Қазақстанда шенеунiктер саны Жапониядан 80 есе көп – Азат Перуашев-Қазақстан жаңалықтары

"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!



Қазақстанда шенеунiктер саны Жапониядан 80 есе көп – Азат Перуашев

Қазақстанда шенеунiктер саны Жапониядан 80 есе көп, бiрақ Жапония экономикалық жағынан бiзден алда келе жатыр. Мәжiлiс депутаты Азат Перуашев осылай айтты, деп хабарлайды Baq.kz тiлшiсi.

Бүгiн Мәжiлiстiң жалпы отырысында депутаттар мемлекеттік функцияларды бәсекелес ортаға беру туралы Заң жобасын мақұлдады. Дегенмен, Азат Перуашев заңға қатысты өз наразылығын бiлдiрдi.

«Ұлт жоспарының 97 қадамында Президент мемлекеттiк функцияларды беру арқылы шағын үкiметке өту керек деген болатын. Яғни, мұнда мемлекеттiк органдардың бюджетi мен мемлекеттiк қызметкерлердi қысқарту жайында айтылып отыр. Бiз осы мәселе бойынша екi сауал жолдадық. Бiз «егер функцияларды берсек, сәйкесiнше шенеунiктерге кететiн шығындарды да қысқарту керек және босаған шенеунiктi жұмыстан шығару қажет. Егер функцияларды берсек, олар бiзге не керек?» дедiк. Ал Үкiмет «бұл қарастырылмаған, қажет деп есептемеймiз» деп жауап бердi. Яғни, бiз ендi бизнеске қосымша қаржылай ауыртпашылық түсiремiз. Сондықтан осы сомаға бюджет шығындарын қысқартып, шенеунiктердi жұмыстан босату керек. Үкiмет те, бүгiн министр де (Ұлттық экономика министрi Тимур Сүлейменов –авт.) осы сұраққа дұрыс жауап бермедi», – дедi Перуашев кулуарда берген сұхбатында.

Депутат өз сөзiнде ЭЫДҰ мәлiметiн келтiрдi. Дерекке сай, Қазақстанда жұмыс iстейтiн азаматтардың 21 пайызы – шенеунiктер немесе квазимемлекеттiк сектор, ұлттық компания менеджерлерi. Ал бұл көрсеткiш АҚШ-та 14 пайыз, Австрияда 10 пайыз екен.

«Яғни, бiзде 18 млн халыққа 100 мың шенеунiктен келедi. Ал Жапонияда 128 млн халыққа 9 мың шенеунiктен келедi. Жапонияда 14 мың адамға 1 шенеунiктен келсе, Қазақстанда 180 адамға 1 шенеунiктен келедi екен. Яғни, елiмiздегi шенеунiктер саны Жапониямен салыстырғанда 80 есе көп. Бұл не деген сұмдық! Ендi Жапония мен бiздiң экономикалық дамуымызды қараңыз. Жауап анық қой», – дедi Азат Перуашев.




Осыған ұқсас:

  1. Азат Перуашев Хубэй провинциясынан келген Қытай делегациясымен кездесті
  2. БИЗНЕСКЕ БҰҒАУ ЕМЕС, ҚОЛДАУ ҚАЖЕТ
  3. Азат Перуашев журналистерді кәсіби мерекелерімен құттықтады (ФОТО)
  4. Правительство признало неадекватность норм по субсидиарной ответственности бизнеса!
  5. Азат Перуашев: Образование Туркестанской области повысит роль РК в тюркском мире
  6. АЙҚЫН НӘРСЕНІ БҰЛЫҢҒЫРЛАУДЫҢ НЕ ҚАЖЕТІ БАР?

Facebook арқылы пікір жазу



5 пікір жазылған

Пікір жазу
  1. Қайсар Иман 14 Маусым, 2018, 22:17

    Дұрыс айтасыз! Ендеше Қазақстан шенеуніктерін 80 есе қысқарту керек!

  2. Әбдіғаппар Айдар 16 Маусым, 2018, 21:43

    Шенеуніктерді сексен есе қысқарту — басқару жүйесіне түбегейлі өзгеріс енгізу деген сөз.
    Егер осы ұсыныстан Қазақстан халқының әл-ауқаты жақсарып, еліміздің экономикасы алға қарай қарыштап дамитын болса неге қысқартпасқа?

  3. Qulajan 16 Маусым, 2018, 22:29

    Дұрыс айтады Перуашев. Жақсы дамыған Жапониядан 80 есе көп шенеуніктерді қысқартсақ экономикамызда қанша миллиардтар үнемделер еді

  4. gulmira 17 Маусым, 2018, 17:06

    Мақаланы оқып «Бас басына би болған өңкей қиқым, кетірді ғой осылар елдің сиқын» деген сөз еріксіз еске түсті.Қысқарту керек шетінен.

  5. gulmira 17 Маусым, 2018, 17:07

    Бізде керісінше ғой бəрі.Біз айлықтарын өсіріп əлекпіз…

Пікір жазу үшін тіркеліңіз немесе кіріңіз.