"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!

Қазақ тілінде қызмет көрсетуді талап еткен Руза Бейсенбайтегіне күш қолданылды (ВИДЕО)

Павлодарлық «Тіл жанашыры» «Құрмет» белгісінің иегері Руза Бейсенбайтегі редакциямызға хабарласып, өзіне күш қолданылғанын айтты. Қоғамдық орындарда қазақ тілінде қызмет көрсетуді сұраған  тұрғынға күш қолданылса да,  жергілікті полиция қол ұшын созбаған көрінеді. Бүгін 13 жыл бойы қазақ тілі үшін күресіп келе жатқан Руза Бейсенбайтегі акцияға шықпақ.

— Бүгін «Бақауов, қазақ тілін қорлатпа!» деген ұранмен акцияға шығамын. Себебі полиция ештеңе істемей отыр. Осыдан біраз уақыт бұрын Жасқайрат Қайыров деген жергілікті полиция басшысы «Біз барлық полиция қызметкерлерін шақырып барлық тұрғын қазақ тілінде сөйлеуге, қазақ тілінде жауап алуға құқылы екенін айтамыз. Тілге байланысты дау шықса, оқиға орнынан барып шешеміз», – деп айтқан болатын.  Арада  бір апта өтсе де,  ешқандай нәтиже болған жоқ, – дейді Руза Бейсенбайтегі.

Тіл жанашырының айтуынша, жергілікті билік пен жергілікті полиция құрғақ сөзбен жылы жауып қоюға  үйренген. Павлодар облысының әкімі Болат Бақауовқа екі рет телефонограмма жібергенін де айтты.

— Бақауовқа екі рет телефонограмма тастадым. Екеуі де қоғамдық көлікте аялдамаларды, жол ақысын төлеуді қазақ тілінде айтуды сұрағаныма байланысты.  Біріншісінде егер полиция қызметкерлері келмесе, автобустың астына түсемін деп айттым. Ал екіншісінде акция жасағалы жатқанымды хабарладым», – дейді Руза Бейсенбайтегі.

Айта кетсек, осыдан ай бұрын Руза Бейсенбайтегі редакциямызға хабарласып, автобус кондукторынан жолақысын  қазақ тілінде сұрауды өтінген. Артынша іс насырға шауып, полиция қызметкерлері келмесе, автобустың астына түсетінін айтқан еді.

Руза Бейсенбайтегінің айтуынша, оның акцияға шыққаннан басқа амалы қалмаған. Жергілікті полиция облысы әкіміне бағынышты, оның сөзінен аттап шыға алмайды.

— Қолымда қазақ тілінде қызмет көрсетуін сұрағаным үшін мені автобустан сүйреп шығарған, телефонымды тартып алған видеолар бар. Мен сол видеоларды полицияға көрсеткім келді. Алайда мені мазақ қылған адамша үш полиция көлігі жанымнан өтті. Менде оның да видеосы бар. Бір сағаттан кейін аялдамадан 100 метр жерге полиция көлігі келіп тоқтады. Барып, мән-жайды айтқанымда, «бізге ешқандай тапсырма берілген жоқ, ештеңе істей алмаймыз», – деп айтты, – дейді Руза Бейсенбайтегі.

— Мен осылай етпесем, біз осылай етпесек қазақ тілі қорлана береді, – деп күйінішпен аяқтады сөзін Руза Бейсенбайтегі.

Павлодар облысының әкімі Болат Бақауов Мемлекеттік тілдің мәртебесін қорғап, жүйелі іс қылуға шамасы келер деп сенгіміз келеді. Әйтпесе, басқа емес, Ақордаға барып, «Тіл жанашыры»  «Құрмет» белгісі марапатын  алған Рузадай қоғам қайраткерінің өзі осылай қазақ тілінде сөйлегені үшін жапа шегіп жатса, қарапайым қазақтың күйі қандай болмақ? Өңірде мемлекеттік тіл мәртебесін асқақтатуға шамасы келмесе, Бақауов бұл қызметте не үшін отыр деген заңды сұрақ та туындайды. Біз облыс әкімі әрбір трамвайды аралап жүру керек демейміз, алайда құзырлы орган басшыларының Мемлекеттік тіл мәртебесін қорғауын қадағалау әкімнің тікелей ең маңызды жұмысы емес пе?..

Дереккөз: Қамшы


Осыған ұқсас:



139 пікір жазылған

Пікір жазу
  1. Руза 14 Сәуір, 2018, 18:48

    Алла жар болсын, өр басылым Қазақ үні! Жаныма әбден батқаны, күш қолдану да емес, 13жыл тіл жөнінде жазған хат-арыздарыма, міз бақпау! Қазақ тілін ешқайда жолатпау үшін оның қорғаушыларын ғана жауапқа тарту!!!

    • Алтай 14 Сәуір, 2018, 23:37

      13 жыл бойы неге кыздарынызды казакшага уйретпединиз?

    • Түркістан Мұхтарияты 15 Сәуір, 2018, 18:51

      Айналайын Руза апа!
      Сіздің жасап жатқан қазіргі тірлігіңіз болашақта тарихқа алтын əріптермен жазылатын нəрсе. Жалғыз өзіңіз мыңмен тіпті жүз мыңмен алысып жатырсыз. Байқап, отырмын мұнда да трольдар аяғыңыздан шалмақ ниетте. Бірақ та өтіріктің құйрығы бр-ақ тұтам дегендей олардың бұл тірлігі көзге ұрып тұр. Бізден не көмек??? Тек Құдайдан Сіздің тілеуіңізді тілеуден басқа амалымыз жоқ. Əрбір қазақ сіз сияқты тілі үшін жүргізсе екен деп тілейміз. Сіздің қайсарлығыңызға тəнтімін. Біз сізбен біргеміз!

  2. ОТАН 14 Сәуір, 2018, 19:00

    ҚАЗАҚ ҰЛТТЫНЫҢ НАМЫСТЫ ҚЫЗДАРЫ КӨП БОЛСЫН!

  3. БОТАГӨЗ, ҚОСТАНАЙ 14 Сәуір, 2018, 19:22

    СҰМДЫҚ ҚОЙ МЫНАУ, БИЛІКТЕГІЛЕР НЕ БІТІРІП ОТЫР АНА ТІЛІМІЗГЕ ҚОРҒАН БОЛА АЛМАСА……………………………………..

    • Макпал 14 Сәуір, 2018, 23:35

      Руза апай асыра силтеп отыр, 1 маршруткада аялдама 2 тилде хабарланады! Сенбейтиндер, ертен минип коруинизге болады!

    • Қолқоюсыз 15 Сәуір, 2018, 10:11

      Шындығында қазақта үкімет жоқ дегенді дәлелдеп отыр.жалпы халықтық деңгейде мәселе қою керек

  4. Р. Смаилов 14 Сәуір, 2018, 19:45

    Бізде барлық ұлттар қазақ тілін құрметтейді және сүйеді.

  5. Меруерт 14 Сәуір, 2018, 20:03

    Біздің Қазақстанымызда барлық ұлттар қазақ тіліне деген сүйіспеншілігімен құрметтің көрсетеді.Менің өзімнің үш кәріс құрбым бар.Үшеуі де қазақ тілін жақсы көреді.Олар қазақ тілін үйреніп таза сөйлейді.Оларға деген еш қандай күш көрсетуіңсіз өздері үйренем деген ниет білдірді.

    • Arystan 16 Сәуір, 2018, 09:35

      Жекелеген адам біліу және құрметтеу мүмкін, бірақ жалпы өзге ұлттын басым бөлігі Қазақ елін, жерін, тілін менсінбейді, осы ел оларды асырасады.

  6. Р. Абдулкаюмов 14 Сәуір, 2018, 20:06

    Біздің елімізде, атап айтқанда, біздің өңірде қазақ тілін үйренуге арналған барлық жағдай жасалған,

  7. Руза 14 Сәуір, 2018, 20:10

    Кереку өңірі билігінің тролдары іске қосылыптығой))

    • ҚР-ның Мем. тілі - Қазақ Тілі! 15 Сәуір, 2018, 18:58

      Ия, айтпаңыз …
      Жауыннан кейінгі саңырауқұлақтай қаптап шыға келуін қараңызшы.
      Бірақ та олар Сіз сияқты алыпқарағайға не істей алар дейсіз. Себебі өмірі қысқа бір-екі күндік саңырауқұлақтар бірден қаптап шыққанымен солай бірден қаптап жоғалып кетеді.

  8. Асхат 14 Сәуір, 2018, 20:53

    Павлодар облысында Б.Ж. Бақауов тіл бойынша үлкен игі жұмыстар атқарып жатыр. Балабақшаларды қазақ тіліне ауыстыру бойынша үлкен жұмысты қолга алып отыр. Осы игі істерді қолдайық!

  9. Мерей 14 Сәуір, 2018, 20:56

    Руза апай. Орыстар қазақ тілінде сөйлемеді деп жанжал шығарудың қажеті жоқ. Біздің елімізде үштілділік. Еуропа елдерінде тіпті бес тілде сөйлейді, өз еріктері. Ешкім оларды қорлап жатқан жоқ. Жүзден аса ұлт өкілдері тұрып жатқан шаңырағымыздың босағасын шайқалтпаңыз, берекемізді қашыртпай. Конституция бойынша еліміздегі барлық тілдері қорғалған…

    • Қолқоюсыз 14 Сәуір, 2018, 20:58

      Жетістірдің.

    • Қолқоюсыз 15 Сәуір, 2018, 03:40

      Пакыр

    • Қолқоюсыз 15 Сәуір, 2018, 04:05

      Ойбайй

      • Қолқоюсыз 16 Сәуір, 2018, 10:24

        Ана тілің – арың бұл,
        Ұятың боп,тұр бетте.
        Ана сүтімен,әке қанымен берілген туған жердің туған ана тілін білуге міндеттісің!
        Басқа тілдердің қаншасын,нешеуін меңгеремін десең де өз еркің,көп тіл білгеннен жан-дүниеңді байыта аласың.
        Бірақ, алдыменен ана тілін толыққанды білуіміз керек.

    • Бір тілде 15 Сәуір, 2018, 04:57

      Мерей ,. деген шакал,былшыл дамашы сенің бар ғой көптілді гіңе түкіріппін .Маған көптілде сөйлеп тұрсаң басыңа езіп жағар ем.

      • Қолқоюсыз 15 Сәуір, 2018, 08:42

        Мерейдікі дұрыс! Бір ғана қазақшаңмен алысқа бармайсың! Ешкімге тіл тигізуге құқыңыз жоқ! Барып тұрған көргенсіздік!

        • Arystan 16 Сәуір, 2018, 09:56

          Қолқоюсыз 15 Сәуір, 2018, 08:42
          Сіз бөтен елдердің тілдерін жоғын жоқтатпай, ұйқыдан ояныңыз. Қазақ мәңгілік шыдай бермейді. Қазіргі ашу, ыза соған дәлел. Қазақ тілі 27 жылда тек үйде сөйлетін дәрежеде ғана, мемлекет есебінен шалқиып өмір сүріп жатқан, министр, депутат, барлық шенеуніктер тек орыс тілінде сөйлеп, жұмыс істейді. Өзге тілде сайрайтын тәуелсіз ел бола ма?

    • Қолқоюсыз 15 Сәуір, 2018, 09:21

      Мемлекеттік тіл қазақ тілі! Руза əпке қазақ тілінде қызмет түрін алғысы келді, жəне талап етті. Өзінің отанында өз ана тілінде қызмет түрін алуға толық құқы бар, жəне соған лайық қызмет түрін ұсыну тиіс.

    • Оқушы 15 Сәуір, 2018, 16:39

      Мерей Европа 5 емес 100 тілде сөйлесе де Францияда французша, Германияда немісше, Испанияда испанша қызмет көрсетеді. 5 тілде сөйлеймін деп ешкім өз Отанының ана тілін керексіз қылып жатқан жоқ, қандай сауатсыз адамсыз, Павлодар акиматында да осындай сауатсыздар жұмыс жасай ма Рухани жаңғыртуға қарсы?

    • Гүлбану 15 Сәуір, 2018, 23:36

      Мерей, Асхат, Меруерт, Абдулкаюмов жəне т.б. интернационалист қазақтар. Сендер өз жазғандарыңа сенесіңдер ме? МЕМЛЕКЕТТІК ТІЛ-ҚАЗАҚ ТІЛІ. СОл мемлекеттік тілді білесіңдер ме, Павлодарда қоғамдық орындарда еркін қолданасыңдар ма? Орыс, орыс тілді 100 ұлтқа қазақша сөйлеп көрші Руза апайдай, сонда көресің орыстардың қазаққа деген пиғылын. Нанбасаңдар, Руза апайларыңмен дүкенге барып, автобус, трамваймен жүріп көріңдер. Қазақ тілінің отаны-Қазақстан, қазақ тілі -қазаққа керек! Соны қашан ұғасың дар мəңгүрт қазақтар!

    • Arystan 16 Сәуір, 2018, 09:44

      Сен өзге тілдерге құмар болсан сол елге көшіп кет. Бұл үш тілділік, билік секілді мәңгілік емес. Ешқандай үштілділік болмайды. Қазақ жерінде тек Қазақ тілі болады.

  10. Алия 14 Сәуір, 2018, 21:06

    Руза Апай, мемлекеттик тилди окуга жана окытуга коп мумкиндик жасалып жатыр, бул бир кунде шешилетин маселе емес деп ойлаймын.сабыр танытайык, уакыт керек.

    • Қайрат 14 Сәуір, 2018, 21:39

      27 жыл болды уақытқа үйренетін болса

      • Қолқоюсыз 14 Сәуір, 2018, 21:56

        Итің-китің етіп,өлі-тірі сықырлап келеді,қашан толық күшіне мінеді.
        Басқа тілдерінің бір тиынғада керегі жоқ,ана тілі аяққа нық тұрмай.

    • Қолқоюсыз 15 Сәуір, 2018, 09:23

      Керекуде кенже қалып отыр, сабыр сақтап енді 25 жыл отырайықпа!

    • Қолқоюсыз 16 Сәуір, 2018, 10:00

      Сабыр-сабыр деп,тағы қанша уақыт сенделтпекшісіңдер,жетер енді,америка,англиядан келген азаматтар,басқа құрлық,басқа материктен келіп
      үш айда үйреніп алып жатқанда,құлықсызбын,мойыным жар бермейді әлде менсінбеймін демейсіңдерме,ана тіліміздің қасиеті атқырлар.

    • Arystan 16 Сәуір, 2018, 10:11

      Қазақтай шыдамды халық әлемде жоқ, бірақ әр шыдамның да шегі бар. Осыны билік қазір түсіну керек. Қазақ Елінде тек Қазақ тілі болу міндетті.Бұл мәселеде дауласудын қажеті жоқ.

  11. Rauan 14 Сәуір, 2018, 21:13

    Кереку – Ертіс – Баян өңірінде ана тілін дамытуға үлкен үлес қосып жатыр. Орыс тілді адамдардың арасында өскенімен халықтын алдында ана тілінде еркін сөйлеуде. Ең бастысы қазіргі кезде бала бақшаларды қазақ тіліне көшіріп, жер – су аттарын қазақтандырып жатыр.

  12. Рамиль 14 Сәуір, 2018, 21:18

    Бізде бәрі жақсы. Бақауов тілді дамытуда тамаша жұмыс жасайды. 100% сапа уақыт мәселесі.

  13. Kereku jastary 14 Сәуір, 2018, 21:19

    Сонымен қатар облыс аймағында жастар арасында мемлекеттік тілді дамыту мақсатында көп деген жобалар жүзеге асырылып жатыр

    • Қолқоюсыз 15 Сәуір, 2018, 09:26

      Мəселен қандай, қоғамдық орнында қазақ тілінде сөйлейалмай жатырсыздар ғой, ұят.

    • Arystan 16 Сәуір, 2018, 10:22

      Rauan 14 Сәуір, 2018, 21:13
      Рамиль 14 Сәуір, 2018, 21:18
      Kereku jastary 14 Сәуір, 2018, 21:19
      Бұл пікірлер және осынған жақын мағынада жазылып жатқан пікірлер, биліктін тапсырмасы бойынша бот (компьютерлік бағдарлама) жасап отыр, олардын мақсаты халықтын көз қарасын өзгерту. Бірақ билік түсіну керек, Қазақ халықты бұндай өтірік ойлармен алдай алмайсындар.

  14. Данияр 14 Сәуір, 2018, 21:39

    Павлодар облысынын аймағында мемлекеттік тіл мәселесі әрқашан басты сұрақтын бірі болған еді. Бірақ қазіргі таңда солтүстіктің қазақтары ана тілінде сөйлемейді деген таптаурындар(стереотипы) артта қалды деп есептеймін, өйткені облыс әкімі Б.Ж.Бақауов бұл сұраққа көп мән беріп келеді, облысымызда көп деген жобалар жүзеге асырылуда.

  15. оралман 14 Сәуір, 2018, 21:49

    руза апеке сізге алла разы болсын !сіз жалғыз емессіз

  16. Татьяна 14 Сәуір, 2018, 22:03

    Руза апай, біз екі жылдай болды Ресейден көшіп келдік, балаларым жұмыс істеп жур, сондай ақ мемлекеттік тілді уйрену көп мумкіндік бар екенін білдік, балаларым тегін казақша уйрену курстар бітірді қазір бəріміз өз ана тілінде сөйлейміз, үақыт керек, сабыр болайық

  17. Серік жұмыссыз 14 Сәуір, 2018, 22:06

    Руза !!! Алған бетіңнен қайтпа !!! Бірақ тым артық
    кетіп қалма , дəл қазір қазақты орыс сабап жатса
    , араша түсер , қазақ милиция жоқ , неге , өйткені бізде 140 ұлтты тату өмір сүргізіп отырған Нюбел силығына үміткердің бұйрығын орындаушылар !!! Аз қалды , енді бір 100 000 000 дай қазақтарды шетелдерден Қазақстанға оралса , сіз , мен , əкім айтпай – ақ бəрі қазақша сайрайды !!!!! Аз қалды , сəл шыдайық !!!!

  18. Мұстафа Ыбырайхан 14 Сәуір, 2018, 22:43

    Тіл қазақ отбасынан басталу керек.Шүлдірлеген мамка Бəйібшеліктен жұрдай ажека қазақылықтан безген атака Осылар Қазақ тілінің дамуына кедергілер.Өзіңді Өзің сыйласаң жат бойынан түңілер.Өзіңнен баста .

  19. Г. Машрапова 14 Сәуір, 2018, 22:55

    Тілді меңгерем десе, меңгереді ғой адам. Мен жаңа ғана Шымкент қаласынан Павлодарға шықтым. Сол жақтағы кісілер менің таза қазақ тілінде сөлегеніме таңқалып, риза болды ғой. Тілді құрметтеуді үйрету керек, бірақ бізді осылай зорлап «үйретсеңіз», бүкіл xалықпен ұрыссып, ешқашан тілсүйгіш ұрпақты тәрбиелемейсіз.

  20. Адам 14 Сәуір, 2018, 23:17

    Руза апайдын озинин орысша сойлесип турганын откен аптада каланын бир дукенинде кордим гой, типти озинин туган кыздары да казакша тусинбейди екен, немереси орысша садикке барады деп еситтим, енди келип журтты сынаганы неси? Алдымен адам озинен айналасынан бастаса гой.

  21. Гүлден 14 Сәуір, 2018, 23:17

    Сіздерге Павлодарлықтарға қандай əкім келсе де жағымсыз. Елбасы айтқандай əр адам өз ана тілінде сөйлеуге құқығы бар деп. Сіз өзіңіз тіл үшін не істедіңіз? Орыс жүргізушілер мен кондукторларды мазалағаннан басқа.
    Сіздің бос уақытыңыз көп екен. Жұмысқа орналасыңыз кондуктор болып. Үлгі боларсыз.

  22. Р. Сағынған: профессор Қазақстан Журналистер Одағының мүшесі. 14 Сәуір, 2018, 23:17

    Мен филология ғылымдарының кандидатымын.Көп жылдар бойы қазақ тілі мəселерлерімен айналысамын.Тек қана акциялар ұйымдастыру емес.Қазақ тілінің патриоты оны жастарға үйрететін адам.Апа қайтадан ойлауыңызды сұраймын.

  23. Аяулым 14 Сәуір, 2018, 23:31

    Кыздары казакша билмейди дегени рас па?
    Маскара, мен бул киси айбат корип журсем, оз кыздарын тузеп алмайма!

    • Қолқоюсыз 15 Сәуір, 2018, 09:33

      Үлкен қызы қазақ тілінде сөйлемегені үшін араласпайды, қызынан Қазақ тілін жоғары қойған адам.

    • Қолқоюсыз 16 Сәуір, 2018, 08:37

      Қыздары, немерелері қазақша сөйлемейтіндер одан да жоғары жерде отыр ғой! Солардың бəрін жөнге салу
      Керек, Руза ханым!!!

  24. Талап 14 Сәуір, 2018, 23:48

    Мемлекеттік жүйе ауыспай тіл мəселесі шешімін таппайды. Жаяудың шаңы шықпайды.

    • Arystan 16 Сәуір, 2018, 10:49

      Жұмыла көтерген жүк жеңіл, барлығымыз Руза апайымыздай Қазақ тілін көтерсек. Бұл жағдай тез арада шешіледі, билік оны қаламасада.

  25. Махамбет Ерғали 14 Сәуір, 2018, 23:49

    Қайраткер Руза қазақ тілі үшін шырылдағанда қол ұшын созуға біреуі табылмағандар мұнда, жасырын атпен жабылып коммент жазып, қазақ тілі үшін қайрат көрсеткен Рузаны кінәлап отыр ғой. Әкімнен тапсырма алғандар жанталасып, жарысып, әкімге адвокат болып жатыр екен.

  26. Бақыт 14 Сәуір, 2018, 23:50

    Рузаның қыздарымен күнде сөйлесіп жүрміз, қазақша ағып тұр ғой, неге жала жабасыңдар?

  27. Мамбет Курманбаев 14 Сәуір, 2018, 23:51

    Бақауов бақайына шейін орысқұл болып кеткені ғой,əйтпесе ұлттық тілді мұншалық қорламас еді!

  28. Сұлтан Бекбосын 14 Сәуір, 2018, 23:53

    Әкім мемлекеттік тілді қорғай алмаса, полиция мен көлік, басқармасына автобус пен трамвайда қазақ тілінде айтқыза алмаса, атасының басына отыр ма әкім болып?

  29. БАТЫРБЕКОВА Г.М. 14 Сәуір, 2018, 23:55

    ОСЫНДАЙ НАҚТЫ ФАКТІЛЕРГЕ НЕГІЗДЕЛГЕН ҚАРСЫЛЫҚ,ОЛАРДЫ КӨПШІЛІК ЖӘНЕ БИЛІК ТАРАПЫ БОЛЫП ҚОЛДАМАСА БҰЛ МӘСЕЛЕ ОРНЫНАН ҚОЗҒАЛМАЙДЫ.

  30. Салтанат Арын 15 Сәуір, 2018, 00:07

    Жумабай Сарсекенұлы деген павлодарлық фейсбукта «Руза апай озинизди маскаралауды догарыныз. Оданда казак тилинин дамыткыныз келсе казакша китап, шыгарма жазыныз жастар окитын, пайдалы. А так жай интернетти шулатканнан тук озгермейди, Астаналыктарда жакында сиздин терис ис арекетинизден хабарлар болса, ешкимге керексиз боласыз»-деп оттапты.

    • Рауан Азимханулы 15 Сәуір, 2018, 00:38

      Мына жерде Жумабай Сарсекенұлы деген данышпан шығыпты ғой

    • Қазыбек Иса 15 Сәуір, 2018, 00:40

      Рузаның ұлттық мүдде, мемлекеттік тіл үшін істеген осындай қайратының біреуін де жасай алмай отырып, тілүшін қыспақта қалғанда еркек болып, қол ұшын бере алмай отырып, Жұмабек, сендер қалай, не беттеріңмен «ақыл» айтып отырсыңдар? Әйелдерінің етегінің астынан шықпай отырған павлодарлық «еркектер» Әйел Рузаның ерлердің орнына істеген ерлік ісі үшін кінәлап жатқандары қай сасқандары?

    • Қазыбек Иса 15 Сәуір, 2018, 00:41

      «Астаналыктарда жакында сиздин терис ис арекетинизден хабарлар болса, ешкимге керексиз боласыз»-деген не сөз ол? Астана Рузаның қайраткерлігін жақсы біледі. Өткен жылы облыс әкімшілігі ұсынған екі адам өтпей қалып, мен ұсынған Руза Ақордаға барып, «Тіл жанашыры» «Құрмет» белгісі марапатын алған. Рузадай қоғам қайраткерінің өзі осылай қазақ тілінде сөйлегені үшін жапа шегіп жатса, сендер көмек берудің орнына қалайша тіл-жақтарыңа сүйеніп отырсыңдар? Тапсырма берсе, болды, алды-арттарыңа қарамай шәуілдеп шыға келесіңдер осылай.

    • Arystan 16 Сәуір, 2018, 11:02

      Жумабай Сарсекенұлы – бұндайлар Қазақ атын жамылған ұлт сатқындары.

  31. РАШИТ АХЕТҰЛЫ 15 Сәуір, 2018, 00:09

    Әкімшіліктегілер демалыстарын ұмытып, коммент жазуға отырған ғой деймін бәрі бәкімдерін қорғау үшін

  32. РАШИТ АХЕТҰЛЫ 15 Сәуір, 2018, 00:09

    Әкімшіліктегілер демалыстарын ұмытып, коммент жазуға отырған ғой деймін бәрі әкімдерін қорғау үшін

  33. Сұлтан Бекбосын 15 Сәуір, 2018, 00:12

    ӘКІМ МЕМЛЕКЕТТІК ТІЛДІ ҚОРҒАЙ АЛМАСА, ОНЫҢ ОРНЫНА ТІЛДІ ҚОРҒАҒАН РУЗАҒА ҚЫСПАҚ ЖАСАСА, «БАҚАУОВ, ОРНЫН БОСАТСЫН» деп РЕСПУБЛИКАЛЫҚ АКЦИЯ ЖАСАЙМЫЗ

    • Arystan 16 Сәуір, 2018, 11:09

      Қосыламын. Бірақ біз тіл мәселені түбегейлі шешу үшін. Конституциядан орыс тілін алып тастау керек, деген талап қою қажет.

  34. Сапар Әлі 15 Сәуір, 2018, 00:13

    Жарайсың Руза! Біз сенімен біргеміз.

  35. Мамбет Курманбаев 15 Сәуір, 2018, 00:37

    Ұлттық мүдде мен ұлттық тілдің жанашыры бола білген Руза қызға Алланың нұры жаусын! Бақауов мырза осындай қыздарымыздан үлгі алса жарар еді! Тіл қадірін төмендетпей!

  36. Мерей 15 Сәуір, 2018, 01:03

    Ендеше жүрик бәріміз бізбен орысша сөйлеген адамдардың шашын жұлып, доңғалақтарының астына жатып. Масқара. ҰЯТТАҒЫ, ҚАЗАҚТАРМЕН НЕ БОЛДЫ ДЕСІН..

    • Қолқоюсыз 15 Сәуір, 2018, 09:40

      Шаш ал десе, сен бас аласың ғой. Сен жанашыр танытпай қойшы, мына сөзіңмен ұлтты масқаралайсың.

      • Қолқоюсыз 15 Сәуір, 2018, 10:49

        Сөздің,істің астарына бойлау керек,шолақ қайырма,құрық бойлатпау керек қой,бұл жерде елдіктің,тіл мен елдің жандануы.

  37. Руза 15 Сәуір, 2018, 01:17

    Ардақты Қазеке бауырым, Қазақ үні, сіздерден көмек сұраймын?! Б.Бакауов, мемлекеттік тілді қорлауыңды тоқтат деген акция өткізіп, Қазақстан бойынша бөліскен адамдардың, менен бастап, фейсбук аккаунттары бұзылып жатыр. Сервер, интернеттің Қазақстан контенті үкіметтің қолында екенін ескерсек, жеке адамдардың өміріне, сөз бостандығына қай структуралар қол сұғып отырғаны шамамен белгілі де. Мында Бакауовты әшкереледің деп, ешқандай Америка, т.т хакерлері атака жасады деудің еш қисыны жоқ екені де түсінікті . Ол ол ма, Сағынтаев Б. орынбасары А.Жұмағалиев, және ІІМ Қасымовтың блогтарына қойып үлгерсем де, шағымымды, ЭЦҚ-мен, іле Қожамжаровқа қояйын десем, парол дұрыс емес дейді). Сосын, келе жатқан Европарламенттің контактарын сұраймын? Және, сол видеомен осында соны көрген адамдар отырса, Ютубта, инстаграмда, барлық жерде бөлісулеріңізді сұраймын? Жәй ғана тек фейсбукте отырушы едім, енді барлық жаққа шығуға, таратуды сұрауға мәжбүрмін…. Қазақ тілінің өшуіне емес, өсуіне мүдделілер көп құдайға шүкір! Сондықтан бұғаттағандарыңыз, еселене наразылықпен, әшкеремен қайтады сіздерге, оған қам жемеңіздер! Жылдар бойы қазақ тілінің тапталуына наразылық арқылы фейсбукте бұғатталған, ЭЦҚ кілті де жарамсыз болып қалған, Бейсенбай тегі Р.З. айтпақшы, еліміздің сервері біздің қаламызда орналасқандықтан, ҚР интернетіне Б.Бакауовтың тікелей әсері бар шығар, сондықтан бұғаттауға да, басқаға да оның қатысы бар ма деп ойлаймын. Айтпақшы телефоным, әр сотқа сүйрелеген кездердегідей, қайтадан прослушкаға қосылды).

  38. Руза 15 Сәуір, 2018, 01:21

    Биліктің 1 нне 1-2 тролінен басқа, ақ ниетті адамдарға мың алғыс, қолдағандарыңыз үшін! Түбінде біз жеңеміз! Тел. прослушкда, полициядан сұраңыздар, қай тілде қыздарыммен сөйлесетінімді). Екінші, балабақша ға 2 жиенім барады, оның да балабақшасының атын ертең қояйын, тексеріңіздер. Аты жөндері Мырзағали Диас пен мМырзағали Әйіш. Тағы не айтасыздар))

  39. Амангелді 15 Сәуір, 2018, 07:23

    Мемлекеттік тілімізді білмегендерге «жұдырық» көрсетпей-ақ қояиық,Ар,намысы болса өздері түсінер.Дегенмен Руза қарындасымыздай өзінің туған тілі үшін шырылдап жүргендердердің қатары көбейіп келе жатыр,мен соны байқап қалдым.Қазақ ұлты намысшыл ғой.Рухымызхбен санамыз жоғалмасын.Ана тілімізге деген жанашырлық бірінші орында тұруға тиісті,Осындай азаматтарымыз көбейе берсе,ана тіліміз ертең-ақ жоғарыға асқақтап шыға келері анық.Болашаққа,ұрпаққа сену керекСоған байланысты жұмыс жүргізу керек..

    • Arystan 16 Сәуір, 2018, 11:15

      Иә дұрыс айтасыз. Билік қашан Қазақ тіліне он көзімен қарайды деп отыра бермей, әрбір Қазақ баласы Руза апайымыздай ана тілімізді көтеріп жүрсе, бұл мәселе тез шешіледі.

  40. Руза 15 Сәуір, 2018, 11:14

    Ruza Beisenbai Tegi Орталық полицияға қоңыраулатып отырмын, не істеп жатқандарын білуге, 39159і, «дежуный бейсенов слюшает»)). Шынымен, кетуі керек, Бакауов, Қайыров, Қаптаев, ең ақырғы Бейсеновтарымен бірге… Осын барлық халық болып талап етуімізден басқа қалмаған секілді! Европарламент келе жатыр дейді, содан сұрауға қалды тілімізді шығар енді, бұл құбыжықтардың арқасында?!

  41. Kaba Seilgasin 15 Сәуір, 2018, 11:16

    Павлодарда, Ақсуда мемлекеттік қызметкерлер мемлекеттік тілден басқа өз істерін жақсы атқарады. Жоғарыдан түскен тапсырмаларды жауапты түрде орындайды. Мемлекеттік тіл Заңын да мүлтіксіз орындайды. Барлық құжаттар екі тілде жүргізіледі. Нақтылап айтсақ Тіл Заңының орындау міндеті толықтай аудармашылардың мойнында. Яғни, барлық жиналыстар орыс тілінде толықтай жүргізіледі де аудармашылар көз майын тамызып ымы-жымын білдірмей екі тілде құжаттарды дайындап отырады. Қандай да бір жиналыста қазақша амандасып екі-үш жол кіріспесі оқылып, əрі қарай «всем понятном языке» сылқылдай жөнеледі. Жан жағыңа қарасаң 85-90 пайыз жергілікті ұлт өкілдері. Бірақ, баяндамалары, баяндама талқысы, тапсырмалар «только на понятном языке» кетеді. Ұсыныс болды, осындай отырыстарда «ілеспе аударманы» қолдануға. Оған «ілеспе аударманы» қолданамыз, бірінші «Нұр Отан» партиясының мəжіліс залынан бастаймыз деп «Мәдениет ж/е тіл бөлімі бастығы жауап берді. Көрерміз… Ақсу қаласына басқа ұлт өкілінен əкім тағайындалды. Кейбір қазақ басшыларына қарағанда құттықтау сөзді қазақ тілінде ұзақтау айта алады. Енді бір қиындығы нағыз халықпен етене араласатын əлеуметтік жағын басқаратын орынбасар да өзге ұлт өкілі. Мемлекеттік тілдің иісі «мұрнынан айналып» өтіп кеткен. Ал, Ақсу өңірінде оралман қандастарымыздың қалың орналасқан, ауыл-ауыл болып десе де болады. Сонымен қатар мемлекеттік тілде өтетін барлық іс-шаралар ол кісіні «айналып» өтеді. Осы жағын Қазбек Иса інім қалай түсінуге болады. Мемлекеттік тілде оқитын бүлдіршіндеріміз жылдан жылға көбейіп мектептерге сыймай барады. Ал, олар мемлекеттік тілде қалаған спорттық сексияларға бара алмайды. Орыс тілін білмеген соң түсінбей жаттығуларды жөндеп жасай алмайды да, бір-екі жыл уақытын босқа өткізіп «далада» қалады. Содан солтүстік өңірге қазақ тілі үстем болатынына сенімсіздік туындайды. Осы мəселені жақсылап талқыға салып қолға алсақ құба-құп болар еді.

  42. Бану Дос 15 Сәуір, 2018, 11:16

    Əр қызметкер өзі қазақ тілінде сөйлеп, жазатын кез келді.

  43. Kaba Seilgasin 15 Сәуір, 2018, 11:17

    Менің өз басым, Руза апайымыздың істеп жүрген ісін толық қолдаймын. Руза апайымыз сияқты адамдар саны көбейсе жəне сол адамдардың істерін халық болып қолдасақ билік халық талабын орындауға мəжбүр болады. Осындай адамдарға бəріміз «сыншы» болып отырмай, істеген істерін əрқайсымыз қайталауға тырыссақ орыстілді қауым да, билік те санасар еді…

  44. Қазыбек Иса 15 Сәуір, 2018, 11:17

    Kaba Seilgasin ағамыз өзгелер секілді жуып-шаймай, турасын айтыпты. Сіз айтып отырған жағдай -Мемлекеттік тілде сөйлемей, тек аудармашыларддың арқасында қағазда ғана болу – қазақ тілін өлтіріп келе жатқан ең басты дерт! Павлодарлық қазақтардың Әкімдерден бастап, мемқызметкерлердің бәрі орыстарға да қазақша сөйлейтін кезі баяғыда келген. Осыны айтсаң, палодарлық әкімдер түгілі, қаламгерлері де шалқасынан түседі «Бұл мүмкін емес!»-деп. Бұл 1991 жылғы үрейлі ҚҰЛДЫҚ САНА. ҚҰЛДЫҚ САНАДАН АРЫЛЫҢЫЗДАР АҒАЙЫНДАР! ТӘУЕЛСІЗДІК АЛҒАНЫМЫЗҒА 27 ЖЫЛ БОЛҒАНЫН ЕСТЕРІҢІЗГЕ САЛАМЫН. РУЗАНЫ ЖАЛҒЫЗ ҚАЛДЫРУ -ҰЛТТЫҚ НАМЫСҚА СЫН, ПАВЛОДАРЛЫҚТАРҒА АУЫР СЫН! ОЯНЫҢДАР – ОЙЛАНЫҢДАР -ҚАЙРАТ КӨРСЕТІҢДЕР!

  45. Қазыбек Иса 15 Сәуір, 2018, 11:18

    ТӘУЕЛСІЗДІКТІҢ 27-ші ЖЫЛЫНДА ОТЫРЫП, МЕМЛЕКЕТТІК ТІЛДІҢ ЗАҢДЫ ТӨРІНЕ ШЫҒУЫ ҮШІН «УАҚЫТ КЕРЕК»-ДЕЙТІНДЕР -ҚАЗАҚ ТІЛІНІҢ – ҚАЗАҚ ХАЛҚЫНЫҢ ЖАУЛАРЫ!

  46. Мұстафа Асылбеков 15 Сәуір, 2018, 11:20

    Жалғыздың шаңы шықпас.Керекудің Рузадан басқа Тіл қамқоры жоқ п

    • Arystan 16 Сәуір, 2018, 11:25

      Иә ол жақтағы еркек кіндіктер не істеп жүр, неге Қазақтын жігіттері шығып бұл кісіні қолдап, қорғамайды?

  47. Мұстафа Асылбеков 15 Сәуір, 2018, 11:20

    Жалғыздың шаңы шықпас.Керекудің Рузадан басқа Тіл қамқоры жоқ па?

  48. Қолқоюсыз 15 Сәуір, 2018, 11:21

    Мерей деген шіркін, оттаған-ақ екен!

  49. Махамбет Ерғали 15 Сәуір, 2018, 11:26

    Керекудің ақын-жазушылары, журналистері қайда? Ұлттық намысы бар жалпы зиялы қауым бар ма Керекуде? Олар неге рузаны қолдау орнына әкімнің адвокаттары болып, Рузаға тиісіп қалуда?

    • Қолқоюсыз 16 Сәуір, 2018, 10:41

      Баянауыл – Мәшкүр Жүсіп,Жүсіпбек Аймауытов,Сұтанмахмут Торайғыров,Әлкей Марғұлан,
      Қаныш Сәтбаев,Шәкен Айманов,Кәукен Кенжетаев – нар қасқалар шыққан жер.

  50. Махамбет 15 Сәуір, 2018, 11:27

    Керекудің ақын-жазушылары, журналистері қайда? Ұлттық намысы бар жалпы зиялы қауым бар ма Керекуде? Олар неге Рузаны қолдау орнына әкімнің адвокаттары болып, Рузаға тиісіп қалуда?

  51. Руза 15 Сәуір, 2018, 12:12

    Кереметтей рахметімді айтамын, ардақты рухтас бауырларым, сіңлілерім. Және бұрын әкімшілікте істеген, содан қалған таныстары арқылы барлық жағдайды біліп, шындықты айтып отырған, жерлесім-бауырым Қабаның айтқаны өте құнды!. Мақсатым әкімді, иә басқа біреуді аударып-төңкеріп тастау емес, әсіресе жас келе жатқандықтан аз да болса қазақы ортада тыныш өмір сүру, және қол жететін бе, жетпейтін бе, арманға, бізден кейін Қазақтілді Қазақстан қалсын дегенге шамамызша жұмыс істеу. Хаттармен ешнәрсе болмай жатқандықтан, тым болмаса осылай оянар ма екен Бакауов, Қайыров, т.б. деген де үміт. Және, басқасын қойғанда, жоғары орындарда отырған олардың, басқасын айтпағанда, өздерінің азаматтықтарына сынғой? Қалай соны түсінбейді? Қазақ тілін өңірге Бейсенбай тегіне қасарысып қондырмай отырмын дей алмайдығой). Қарап отырсаңыздар, көліктің алдында тұрғандарым, енді міне акциям, барлығы көліктегі қызметпен байланысты ғой? Қай адамның шыдамы таусылмас, 13жыл хаттарды былай қоя, қатысты әкімшілік өкілдерін , автопарк басшыларын жинап, 3-жылға кетті, «жолақыларыңызды төлеңіз» деген 2 сөзді айттыра алмау?. Сондықтан болып отыр осының барлығы…

  52. Ерхат 15 Сәуір, 2018, 13:13

    Билік басындағылардың бәрі орысқұлдар мәңгүттер Кремльдің қолшоқпарлары

  53. Сұлтан Бекбосын 15 Сәуір, 2018, 13:40

    БАҚАУОВ БАСТАҒАН КЕРЕКУЛІК ОРЫСҚҰЛ ӘКІМДЕР МЕН ШЕНЕУНІКТЕР ӨЗДЕРІНІҢ ҚАЗАҚ ЕКЕНДІКТЕРІН БІЛЕДІ МЕ ЕКЕН, ОЙЛАЙДЫ МА ЕКЕН?

  54. Іңкәр Әлемқызы 15 Сәуір, 2018, 13:42

    «ТӘУЕЛСІЗДІКТІҢ 27-ші ЖЫЛЫНДА ОТЫРЫП, МЕМЛЕКЕТТІК ТІЛДІҢ ЗАҢДЫ ТӨРІНЕ ШЫҒУЫ ҮШІН «ӘЛІ УАҚЫТ КЕРЕК»-ДЕЙТІНДЕР -ҚАЗАҚ ТІЛІНІҢ – ҚАЗАҚ ХАЛҚЫНЫҢ ЖАУЛАРЫ!»-деген Қазыбек Иса ағаның тура айтылған керемет сөзін барлық мемлекеттік мекемелердің маңдайшаларына жазып қою керек!

  55. Арман Мұрат 15 Сәуір, 2018, 16:59

    Бұл орынсыз пікір және оны еш дәлессіз қолпаштап жазғандар да қисынға симайды. Тіл саясаты бойынша Республикада ең көп жұмыс істеп отырған Павлодар. Ал оған мұрындық болып отырған әкім Б. Бақауов.

  56. Тоғжан 15 Сәуір, 2018, 17:02

    Бұл апайымыздың жазғанын қолдағандар ол адамды жақсы білмейтіндер, көзбе-көз кездесіп, ауызба-ауыз сөйлеспегендер. Егер апайымызды жақсы білетін болса басқаша пайымдар еді жағдайды.

  57. Сері 15 Сәуір, 2018, 17:05

    Мен орыс тілін жетік білмеймін. Бірақ қай қызмет көрсету мекемесіне барсам да өзіме қажетті ақпаратты қазақ тілінде аламын. Иа, болады кейбір адамдар қазақша жауабын толық бере алмайды. Сүйтті екен деп онымен қырқысу ойға симайтын дүние

  58. Айман 15 Сәуір, 2018, 20:22

    Павлодар каласында казак тили мәселесі өте жаман,осында кошип келгели коргеним укканым осы. КСК тек орысша жазады, подъезде алдында су тазалаймыз (жидкий хлор ) ол өмірге өте кауипти деп орысша жазылган, казакшасы жок. Соны оралман орысша билмейтин коршилеримизге озим барып тусиндирдим . Олар судың лас ишуге болмайтынын билмейди екен,сумдык! Өйткені казакша жазылмаған , олар орысша тусинбейди .КСК биз тук билмеймиз деп отыр .

  59. БОТАГӨЗ, ҚОСТАНАЙ 16 Сәуір, 2018, 01:13

    РУЗА, БАТЫРСЫЗ, БАТЫЛСЫЗ, СІЗДІ ҚОЛДАЙМЫН, СІЗДЕРДЕЙ ЖАНДАРДЫҢ КҮРЕСІНІҢ АРҚАСЫНДА ҚАЗАҚТЫҢ АНА ТІЛІ ӨШПЕЙ, ҚИЫНДЫҚТЫ ЖЕҢІП КЕЛЕДІ. ШЫНЫМЕН, СІЗДЕЙ БОЛУ ӘРКІМНІҢ ҚОЛЫНАН КЕЛМЕЙДІ, ОТБАСЫҢЫЗДЫ ҚАЗБАЛАП ЖАТҚАНДАРҒА КӨҢІЛ БӨЛМЕҢІЗ, СІЗДЕЙ ҚАЗАҚТЫҢ ҚАЙСАР ДА, ӨЖЕТ ҚЫЗЫ БОЛҒАНЫН МАҚТАН ТҰТАМЫН. ҚАЗЫБЕК МЫРЗАҒА МЫҢ АЛҒЫС, ҚАЗАҚТЫҢ МҮДДЕСІНЕ ҚЫЗМЕТ ЕТІП ЖҮРГЕН АЗАМАТ ҚОЙ, ЖАҚСЫНЫҢ ЖАҚСЫСЫН МОЙЫНДАП, ЕЛДІҢ АҒАСЫ ЕКЕНІН АЙТУ АРТЫҚ ЕМЕС. ИӘ, ОСЫНДАЙ АЗАМАТТАРДЫҢ АРҚАСЫНДА АНА ТІЛІМІЗДІҢ ҚАНАТЫ ТАЛМАЙ, МӘҢГІЛІККЕ ЖОЛ САЛДЫ.

  60. Тоғжан. 16 Сәуір, 2018, 14:26

    Руза біз сізді қолдаймыз.Тек Алға!

  61. Қолқоюсыз 16 Сәуір, 2018, 14:43

    Руза апайға Алла разы болсын! Басқамыз жай ғана бейтарпатылық танытпай, барынша қолдап, өзіміз де азғантай болса да ана тілімізді қорғау жолында еңбектенуіміз міндетті! Сол тілде сөйлеп («жағымпазданып» жүрген қазақтарға заңмен тиым салған жөн.Әрбір ҚР азаматына қазақ тілін жетік меңгеруді міндеттген жөн!Солқылдақтық жойылсын

  62. Қаршыға 17 Сәуір, 2018, 09:09

    Пікір қалдырғандардың біразы жылы жерде отырып алып, Рузаны жақтаған сыңаймен, апайымызды одан бетер айтақтап қойяды. Оған бұл апамыз одан бетер өрши түседі. Егер осы қылықтардың бәрі дұрыс десеңіздер кондуктор қазақша жауап бермеді екен деп неге өздеріңіз трамвайдың алдына жатып алмайсыздар. Нақтылап келгенде тіл мәселесі тек Павлодарда ғана емес, тіпті оңтүстік жақта да жетіп жатыр. Бірақ, сіздер олай істемейсіздер. Себебі кондуктор немесе сатушы маған қазақша жауап қайтармады екен деп трамвайдың астына жату, жоқ жерден шу шығару бассыздық еш ақылға сыймайтын дүние екенін білесіздер. Ренжітейін дегенім жоқ. Айыпқа бұйырмаңыздар. ақылмен шешкен дұрыс

  63. Марат 18 Сәуір, 2018, 12:29

    сен салдақы-періден қашан құтыламыз. Құбыжық. жоғалып кет

  64. тоғжан 19 Сәуір, 2018, 10:02

    марат арсыз екенсің.

Пікір жазу үшін тіркеліңіз немесе кіріңіз.