"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!



Нығматулин Ақышевқа: Депутат сіздің логикаңыз жоқ екенін айтып отыр

«ҚР кейбір заңнамалық актілеріне валюталық реттеу және валюталық бақылау мәселелері бойынша өзгерістер енгізу туралы» заң жобасын таныстырған Ұлттық Банк төрағасы Данияр Ақышев депутаттар сынына ілікті, деп хабарлайды Baq.kz тілшісі.

Ұлттық Банк төрағасына депутат Геннадий Шиповских сұрақ қойды.

«Есіңізде болса сақтандыру туралы заң жобасы оқылымында сұрақ қойғанда жазбаша жауап беремін дедіңіз. Бірінші жағдайда «қажетті өзекті есеп-қисаптарға сүйене отырып» менің ұсынысымды қарамадыңыз. Екінші жағдайда қазіргі заң жобасында сақтандырудың мөлшерлік бағасының қымбаттауына алып келетін шараларды қарай отырып ешқандай есеп-қисапсыз нормаларды енгізіп отырсыз. Яғни, өзіңізге қажет болғанда ғана есеп-қисаптарды керек дейсіз, қажет болмаған кезде есеп-қисапсыз енгізе бересіз. Құрметті Данияр Талғатұлы, осы сұрақтың жауабын өткендегідей жазбаша емес, қазір жауап беруіңізді өтінемін», – деді ол.

Данияр Ақышев депутат сауалының бүгін талқыланып отырған заң жобасына қатысы жоқ екенін айтқаны сол еді Нұрлан Нығматулиннің сынына қалды.

«Жо-жоқ, Данияр Талғатұлы. Осы Мәжіліс отырысының төрағасы ретінде регламентті бақылап отырмын. Ол сұраққа жата ма, жатпай ма, сіз оған баға бермей-ақ қойыңыз. Тікелей сұраққа тікелей жауап беріңіз. Сізге аударып бере аламын», – деді де ол Геннадий Шиповскидің сауалын орысша аударып берді.

Данияр Ақышев жауап беріп жатқаны сол еді, оның сөзін бөліп қайтадан түсіндірді.

«Кешіріңіз сізді тоқтатуға тура келеді. Сіз басқа тақырыпты айтып отырсыз. (…) Шиповских тариф көлемі туралы сұрап тұрған жоқ. Ол сіздің «логикаңыз» туралы айтып отыр. Алдыңғы заң жобасын талқылағанда сізден жазбаша жауап беруді сұрады. Жауапты алдыңыз, иә? Ол заңға өзгерістер есептеулерсіз енгізіліп отырғанын сұрады. Жауап бересіз бе?», – деді Нұрлан Нығматулин.

Ұлттық банк төрағасы бұл сұраққа сақтандыру компанияларының тарифтеу саясаты мен автокөлік иелері туралы айтып жауап берді. Бұл жауапқа қанағаттанбаған спикер Данияр Ақышевтың сөзін бөлді.

«Тағы да айтамын. Депутат автокөлік иелері туралы айтып отырған жоқ, мысалға алып жатыр. Ол сіздің логикаңыз жоқ екенін айтады. Есеп-қисаптарға сүйене отырып жазбаша жауап береміз дейсіз де, одан кейін күрделі математикалық үлгі дейсіз. Ұлттық Банк сақтандыру компанияларына қойылатын талаптарды күшейту туралы өзгерістер енгізгенде депутат «енгізу керек пе?» деп сұрады. Бүгін не болды сізге, әлде дайын емессіз бе? Ресми түрде түзетулер жоқ деп мәлімдейсіз, әлде Ұлттық Банктің түзетулер енгізгенін білмейсіз бе? Геннадий Геннадийұлы, жазбаша жауап беруге тағы да мүмкіндік береміз бе? Шатасып отырған Ұлттық Банктің төрағасы мұнымен өзі айналыссын», – деді Нығматулин.

Данияр Ақышев өзінің заң жобасындағы барлық ақпараттан хабардар екенін айта кетті. Ал депутат жазбаша нақты жауап беруін сұрады.

«Нақты деген сөзді түсінесіз бе? Түсінбесеңіз Геннадий Геннадийұлына барыңыз, аударып береді», – деді Нұрлан Нығматулин.




Осыған ұқсас:

  1. ҚАРЖЫ САЛАСЫНДА ҚАШАН ТӘРТІП ОРНАЙДЫ?
  2. БАНКТЕРДІҢ ТОЙЫМСЫЗ ТӘБЕТІНЕ ТЕЖЕУ ҚОЙЫЛДЫ
  3. Ұлттық банк төрағасы ұлты орыс депутаттың қазақша сауалына дұрыс жауап бере алмады (ВИДЕО)
  4. Данияр Ақышев: Зейнетақы үшін алаңдауға негіз жоқ
  5. «Мажор-министрлер» елде не болып жатқанын да білмейді – көп балалы ана
  6. Ана тіліңіз есіңізге түсті ме, министр мырза?

Facebook арқылы пікір жазу



7 пікір жазылған

Пікір жазу
  1. Белгісіз 12 Сәуір, 2018, 14:23

    Біздің өтірікші, жалған уәдеге шебер, шенділердің пайымы (логикасы) тек өз бизнестеріне келгенде өте жоғары, ал ел тірлігі бұлар үшін кейінгі мәселе, сондықтан: уәдеде тайғанақ, ана тілі мен ұлт мүддесінде табанының бүрі жоқ министрлер (Атамқұлов, Ақышев, Сүлейменов, Сәдуақасова т.с.с) жұмыстан шұғыл босатып, қомақты айыппұл салынсын!

  2. Белгісіз 12 Сәуір, 2018, 14:50

    Геннадий қалай Геннадийұлы болады,Соны түсіндіріңіздерші…
    Әлде сіздер де әбден шатастыңыздар ма

  3. Белгісіз 12 Сәуір, 2018, 14:55

    Геннадий Геннадиевичтің әкесінің ҰЛТЫ кім екен.КҮЛКІЛІ,

  4. 12 Сәуір, 2018, 16:56

    Логика,валюта,норма, регламент, тариф, компания, авто -деген сөздердің қазақша аудармасы бар ғой. Қазақша дұрыс жазып үйренейік.

  5. 12 Сәуір, 2018, 17:26

    Депутат мырзаның қазақшасы жақсы екен, ал жалпы білім деңгейі қандай екен?

  6. Белгісіз 14 Сәуір, 2018, 13:01

    Масқара екен. Мынадай министрлер тек біздің елде. Түпнұсқа (оригинал) тек бізде. Пазор сендерге намыстарың жоқ!

  7. Белгісіз 16 Сәуір, 2018, 01:30

    атаңның басын түсінеме бұлар олар дамығын елдерде жүрген сияқты қағаз ж,т,басқаша оилады ей нақұрыстар төменге түсіп жұмыстарыңды түсініп алыңдар елде не болып жатқанын отырып алып өтрік қағазға сеніп былшылдай бермеи өзің орысша оилайсың ҚАЗАҚТЫҢ мұңын қайдан тұсінесің бірақ сенде кінә жоққо бәрі НӘНЕН сен осы осы орынға қоиғанан НӘНІҢ басы жасағанда мықты ҚАЗАҚША оилайтын жігітерді қоиып сені соған көмекші етіп қоиыу керек еді егер сол мықты ҚАЗАҚ жігіті сен алданып қалса арты менен жауап беретін етіп қойыу керек еді бұлда НӘНІҢ қателігі

Пікір жазу үшін тіркеліңіз немесе кіріңіз.