"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!



Ақтөбеде «Социализм дәуірі» атты аллея ашылмақ

Ақтөбенің шенеуніктері қаланың ең көрікті жерінен «Социализм дәуірі» деген аллея ашпақ. Ол жерге күнкөсем Лениннің, Фрцунзенің және Левон Мирзоянның ескерткіштерін қоймақшы. Бұл туралы zhasalash.kz сайтының өңірдегі тілшісі хабарлайды.

Аллеяға деп қаланың бас даңғылындағы «Нұр ғасыр» мешітінің артынан 1,12 гектар жер бөлген. Қазір дайындық жұмыстары жүріп жатыр.

— Тұңғыш президент саябағының кеңейту мақсатында, Сазды өзенінің жанындағы жерді бірнеше аумаққа бөлдік. Өнер орталығының артында саябақ жасамақшымыз. Тарихи аумақты «Социализм дәуірі» деп атасақ па деп жоспарладық. Тәуелсіздік алғанымызға 25 жылдан асып кетті. Қандай нәрсе болса да, тарих болып қалады ғой. Идеология өзгеріп жатыр. Сол социализм кезіндегі ескерткіштердің бәрін өңдеуге жібердік. Аумақты реттеп, көгалдандырып, кейін құрылыс жұмыстары біткенде тарихи аумаққа қоямыз деген жоспарымыз бар, — дейді Ақтөбе қалалық сәулет және құрылыс бөлімінің басшысы Таңат ШЕГЕБАЕВ.

Болашақ «Социализм дәуірі» деген аллея болатын жер

Қалалық әкімдіктің бұл әрекетін әркім әртүрлі қабылдады. Біреулер бір түнде Левон Мирзоянның ескерткішін орнынан алып тастағанына шүйліксе, екіншілері құптап жатыр.

— Көше атаулары қазақшаланатын кез келді. Шыны керек, мен мысалы, осы Левон Мирзоян көшесінің байырғы тұрғынымын. Бірақ, ол кісінің тарихта аты қалатындай қандай шаруа тындырғанын білмейді екем. Біздің көшеге Бөкейханов аты берілсе, құптаймын,- дейді қала тұрғыны Серік МАХАНОВ.




Осыған ұқсас:

  1. Ақтөбеде Мирзоян ескерткішін алып тастайды
  2. Ақтөбеде Мирзоян көшесі Әлихан Бөкейханов болып өзгертіледі
  3. Астанада аты өшкен Мирзоян Ақтөбеде неғып тұр?
  4. Асқар САДЫҚОВ: «ӘР КӘСІПКЕР ХАЛЫҚ ҮШІН ҚАНАТЫМЕН СУ СЕБУГЕ ДАЙЫН БОЛУЫ КЕРЕК!»


2 пікір жазылған

Пікір жазу
  1. user-40 23 Мамыр, 2018, 10:40

    Қазақтың тарихта аты өшпестей із қалдырған батырларымыз, аталарымыз өте көп ең алғашында сол адамдарға арнап ескерткіш қойғанымыз дурыс, Орыстардың біздің халыққа сіңірген еңбегі көп емес, оларды төрге отырғызудың қажеті жоқ

  2. user00 23 Мамыр, 2018, 10:57

    сонымен қатар көп деген көшелер де орыс атында қалып қалған оларды да өзгерту керек

Пікір жазу үшін тіркеліңіз немесе кіріңіз.