Неге әйгілі қазақ журналистері атындағы марапат жоқ?-Қазақстан жаңалықтары

"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!



Неге әйгілі қазақ журналистері атындағы марапат жоқ?

Геннадий Бендицкий әріптестері: Борейко мен Верк сияқты қазақ әлеміне тасадан тас атып, ашық дұшпандығын білдірген жоқ. Оларды қолдап, қоштап жазған дүниесін де көзім шалмапты. Алайда, марқұм нағыз «көкжендет» киллер еді. Тапсырыспен жазылған мақалалары айқайлап бірден білініп тұратын. Естуімше, қаламақысы да қомақты болған көрінеді. Ол мақаласын сата алатын журналисттің үлгісін көрсете алды. Сөз жоқ, талайды баспасөздің алдында безек қақтырды. Бірақ мен марқұмды журналисттік зерттеу мен сараптамалық мақала жазудың майталманы болды дей алмаймын. Топтың, тобырдың, күштінің ыңғайында жүріп, топтың, тобырдың, күштінің ғана арасындағы күрес, тартыстың додасына түсті. Бендицкийдің журналистикасы меркантильді сана мен интригалық ортаның ғана ойнына арналған журналистика еді. Ал, Марат Қабанбай… ол кісі туралы бір ғана жазбамен бәрін айтып тастау мүмкін емес. Кеше, Қазмедиада «Үркер» сыйлығы табыс етілгенде, сол есіл ердің есімі еш аталмады. Аталу былай тұрсын, сондай бір қазақ көсемсөзшісі болыпты, зерттеп, сараптап жазудың саңлағы болыпты деп еш пенде ойламағанда шығар. Есесіне, Г. Бендицкий, – журналистиканың сатыла салатын мамандық екендігін танытқан Бендицкий, «Журналистік зерттеу» номинациясының атын иеленді. Яғни, бір «ҮРКЕР» сыйлығы Бендицкийдің атында берілді. Мейлі ғой, беріле берсін, бірақ, «Қазақ» газетінің 105 жылдығына арналған биылғы «Үркерде» бір қазақ қаламгерінің атында бір марапат аталса, тойдан мақтанып, марқайып қайтар едік қой. «Өз елі өз ерлерін ескермесе, Ел тегі алсын қайдан кемеңгерді?..» деп пе еді Алаш ардагерлері…

Дәурен Қуат,

Фейсбук парақшасынан




Осыған ұқсас:

  1. Дәурен Қуат «Қазақ әдебиеті» газетінің бас редакторы болып тағайындалды
  2. Дәурен Қуат: Дидар Abai.kz порталының құрылтайшысы болған емес!
  3. Дәурен Қуат. ТАС МОНША
  4. Дәурен ҚУАТ: Руханият үшін еңбек ететін жандарды құл қылып ұстау бізде ғана бар
  5. Дәурен Қуат: Сөз бостандығы бойынша Қазақстан 165-орында тұр дегенге күмәнім бар
  6. «Ақ жол» партиясы журналистерді кәсіби мерекесімен құттықтады

Facebook арқылы пікір жазу



Пікір жазылмаған

Пікір жазу
Әлі ешкім пікір жазған жоқ! Бірінші болып пікір жазыңыз!

Пікір жазу үшін тіркеліңіз немесе кіріңіз.