"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!

Мағжан оқулары өтетін болды

Алдағы жылы Алаштың аяулы ақыны – Мағжан Жұмабаевтың туғанына 125 жыл толады. Осыған орай «Ақ жол» партиясының парламенттік фракциясы депутаттық сауал жолдап, республика көлемінде Мағжан оқуларын өткізуді ұсынған еді. Депутат Берік Дүйсенбинов жариялаған бұл сауалда «Алаштың мағынасы бір ғана жүз жылдығымен шектелмейді. Біртуар тұлға Мағжан ақынның аманатын ақтауымыз үшін биылғы Алаштың 100 жылдық мерейтойы келесі жылы Мағжан оқуларымен жалғасын тапса деген ұсынысымызды Мәдениет министрлігіне жолдаймыз. Мағжан оқулары алдағы жылы бүкіл республика аумағында өткізіліп, ал оның қорытындысы Мағжан Жұмабаев туған өлкесі Қызылжарда жасалғаны жөн. Ал болашақта Мағжан оқулары, атаулы даталарда ғана емес, жыл сайын тұрақты өткізіліп тұрса нұр үстіне нұр болар еді» делінген.

Енді міне, Мәдениет және спорт министрлігінен қуанышты жауап келді. Аталған министрлік «Дарын» республикалық ғылыми-практикалық орталығымен бірлесе отырып «Мағжан оқуларын» ұйымдастыру бойынша жергілікті атқарушы органдармен жұмыс жүргізіп жатқанын хабарлапты. Алаш ақынының оқулары оның туған жері – Солтүстік Қазақстан облысынан бастау алмақ. Ақынның мерейтойы аясында дөңгелек үстелдер, шығармашылық кештер, ғылыми конференциялар, кітап көрмелерін ұйымдастыру да көзделген.


Ілмектер:
Мағжан Жұмабаев



6 пікір жазылған

Пікір жазу
  1. Нурxаным 28 Ақпан, 2018, 15:14

    Мағжан оқулары ресбупликалық қашан өтеді

    Жауап жазу
  2. Шатемірқызы Ақмарал 15 Наурыз, 2018, 09:59

    мен осы пікірді қолдаймын. Пушкиннің атағымен тең алып жүретін қазақтың ірі көркем ақыны.

    Жауап жазу
  3. Асаубаева Құралай 15 Наурыз, 2018, 10:11

    Расымен қуантарлық жақсы жаңалық екен. Жыл сайын өтіп тұрса жақсы болар еді.Ардақ тұтар ақындарымыздың шығармаларын жас ұрпақ жатқа білгені жақсы ғой.

    Жауап жазу
  4. Сəуле 15 Наурыз, 2018, 10:20

    Ия, Мағжандай сыршыл ақынның сырға толы лирикасын танып, білетін сəт туды. Мен бұл жаңалыққа қуаныштымын.

    Жауап жазу
    • Қолқоюсыз 15 Наурыз, 2018, 11:02

      Абайдың даналық,Махамбет,Дулат Бабатайұлының өршіл,Мағжанның сыршыл өлеңдерін бар оқулыққа кіргізіп,оқуларын жыл сайын,жыл бойына оқытып,талдап,жаттатып,жарыс ұйымдастырып тұрса,құба-құп болар еді.

      Жауап жазу

Пікір жазу

Сіз не дейсіз?
*