"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!



Мал шаруашылығы ақсап тұр

Табиғат ананың тосын мінезіне ешкім де шектеу қоя алмасы анық. Биыл еліміздің Оңтүстік Қазақстан аумағындағы шөлейтті аудандарында көктем шығар кезде түйір тамшы жаңбыр жаумағандықтан жерге шөп шықпай қалды. Әрине құрғақшылық өздерінің аздаған малы бар шаруаларды уайымға салып отырғаны. Әсіресе Шардара, Отырар, Түркістан аудандары мен Арыс қаласына қарасты жайылымдарда тып типыл болып тұр. Ертеңгі келер шіліңгір шілдеде көлеңкелер шөп таппасын білген торғай екеш торғай ел асып жоғалуда.

Шаруа қожалық иелері тау бөктеріндегі елдерден араға ағайын, жегжат, құдаларын салып мал жайылым іздеумен сабылып жүр. Тапқандары айтқан бағаларына келісіп, таппағандары қолдарындағысын сатайын десе көтерем малдарын ешкім алмай бастары қатуда.

Әлі алдарында толықтай жаз айлары, онан кейін келер күз де бар. Алдағы жылдың қысы қалай болмақ? Шаруадан ұйқы кетті қысқасы.

Обылыстық, аудандық мал шаруашығына қатысы бар шенеуіктерге айтқаннан не, айтпағаннан не пайда «жекеменшіктерің» дейді болса да. Ия, мал шаруашылық еңбеккерлері ең төменгі сатыға қойылған. Қоғамнан тыс қалған пенделер сияқты.

Халық денсаулығы-тамақ өнеркәсібіне өз еңбектерін қосып отырған шаруалар атаусыз қалып жатады әркезде. Субцидия да алалап беріледі. Мал шаруашылығына берілер мұндай көмектер обылыс деңгейінен ары асуы да екіталай. Ветеренария жұмысы жүрдім бардым. Жылына екі үш рет малдарға салынар вакцинадан соң сол ветеринарларды табу да қиынның қиыны. Шаруалардың жалынып жүргені сол ауырып қалған малдарын көрсету үшін ветеринар дәрігерлеріне.

Бәрін айт та бірін ай, Тәуелсіздік алғалы бері Үкіметке алақан жаймай, мал санын өз төлдерінен аз-аздан көбейтіп отырған шаруаларға биылғы жыл үлкен сынаққа айналуда.

Осыны байқаған кебек (жем) әкелушілер де бір қап кебектің құнын аспандатып жіберді. Тіпті кебек килосының бағасы бидай бағасынан да асып түсуде.

Ауыл Шаруашылық Министрлігі жоғарыда аты аталған аудандар шаруаларының жағдайын ескеріп, ұн шығарар үлкен концерндерден өз бағасына ұннан қалар қалдық- кебек концентратын өз бағасынан асырмай беріп жатса құба құп болар еді. Ал мұны жергілікті ауыл шаруашылық бөлімдері қадағалап отырар болса келесі жылға дейін амалдар шаруа қожалықтары ары қарай өз «пешенелерінен» көріп, Үкіметке сенімдері де арта түсер еді!

Әуелхан Шонжан,

Арыс қаласы



Ілмектер:
мал шаруашылығы

Осыған ұқсас:

  1. Б.Тілеухан министрліктен Фейсбукті ауыздықтау мәселесін сұрады


5 пікір жазылған

Пікір жазу
  1. Сабыр 30 Мамыр, 2018, 21:44

    1989 жылы осы аты аталған аудандарда құрғақшылық орын алған осылайынша. Ол кездегі аудан, обылыс басшыларында ұят бар екен ау халық
    қамын ойлар. Басқа жерді білмедім, бірақ ОҚО әкім болып Түймебаев келгелі барлығы да бітті. Анархияға айналды. Әрбір басшы өз білгендерін жасауда. Түймебаевтың қолынан ешнәрсе де келмей қалды. Тіпті оны аудан әкімдері де жүре тыңдайтын жағдайға жетіпті.
    Өз басым Сарығаш ауданында тұрамын. Мына мақаланы қос қолыммен қолдаймын! Қаңғырып, миына торғай кіріп кеткендей жанұшырып жүрген бір шаруа.
    Бұл жағдайды бір түсінсе, кеше келген А. Мамытбеков қана түсінер. Басқасын қайдам?

  2. Сабыр 30 Мамыр, 2018, 21:56

    Қиын жағдай шыннан.

  3. Сапар Әлі 31 Мамыр, 2018, 18:45

    Сабыр, сізбен келіспеймін, Облыс әкіміТүймебаев жап-жақсы істеп жатыр. Экономика ілгері басуда. Елді жақсы біледі, қазақы қаны бар. Идеологияны да ретке келтіруде.

  4. Сабыр 31 Мамыр, 2018, 18:53

    Әрине келіспейтініңді білемін. «Жандайшаптардың» қайсысы келіссін бастығының тірлігін ашық көрсеткенге.

  5. Өскен 17 Маусым, 2018, 19:16

    Мына мақалаға толықтай қосыламын. Бұл мақаланы оқып, шаруа халыққа көмек берер билік басындағылар бар ма екен?

Пікір жазу үшін тіркеліңіз немесе кіріңіз.