"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!



Шымкенттегі мұнай зауытының жабылуы бензин бағасына әсер етуі мүмкін бе?

Шымкенттегі мұнай өңдеу зауытының жұмысы тағы да тоқтатылды. Бұған жоспарлы жөндеу жұмыстарының жүргізілуі себеп болыпты. Осы істің бірінші кезеңі былтыр атқарылған. Енді екінші кезең басталып жатыр, – деп хабарлады КТК арнасы.

Мұнай өңдеу зауытының өкілдері журналистерге ашық сұхбат  беріп жатқан жоқ. Олар таратқан қысқа ғана хабарламада зауыттың қуаттылығын күшейтетін жаңа кешенді құрылғыларды орнатып жатқанын айтқан.Бұл кәсіпорын бірнеше кезеңмен жаңартылу тиіс болатын. Былтыр бірінші кезеңін өткізген зауыт өкілдері жаңартудың екінші сатысын күзге қарай толық аяқтаймыз деп отыр. Олардың хабарлауынша, резервуарларда жанар-жағар май қоры жеткілікті көрінеді. Бірақ оның мөлшерін не зауыт, не жергілікті билік айтпайды. Облыстан біле алмаған мәліметті елордалық шенеуніктер де ашып айтпастан қысқа қайырды. Әрі кәсіпорынның бір айда қайта іске қосылатынын жеткізді. Махамбет Досмұхамбетов, ҚР Энергетика министрінің бірінші орынбасары:

– Жөндеу жоспарға сай жүргізілуде. Нақты мерзімін айта алмаймын, бірақ мамыр айында қайта іске қосылады. Зауыттың тоқтауы не бюджетке, не елдегі жанар-жағар майға қатысты жағдайға кері әсер етпейді.

Үкімет өкілдері солай деп отыр. Вице-министрдің айтқанынан түсінгеніміз, бұл жерде жұрт дүрлігетіндей себеп жоқ.

Бірақ былтыр жыл соңында Павлодар мен Атыраудағы кәсіпорындардың үзілісінен кейін еліміздің түкпір-түкпірінде бензин тапшылығы білініп, жанар-жағар май іздеп кеткен жұрт әуре-сарсаңға түскені әмбеге аян. Ал халықтың қазір шенеуніктердің тапшылық та болмайды, баға да өспейді деген құр сөзінен сенуден қалғаны жасырын емес. Оның үстіне мұндай кезде алып-сататын пысықайлардың белсенділігі артатыны белгілі. Олар бағаны қолдан қымбаттатып, тапшылықты да қолдан жасауы мүмкін. Сондықтан, жанар-жағар май жырынан зәрезап болған жұртқа нақты кепілдік керек сияқты.




Осыған ұқсас:

  1. Ұйықтап жатқан полицейлер хитке айналды
  2. Мажилисменов приятно удивил фронт-офис акимата в Шымкенте
  3. Бишімбаев қатаң режимдегі колонияға ауыстырылды (ВИДЕО)
  4. Шымкент қаласынан Сенат депутаттарын сайлау тағайындалды
  5. «Құран бағыштаған»: Аудан әкімі халықты қымбат мейрамханада қабылдады
  6. Шымкентте қой бағып жүрген жасөспірімді жер қожайыны атып кетті

Facebook арқылы пікір жазу



3 пікір жазылған

Пікір жазу
  1. 11 Сәуір, 2018, 12:31

    Қайта-қайта жөндей бермей, әбден тозығы жетіп, қирап тұрған дүние болса ол заводттардың үшеуінде демонтаждап, қиратып, металлға өткізу дұрыс.
    тәуба әйтеуір Ресей, Қытай, бар ГСМ ды солардан алуға болады, Озбектің де экономика тасы өрлеп келеді, олармен келісіп өздеріңе Самарқаннан қазақ ақшасына мұнай өңдеу зауытын салып алыңдар деп үндеу ұсыныс жасау керек, келіседі деп ойлаймын.
    Сөтіп жанармай тапшылығынан құтылмасаң, басқа жолы жоқ.

    Менің басым қатты істеп кетті ғой деймін, қалай ойлайсыңдар Қазақтар.

  2. 12 Сәуір, 2018, 15:42

    Жыл сайын осы ғой, не көктемгі егін егу кезінде, не күздік жиын-терін кезінде біздің МӨЗ жөндеуге тұра қалады да, Ресейдің саудасын жүргізіп береміз, өз қалтасынан шығып жатпағасын аянсын ба біздің шалағай, ұйқыбас шенділер – өздері де түсінбейтін түсініктемелері еркез дайын бұлардың!

Пікір жазу үшін тіркеліңіз немесе кіріңіз.