үшін кешірім өтінемін.

Ал куә ретінде тартылған, Ахаңның атылуына себепкер болған Ғайнижамал Қабдалиеваның өзі бізді іздеттіріп, басынан кешкенін айтып бергенде, төбе шашымыз тік тұрды (Бұл оқиға «Ұраным Алаш» кітабының бірінші бөлімнің қорытындысы ретінде берілді. Қайталап бір көз қиығын салсаңыз, сіздің де жүрегіңізді шымырлататыны анық).

Ал Ахаңның Нұржанов деген тергеуші жерлесі: «Мен Байтұрсыновтан жауап алдым. Сонда бір апта дайындалып барғанда, білімім үш сағатқа қана жететін», – деп баспасөздерде естелік айтып жүрді, – дейді Тұрсын Жұртбай.

Бәлкім,

Тұрсын Жұртбай кейінгі ұрпақтар арасында осы мәселеге байланысты үлкен жанжал, дау-дамай тумасын деп әлгі адамның атын-атап, түсін-түстемеген болар.

Бірақ кімнің-кім екенін біле жүру үшін, айтқаны да дұрыс па еді?

Ақшарқат Ахметбек

Дереккөз: 365info.kz 




Осыған ұқсас:

  1. ҮКІМЕТ 100 ЖЫЛДЫҚҚА ТАРТУ ЕМЕС… ТАЖАЛ СЫЙЛАМАҚ ПА !?.
  2. «АЛАШОРДА» ҮКІМЕТІНІҢ 100 ЖЫЛДЫҒЫНА АРНАЛЫП АС БЕРІЛДІ
  3. Ұлт үшін туған ұлы тұлға
  4. ҒИБРАТТЫ ҒҰМЫР ИЕЛЕРІ
  5. Шапағат шуағын шаша жүрейік
  6. ХХ ҒАСЫРДЫҢ БАСЫНДАҒЫ «ҚАЗАҚ ТІЛІ» ГАЗЕТІНІҢ ЖАҢАШЫЛДЫҚ СИПАТЫ

Facebook арқылы пікір жазу



3 пікір жазылған

Пікір жазу
  1. Карауыл 4 Шілде, 2018, 23:15

    Өте өкінішті әттен Ресей жағынан отаршылық жағдай болмағанда Қазақ халқының төрт миллионнаң аса қазақ қырылмағанда екі миллионға жақын қазақтар басқа мемлекетке ауып кетпегенде кәзірғі жағдайда біз жетпіс миллионға жетер едік. Сонда ешкімге жалтақтамай ұлы мемлекет болар едік.360 жыл бойы Ресейді ағамыз деп жеті миллионнан екі жарым миллионға жеткізген ағалығына (мың рахмет).

  2. Маржан 12 Шілде, 2018, 14:22

    Қайран, Ахмет аға! Сіздің рухыңыз қазақ халқының мәңгі жадында сақталатыны сөзсіз! Алаш қайраткерлерінің ерлігі – бүгінгі тәуелсіз еліміздің көрінісі. Біз, сіздерге мәңгі қарыздармыз!

  3. kokturik 20 Шілде, 2018, 16:23

    Мүмкін бүгін басқа да жендеттер құрметтеліп, жайлы орынға жайғастырып кеткен ұрпақтары масайрап жүрген болар? Бұлардың әрқайсысының атқарған рөл, қылығына сай кеш болса да әділ баға берілуі тиіс. Бүгінгілерді де ісімен бағаласақ адам боламыз, немесе ада боламыз. Ағын аққа, қарасын қараға шығару, шығара білу қазақ үшін басты мәселе. Онсыз мүддемізге сай сара жолға түсе алмаймыз. Қудалаудың қажеті жоқ, кімнің әулеті кім екенін білсек жетеді. Сонда ғана бүгінгі есіріктер аяғын тартар. Сол үшін де халқымыздың мүддесін таптаушыларға, сөз болып отырған күреске қатысты құжаттарды да сақтау керек.
    Елбасымыздың ерте ме кеш пе, бұл мәселені көтерері хақ. Онсыз рухани жаңғыру, рухани тазаланып, алға басу мүмкін бе? Жоқ!

Пікір жазу үшін тіркеліңіз немесе кіріңіз.