Алматы облысында оқушылар арасында «Ғасыр-Ғұмыр» айтысы өтті

859
0
Бөлісу:

Біз бүгін Жетісуды мақтамаймыз,

Біз бүгін Жетісумен мақтанамыз,-деп

Жетісу өлкесінің тума дарын ақындары домбыраларын күмбірлетіп, 26 сәуір күні Талдықорған қаласы «Оқушылар сарайында» бас қосты. Оны Алматы облысының ішкі саясат басқармасы, өңірлік коммуникациялар қызметі мен «Өлке тынысы» Жауапкершілігі Шектеулі Серіктестігі бірлестігінің ұйымдастырды. Шара облыстық қос басылым «Жетісу» және «Огни Алатау» газеттерінің ғасырлық мерей тойы қарсаңында өтіп отыр. Сөз додасына облыстың түкпір-түкпірінен айтыскер аға-әпкелерінің ізін басып келе жатқан 18 жас жүйріктер қатысты.

Оқушылар айтысын Сарқан мен Жамбыл ауданы атынан бақ сынасуға келген Сәлімхан мен Ақбота бастады. Айтар ойлары анық, әзілдері жарасымды шәкірттер қыз бен жігіт айтысының тамаша үлгісін көрсете білді.

Сөз сайысында екі жұп қос газеттің өткен тарихына тоқтала отырып, атаулы мерекемен құттықтады. Сонымен қатар, кілкөкмойнақ жас ақындар қазақ дəстүрін дәріптеп, салтын сыйлайтын өнер сүйер қауымына кестелі жыр, сүбелі сөз сайысын сыйлады.

Сайыс ерекшелігі суырыпсалма ақындар жас болса да қоғамдағы өзекті мәселелерді ашып, қозғай білді. Сөз саптау шеберлігі мен шешендік өнері бір-бірінен өтетін 9 жұптың тартысы көпшілік жас буынға естен кетпес көңіл-күй сыйлады. Бастысы қазақ баспасөзінің қос қанаты болған газеттерді жырға қосты. Оқушылардың айтқан сөздері де орамды болды, мәселен, жігітеріміз қыздарға қорған, елге орман болсын дегені айтысты ажарландыра түсті.

Өсе келе мықты сөз шешендері шығады деп сенім артқан әділқазылар жыр мүшайрасын терең қиыстырылған әзілдер ерекшелендірді,- деп атап өтті.

«Айтыс – мәні-мағынасы жоғары дүние. Айтыс болғаннан кейін оның деңгейі болады. Бұл сайысқа келген балалардың да деңгейі, дайындығы әртүрлі. Осы тұрғыда Райымбек ауданынан келген Диана есімді ару қызды ерекше атап өткім келеді. Ол қыздың дайындығы өте жоғары деңгейде, тілі құнарлы,сөз саптауы мәдениетті»,-деп саралады қазылар алқасының төрайымы Забира Сайдильдина.

От ауызды, орақ тілді ақындардың өнері, сөз саптаулары бағаланып айтыс қорытындысы бойынша бас жүлдені Ерқұлан Риза, 1-ші орынды Жағалбайлы Диана, , 2-ші орынды Сәлімхан мен Ақбота, ал 3-ші орынды Мақсатбек Бауыржан, Айым Асылбекқызы, Мырзәлі Жүсіпәлі бөлісіп алды. Жеңімпаздарға алғыс хат пен бағалы сыйлықтар табысталды.

6-шы сынып оқушысы Ерқұлан бұл жүлденің ұстаздары Айтуған Жетебаев пен Аяулым Жұмабекқызының арқасында қол жеткізгендігін айтып, алғысын білдірді.

«Алдымен айта кетерлігі бүгінгі дода аса тартысты өтті. Ерекше көңіл –күй бойымды кернеді. Қазақ қоғамына қажет ойлар мен парасатты пікірлер тиегі ағытылды. Жас ақындар да ойларын ашық айтып, тақырыпты аша білді

деп ойлаймын. Осындай жырларын жаңбырша жаудыратын, тартымды айтыстар әлі де ұйымдастырылса»,-деп сөзін түйіндеді бас жүлде иегері.

Балжан Қайратқызы,

Қазақ үні

Бөлісу:

Facebook арқылы жазылған пікірлер

Пікір немесе жауап жазу

4 × екі =