Данияр Елеусінов кәсіпқой бокстағы алғашқы жекпе-жегінде жеңіске жетті-Қазақстан жаңалықтары

"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!



Данияр Елеусінов кәсіпқой бокстағы алғашқы жекпе-жегінде жеңіске жетті

Қазақстандық боксшы, Рио Олимпиадасының чемпионы Данияр Елеусінов кәсіпқой бокстағы қадамын сәтті бастады. Нью-Йоркте өткен алғашқы жекпе-жегінде америкалық боксшы Ноа Кидтінокаутпен жеңді, деп хабарлайды Baq.kzақпарат агенттігі.

Жартылай орта салмақта жұдырықтасқан боксшылардың жекпе-жегі 6 раундқа жоспарланған еді. Данияр қарсыласын 3 раундта-ақ техникалық нокаутпен жеңіп шықты.

22 жастағы Ноа Кид кәсіпқой бокстағы мансабында алғаш рет жеңілді. Осыған дейін 4 жекпе-жек өткізіп, 3 рет жеңіске жеткен. 1 кездесуін тең аяқтаған.

Данияр Елеусінов кәсіпқой боксқа түбегейлі наурыз айының басында ауысты. Оған дейін бір рет баруға бел буғанмен, реті келмеген еді. Ұлыбританиялық промоутер Эдди Хирнмен үшжылдық келісімшартқа қол қойып, кәсіпқой бокстағы мансабына жол ашылды.

Қазіргі таңда Эдди Хирн басқаратын компания құрамында аса ауыр салмақта WBA Super, IBF және IBO чемпиондық атақтарына ие Энтони Джошуа бар. Сондай-ақ британдық промоутер Райан Барнетт (18-0, 9 КО) (WBA Super және IBF), Джейми Макдоннелл (29-2-1, 13 КО) (WBA), Халид Яфай (23-0, 14 КО) (WBA Super), Келл Брук (37-2, 26 КО), Дэниэл Джейкобс (33-2, 29 КО) сынды боксшылармен жұмыс жасайды.

Данияр Елеусінов шаршы алаңға шыққан бокс кешінің басты жекпе-жегінде америкалық боксшы Дэниель Джейкобс пен поляк Мацей Сулецкийжұдырықтасады.




Осыған ұқсас:

  1. Нью-Йоркте орысша сөйлеген Данияр Елеусіновтен қазақша сөйлеуін өтінді (видео)
  2. Данияр Елеусінов отбасын ертіп АҚШ-қа көшетінін айтты
  3. «ЖЫЛ АДАМЫ – 2016» анықталды
  4. Тәуелсіздігіміздің көк байрағын желбіреткен төл чемпиондарымыз кімдер?
  5. Данияр Елеусінов өзін салафит деп атағандарға жауап берді (видео)
  6. Ел мақтаған Елеусінов те сәләфизмнің жетегінде кеткен бе?!.

Facebook арқылы пікір жазу



Пікір жазылмаған

Пікір жазу
Әлі ешкім пікір жазған жоқ! Бірінші болып пікір жазыңыз!

Пікір жазу үшін тіркеліңіз немесе кіріңіз.