"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!



Вирус Chrome және Firefox арқылы банк картасының мәліметтерін ұрлауда

Proofpoint компаниясының мамандары Google Chrome және Firefox браузерлерінің қолданушыларына Vega Stealer деп аталатын вирус қауіп төндіргенін анықтады, деп хабарлайды Baq.kz ақпарат агенттігі.

Хакерлер жаңа вирустың көмегімен браузерлерде сақталып тұратын төлем ақпараттарын, яғни банк карталары деректерін, әлеуметтік желідегі жеке мәліметтер мен cookie файлдарының мәліметтерін ұрлаған.

Зерттеушілер анықтағандай, вирус маркетинг, жарнама, жұртшылықпен байланыс, бөлшек сауда және өндірісте бизнес өкілдерінің құрылғыларын зақымдау үшін пайдаланылған.

Хакерлер бағдарламаны тарату үшін стандартты фишингті кампанияларды қолданған. Олар «Интернет дүкенге құрастырушы қажет», «Тауарды кері қайтару», «Біздің фирмаға интернет-дүкен қажет» деген тақырыптарда электронды хаттар таратып, сонымен қатар, жеке бизнес өкілдеріне хабарламалар жолдаған.

Жіберілген хаттарда Vega Stealer зиянды макростарын жүктейтін brief.doc деген қосымшалар болған.

Мамандардың болжауынша, Vega Stealer жалпы қоғамға қауіп төндіріп, қарапайым қолданушылар арасында тарап кетуі мүмкін.




Осыған ұқсас:

  1. Қазақстандықтарға тұмаудың жаңа түрі қауіп төндіреді
  2. Қызылорда облысында қырым қанды безгегінен 1 адам қайтыс болды
  3. Жақында жазылмайтын жұқпалы ауру таралуы мүмкін – ғалымдар
  4. Facebook желісі арқылы жаңа вирус таралып жатыр. Қалай жоямыз?
  5. САЙТ ҚАУІПСІЗДІГІН КҮШЕЙТУ ЖОЛЫНДА  ҚОЛАЙСЫЗДЫҚТАР БОЛУДА…

Facebook арқылы пікір жазу



Пікір жазылмаған

Пікір жазу
Әлі ешкім пікір жазған жоқ! Бірінші болып пікір жазыңыз!

Пікір жазу үшін тіркеліңіз немесе кіріңіз.