Назарбаев: Си Цзиньпин екеуіміз бір-бірімізге қатты сенеміз

Мемлекет басшысы БАҚ өкілдеріне арналған брифинг барысында ҚХР Төрағасымен қарым-қатынасы туралы айтты, деп хабарлайды Baq.kz ақпарат агенттігі.

Қытай Халық Республикасының лидері Нұрсұлтан Назарбаевты келіссөздер кезінде «ағам» деп атады. Бұл жағдай бірінші рет болып отырған жоқ. Осы орайда, Президент әлемдік деңгейдегі лидерлермен қарым-қатынасы туралы айтты.

«Төраға Си Цзиньпин екеуіміз бір-бірімізге қатты сенеміз. Ол Қазақстанға, маған қатысты қаншама жақсы сөздер айтты. Тіпті, ортақ келіссөздер кезінде «ағам» деп атады. Мынадай елдің төрағасы аға болып отыру қалай, иә?» - деп күлді Мемлекет басшысы.