"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!

ОҚО-да Наурыз мерекесі Қазығұрт бөктерінде аталып өтті

Оңтүстік Қазақстан облысы Ұлыстың ұлы күні – Әз Наурыз мерекесі алғаш рет ерекше аталып өтті, деп хабарлайды ҚазАқпарат.

Қазығұрт тауының бөктерінде ұйымдастырылған «Наурыз Қазығұрттан басталады» атты шараның басты сахнасы Нұқ пайғамбардың кемесі іспеттес безендіріліп, оған 1 500-ге тарта өнерпаз қатысты. Ал, оны тамашалауға мыңдаған облыс тұрғындары келді. Тау бөктерінде 40-тан астам киіз үй тігіліп, алтыбақандар мен ұлттық ойындарға арналған алаңшалар ашылды. Салт-дәстүрлерді паш ететін арнайы шағын сахналарда түрлі ұлт өкілдерінің әндері шырқалып, жұртшылық этноауыл ішіндегі қолөнер шеберлері мен ұлттық тағамдардың көрмесін тамашалады.

Салтанатты шараның шымылдығы «Тіршіліктің бастауы – Қазығұрт» қойылымымен басталды. Бұл қойылымда 230 биші хореграфиялық композиция арқылы жер жаһанды топан су басып, Нұқ пайғамбардың кемесінің Қазығұрт тауына келгенін паш етті. Мерекелік жиын бұдан кейін «Күннің жаңаруы», «Қыдыр атаның 12 аймен кездесуі», «Табиғаттың оянуы», «Наурыз тойы», «Рухани жаңғыру – ұлтты ұлықтаудың ұлы жолы», «Тәуелсіздік түндігі – Астана» атты сазды – хореографиялық композицияларымен жалғасын тапты. Мәселен, «Табиғаттың оянуы» композициясында 500 көгершін көкке ұшырылып, Наурыз келгенін пластикалық қойылым арқылы көрерменді таң-тамаша етті.

Ал, «Наурыз Қазығұрттан басталады» іс-шарасына Облыстық мәдениет және тілдерді дамыту басқармасына қарасты мәдениет және өнер мекемелерінің әртістері және «Шамсинур», «Фараб», «Тұмар», «Жұлдыздар», «Таңшолпан», «Қаракөз», «Шаттық» би ұжымдары мен 500 жылқы, 500 көгершін мен түйелі күймелер қатысты.

Шара барысында Оңтүстік Қазақстан облысының әкімі Жансейіт Түймебаев сөз алып, көпшілікті Наурыз мерекесімен құттықтады.

«Елбасымыз Нұрсұлтан Әбішұлы Назарбаев «Болашаққа бағдар: рухани жаңғыру» атты бағдарламалық мақаласында «Жаңа тұрпатты жаңғырудың ең басты шарты – сол ұлттық кодыңды сақтай білу. Онсыз жаңғыру дегеніңіздің құр жаңғырыққа айналуы оп-оңай», – деп айтқан сөзі бар. Ал, ұлттық код деген қайда десек, оның қайнар көзі – әз Наурызда. Ұлыстың ұлы күнінде қазақ мәдениеті мен руханиятының бар інжу-маржаны жарыққа шығады. Наурызда дәстүрлі ән шырқалып, күй шертіледі, терме төгіліп, ақындар айтысады. Ең бастысы, Наурызда дәстүр бойынша жастар үлкендермен көріседі. Өкпе-наз, реніштердің бәрі ұмытылады. Яғни, Наурыз – ынтымақ пен бірлік, үлкенге құрмет, мейірім мен кешірімділік секілді ізгі қасиеттер дәріптелетін мереке», – деді Жансейіт Қансейітұлы.

Сондай-ақ, аймақ басшысы қай халық болмасын тек өзiнiң тарихы, мәдениетi, өзiнiң руханияты шеңберiнде ғана дамитынын, сол ерекшелiктерiмен ғана өркениет көшiне iлесетінін айтты. Жаттың тарихын, бөтеннің мәдениетiн бойына сiңiрiп, керемет дамыған, ғажап жетістіктерге жеткен мемлекет жер бетінде жоқ. Ондай елдердi тек тарих сахнасынан түсіп қалу тағдыры ғана күтiп тұрғандығын жеткізді. Ол сонымен қатар бірқатар азаматтарға «Оңтүстік Қазақстан облысының Құрметті азаматы» атағын тапсырды. «Туған жерді түлету перзенттік парызымыз» жобасы аясында ел ықыласына бөленген ел азаматтарын марапаттады.





6 пікір жазылған

Пікір жазу
  1. БОТАГӨЗ, ҚОСТАНАЙ 22 Наурыз, 2018, 14:18

    ШІРКІН, ҚАЗАҒЫМНЫҢ КЕҢ ДАЛАСЫ МЕН ПЕЙІЛІНЕН АЙНАЛАЙЫН, ҚҰТТЫ БОЛСЫН НАУРЫЗ МЕЙРАМЫ. ДАРХАН ДАЛАМ БАР, КЕҢ ПЕЙІЛДІ, ЖОМАРТ КӨҢІЛДІ, МОМЫН ХАЛҚЫМ БАР, АТА-БАБАМНАН МҰРА БОЛЫП ҚАЛҒАН ЖЕРІМ БАР, СОЛ ЖЕРДІҢ АСТЫ-ҮСТІ ТОЛҒАН БАЙЛЫҒЫМ БАР, ТЕК, БІР ҒАНА ӘТТЕГЕН-АЙ, СОЛ БАЙЛЫҚТЫ ХАЛЫҚПЕН БӨЛІСЕР БИЛІКТІҢ ЖОҚ БОЛЫП ТҰРҒАНЫ. БҮГІН ҚОСТАНАЙДА ҚАР ЖАУЫП ТҰР, ҚЫС КЕТКІСІ КЕЛМЕЙ, МІНЕЗ КӨРСЕТУДЕ, СОНДА ДА НАУРЫЗДЫ ҚАРСЫ АЛЫП ЖАТЫРМЫЗ. ЕЛІМІЗДЕГІ КӨП ЖАҒДАЙЛАР ШАРШАТТЫ, ЖАЛЫҚТЫРДЫ, ЕЛІМІЗ, ТІЛІМІЗ, ЖЕРІМІЗ МӘСЕЛЕСІ ДЕ ТОЛҒАНДЫРМАЙ ҚОЙМАЙДЫ, ОСЫ КӨКТЕМГЕ, 2018 ЖЫЛҒА КӨП ҮМІТ АРТЫП ОТЫРМЫЗ ДЕГЕНІМ АРТЫҚ БОЛМАС. ҚАЗАҚ ЕЛІ, НАУРЫЗБЕН!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

    • Қанат. Жезқазған. 22 Наурыз, 2018, 14:27

      Ботагөз тәте, сол ҚАЗАҚТЫҢ КЕҢ ДАЛАСЫН, яғни, ҚАЗАҚТЫҢ КЕҢ БАЙТАҚ ЖЕРІН өкімет ҚЫТАЙЛАРҒА сатып жатыр ғой! БІЗДІҢ КЕҢ БАЙТАҚ ЖЕРІМІЗ ҚЫТАЙЛАРҒА өтіп кетсе – ЖАҒДАЙЫМЫЗ НЕ БОЛМАҚ?!

      Алла берген жерді қорғап бабалары,
      Балалары ойланбай сататұғын.

      Ринат ЗАЙЫТОВ. Айтыскер ақын.

  2. БОТАГӨЗ, ҚОСТАНАЙ 22 Наурыз, 2018, 16:01

    ИӘ, ҚАНАТ, ЖЕРДІ САТАМЫЗ ДЕГЕНДЕРДЕН ҮМІТ ҮЗГЕНБІЗ, ЕНДІГІ ОЛАРДАН НЕ ҚАЙЫР БОЛАР ДЕЙСІҢ, ЖАНЫМЫЗДЫҢ ҮРЕЙ МЕН ҚОРҚЫНЫШЫ БАСЫМ, СЕБЕБІ ЖЕРГЕ МОРАТОРИЙ ДЕГЕН СҰМДЫҚТЫ АТАМ ҚАЗАҚ ЗАМАНЫНАН ҚОЛДАНБАҒАНБЫЗ ЖӘНЕ ЕСТІМЕГЕНБІЗ.

  3. Руза 22 Наурыз, 2018, 17:51

    Әз Наурызбен сіздерді, рухты портал! Ұлттық/мемлекеттік мүддедегі жұмыстарыңыз әрдайым қазір тұрған биік тұғырда болсын!

  4. Қолқоюсыз 23 Наурыз, 2018, 14:09

    О сүббханАлла, ол күні бір оңтүстіктің жәрімес жасөспірімдері, еш қыз-келіншекті немесе бүлдіршінді қылмаппа * зорлау * екен.
    Алла тағала олардың барлығын бүкіл оңтүстікті, есалаңдықтан сақтасын.
    О СҮБХАНАЛЛА.

  5. Бек 4 Сәуір, 2018, 15:20

    Өте тамаша! Осылай етіп ел аумағының барлық ауылдарында, аудандарында, қалаларында тойлануы тиіс. Жаңа жыл деген қияли мерекені мерекелеуді мүлдем тоқтату керек!

Пікір жазу үшін тіркеліңіз немесе кіріңіз.