Рухани жаңғыру – табысты ел болуымыздың кепілі

112266
37
Бөлісу:

Елбасы Нұрсұлтан Әбішұлы Назарбаевтың «Болашаққа бағдар: рухани жаңғыру» бағдарламалық мақаласы ел дамуының жарқын үлгісі мен нақты қадамдарын көрсететін келелі ой, салиқалы пікір, батыл шешімдерге құрылған маңызды құжат. Бұл мақалада сананы жаңғырту, ұлттық болмыстан, ұлттық кодтан айырылып қалмай, оны әлемдік құндылықтармен үйлестіріп, Қазақстанның игілігіне жарату жолындағы мақсат-мүдделер туралы өзекті мәселе көтеріліп отыр. Онда ел Президенті Қазақстан үшін қайта түлеудің айырықша маңызды екі үдерісі – саяси реформа мен экономикалық жаңғыруды қолға ала отырып, Біртұтас Ұлт болу үшін болашаққа қалай қадам басатынын және бұқаралық сананы қалай өзгертетіні жөнінде алысты болжайтын көзқарастарымен бөліседі.

Мемлекет басшысы аталмыш жаңғырудың негізгі қызметі мен ерекшеліктеріне ой жүгіртіп, бұл жаңғырудың маңыздылығына тоқталады: «Жаңғыру атаулы бұрынғыдай тарихи тәжірибе мен ұлттық дәстүрлерге шекеден қарамауға тиіс. Керісінше, замана сынынан сүрінбей өткен озық дәстүрлерді табысты жаңғырудың маңызды алғышарттарына айналдыра білу қажет. Егер жаңғыру елдің ұлттық-рухани тамырынан нәр ала алмаса, ол адасуға бастайды. Сонымен бірге, рухани жаңғыру ұлттық сананың түрлі полюстерін қиыннан қиыстырып, жарастыра алатын құдіретімен маңызды». Саяси, экономикалық реформаларда егеменді еліміз бірқатар жақсы нәтижелерге қол жеткізгені баршаға мәлім. Ол адами құндылықтар, рухани қазына, жастарды тәрбиелеу, олардың бойына патриоттық рухты сіңіре білу жұмысында рухани салаға басымдық берудің қажеттілігін алға қойып отыр. Бұл дегеніміз – ұлтымыздың барлық ұлттық салт-дәстүрлерін, мемлекеттік тіліміз бен әдебиетімізді, мәдениетімізді, ұлттық рухымызды жаңғырту деген асыл ұғымға келіп саяды. Елбасымыздың рухани жаңғыруға, руханиятқа, білім, ғылымға маңыз беруі – үлкен көрегендік пен ұлттың алға ілгерлеуін жылдам қарқынмен жылжытатын қозғаушы күш. Бұл – тәуелсіз еліміздің бақытты болашағы мен алаңсыз келешегі үшін жасалып жатқан жұмыс. Өйткені, рухани байлықтың кемел болғаны бұл жеке азаматтарымыз үшін де, әрбір жеке тұлғадан құралған қоғам, туған еліміз үшін де өте маңызды үдеріс.

Н.Ә.Назарбаев бұл ретте, тұтас қоғамның және әрбір қазақстандықтың санасын жаңғыртудың бірнеше бағытына жеке-жеке тоқталады. «Сананы жаңғыртудың» мазмұнын негіздей отырып, Президент жаңғырудың алты бағытын белгілейді:

1. Бәсекеге қабілеттілік;

2. Прагматизм;

3. Ұлттық бірегейлікті сақтау;

4. Білімнің салтанат құруы;

5. Қазақстанның революциялық емес, эволюциялық дамуы;

6. Сананың ашықтығы.

Аталмыш бағыттардың бәрі барынша өзектендірілген және уақыттың талаптарына нақты жауап береді. «Мәңгілік ел» болуымыз үшін бізге ауадай

қажетті қасиеттер мен құндылықтардың қайнары тоғысып, ақыл-парасаты толысқан, ғаламдық ғылымды игерген адамдар көп болса, еліміз өркениетті, бәсекеге қабілетті болатыны ақиқат. «Болашақта ұлттың табысты болуы оның табиғи байлығымен емес, адамдарының бәсекелік қабілетімен айқындалады… Сондықтан, әрбір қазақстандық, сол арқылы тұтас ұлт ХХІ ғасырға лайықты қасиеттерге ие болуы керек. Мысалы, компьютерлік сауаттылық, шет тілдерін білу, мәдени ашықтық сияқты факторлар әркімнің алға басуына сөзсіз қажетті алғышарттардың санатында. Сол себепті, «Цифрлы Қазақстан», «Үш тілде білім беру», «Мәдени және конфессияаралық келісім» сияқты бағдарламалар – ұлтымызды, яғни барша қазақстандықтарды ХХІ ғасырдың талаптарына даярлаудың қамы», – деп ашып көрсетеді. Бәсекеге қабілеттілік саясат пен экономикада, білім, ғылымда, технологияда, яғни барлық салада болуы тиіс. Бәсеке болған жерде әрбір тұлға өзінің ең сапалы қызмет түрін ұсынады. Білім мен тәрбиесі ғажайып түрде үндескен, ұлттық идеологиясы темірқазығына айналған табысты ел болуымыз үшін жақсылыққа ұмтылып, жаманшылықтан арылып, саналы түрде барлық қасиеттерімізді ізгілендіріп, сананы рухани жағынан үнемі жетілдіріп, дамытып отыруға тиістіміз.

Болашаққа бағдар ретінде Радиоэлектроника және байланыс әскери-инженерлік институтының әрбір профессор-оқытушылар құрамы, әскери қызметшілері және осы оқу орнында білім алып жатқан жастарымыз Елбасының осы сөздерін өздерінің алға қойған өмірлік мақсаттарына енгізе отырып, еліміздің рухани тұрғыдан дамып, интеллектуалдық дәрежесінің жоғарылауына үлесін қосады деген сенімдемін. Тәуелсіз еліміздің болашағы – жастарымыздың интеллектуалды көрсеткіштері олардың тек білім деңгейімен ғана емес, сонымен бірге олардың ұлттық тәрбиесімен, рухани жаңғыруымен де тікелей байланысты. Ұлттық кодтың өзегін сақтай отырып, болашаққа қадам басуымыз қажет. Білім – рухани жаңғырудың басты алғышарты. Өйткені, ой жүйесі терең, алыстан пайымдап, тереңнен тамырланған дүниетанымы кең адам ғана бәсекеге төтеп береді деген ауқымды ұғымды білдіреді.

Мен Елбасының осы сөздерін толық қолдай отырып, рухани мәдениеттің дамуы үшін тағылымды ұлттық тәрбиенің қайнарынан сусындап, биік адами құндылықтардың кемелдену барысында әрбір маман иесі кәсіби қызметін жоғары деңгейде жүзеге асыруы қажеттілігін түсінемін. Ел Президентінің рухани жаңғыруға қатысты ұстанымдары әскери салада да, яғни РЭжБӘИИ тарапынан бірауыздан қолдау тауып, ұлттың кемелденіп дамуына әсер етуші ең маңызды фактор деп санаймын. Жастарымыз басымдық беретін межелердің қатарында білім жүйесі әрдайым бірінші кезектегі орында тұруы міндет деп есептеймін.

Ұлттық жаңғыру дегеніміз – ұлттық санамен тығыз байланысты. Оның түпкі мақсаты – ұлттық бірегейлікті сақтап, ел ішінде бейбітшілік пен келісім үйлесе отырып, ұлттық береке, бірлік салтанат құрған бәсекеге қабілетті, табысты ел болу. «Сонымен бірге, жаңғыру ұғымының өзі мейлінше көнерген, жаһандық әлеммен қабыспайтын кейбір дағдылар мен әдеттерден арылу дегенді білдіреді» , -дейді Н.Ә.Назарбаев. Сондықтан рухани жаңғыру үдерісін дер кезінде қабылданған оң шешім деп танимыз. Осы рухани жаңғырудың жүзеге асырылуын біз және сіз болып, «Бір жағадан бас, бір жеңнен қол шығарып» бірлікте орындауымыз аса қажет. Бәсекеге қабілетті, әлемдік деңгейде танылған әрі дамыған рухани кемел ел болу – Елбасының асыл арманы. Ендеше, мемлекет басшысының жастарға соны серпін, тың бастама ұсынуы келешекке қамданудың әрекеті деп түсінеміз.

Ел Президенті аталмыш тұғырнамасында білім, ғылымға ерекше басымдық беріп отыр. «Терең білім – тәуелсіздігіміздің тірегі», – деген Н.Ә.Назарбаев «Мәңгілік ел» болуға қадам басқан тәуелсіз Қазақстанның ендігі жаһандану алдында ұлт ретінде жойылып кетпеуі үшін ұлттық кодын сақтаған, терең білімді, бәсекеге қабілетті, ұлттық құндылықтарын бойына сіңірген ақыл-ойы кемел тұлға болуына маңыз береді. Осы бағдарда ол бабалар ұлағатымен астасып жатқан зерделі ойы мен парасатты пайымын білдіреді: «Білімді, көзі ашық, көкірегі ояу болуға ұмтылу – біздің қанымызда бар қасиет. Тәуелсіздік жылдарында қыруар жұмыс жасалды. Біз он мыңдаған жасты әлемнің маңдайалды университеттерінде оқытып, дайындадық. Бұл жұмыс өткен ғасырдың тоқсаныншы жылдарының басында қолға алынған «Болашақ» бағдарламасынан басталды. Елімізде өте жоғары деңгейдегі бірқатар университеттер ашылды, зияткерлік мектептер жүйесі қалыптасты. Басқа да көптеген іс тындырылды. Дегенмен, білімнің салтанаты жалпыға ортақ болуға тиіс. Оның айқын да, бұлтартпас себептері бар». Осылайша мақалада айтылған әрбір ойдың астарында терең мазмұн мен зерделі пікір жатыр.

Қазіргі таңдағы әскери сала мен әскери оқу орындарындағы білім мен тәрбие жүйесі Елбасының парасатты пайымдарын негізге ала отырып, қарқынды түрде жүзеге асыруда.

Ал идеология мәселесіне келер болсақ, кестелі сөз, кесек ойлары көрініс тапқан ой-толғауында Президент елес идеологияларға ермей, заманға сай амал етуге үндейді: «Өкінішке қарай, тарихта тұтас ұлттардың ешқашан орындалмайтын елес идеологияларға шырмалып, ақыры су түбіне кеткені туралы мысалдар аз емес. Өткен ғасырдың басты үш идеологиясы – коммунизм, фашизм және либерализм біздің көз алдымызда күйреді. Бүгінде радикалды идеологиялар ғасыры келмеске кетті. Енді айқын, түсінікті және болашаққа жіті көз тіккен бағдарлар керек. Адамның да, тұтас ұлттың да нақты мақсатқа жетуін көздейтін осындай бағдарлар ғана дамудың көгіне темірқазық бола алады. Ең бастысы, олар елдің мүмкіндіктері мен шама-шарқын мұқият ескеруге тиіс». Мақалада көтерілген идеологиялар туралы кесек ой да ел басқару жүйесін жаңа өзгерістер биігіне бастары айқын. Дәл осындай тәуелсіз Қазақстанды өркениет көшінің алдыңғы легіне апаратын жаңа бастамалар қашанда көпшіліктің қолдауына мен ықыласына бөленеді.

Елбасы Н.Ә.Назарбаев «Болашаққа бағдар: рухани жаңғыру» атты бағдарламалық мақаласында тарихтың өткеніне көз жүгіртіп, жаңа тарихи кезеңдерге жан-жақты баға бере отырып, рухани жаңғыру арқылы болашаққа деген өзінің парасатты пікірлері мен көзқарасын білдірді. «Екі дәуір түйіскен өліара шақта Қазақстанға түбегейлі жаңғыру және жаңа идеялар арқылы болашағын баянды ете түсудің теңдессіз тарихи мүмкіндігі беріліп отыр… Мен барша қазақстандықтар, әсіресе, жас ұрпақ жаңғыру жөніндегі осынау ұсыныстардың маңызын терең түсінеді деп сенемін. Жаңа жағдайда жаңғыруға деген ішкі ұмтылыс – біздің дамуымыздың ең басты қағидасы», -деп ел келешегіне үміт артады.

Ендеше, рухани жаңару арқылы әлем мойындар табысты ел болып, жарқын болашаққа деген сенім мен үмітті үндестіре отырып, баршамыз бірлік туы астында бақытқа бірге жетейік!

Радиоэлектроника және байланыс

әскери-инженерлік институты

бастығының тәрбие және идеология

жұмыстары жөніндегі орынбасары, подполковник

Ділмұрат Әріпов

Бөлісу:

37 пікір жазылған

  1. Перизат 17 Шілде, 2017 10:25 Жауап

    Сананың ашықтығы үшін адамның көзі ашық болуы керек. Сондықтан да президенттің жаңғыру тіралы бағдарламасы барлық жерде жүзеге асуы керек.

  2. Санду 17 Шілде, 2017 10:28 Жауап

    Дұрыс айтады, біздің қоғам заманға сай өмір сүруге, дамуға жол бастау керек.

  3. Ануар 17 Шілде, 2017 10:31 Жауап

    Ең бастысы, қоғамды біріктіретін қасиетімізден айырылмауымыз керек. Түрлі ұлттар өмір сүрсе де, бір ұлттай болашағымызды ойлауымыз керек.

  4. Галым 17 Шілде, 2017 11:42 Жауап

    Тәуелсіздік алған жылдардан бері республикамыз экономикалық қарқынның нығаюына арналған реформаларға көп көңіл бөліп келді. Бүгінгі күнде жас болса да, аяққа тұрған халықтың зиялы қауымы ретінде енді рухани жаққа көңіл бөлгеніміз жөн. Қазақстанның сакралды картасы, латын әліпбиге оралу деген сияқты тақырыптарды қолдауымыз қажет.

    • МАДИЯР 13 Ақпан, 2018 20:07 Жауап

      Əрине барлығы жөң біз алға жылжудамыз жəне өзгеде елдерге үлгі боламыз деп сенемің

  5. Есен 17 Шілде, 2017 11:57 Жауап

    Мемлекетіміз егемен атағын алған сәтінен бастап өте қарқынды дамып келе жатыр. Әсіресе Астана қалмазыды айтуға болады. Аз ғана уақыт ішінде әлемдегі қалалардан кем түспейтін қалаға айналды . Бұл жетістік ел басымыз Н.Ә Назарбаевтың арқасында.

  6. Фархад 17 Шілде, 2017 15:37 Жауап

    Елбасымыздың саясатын қолдаған жөн. Ел басымыз көрегендігінің арқасында елде тыныш, бәрі тату. Руға, нәсілге бөлінбейді.

  7. КӘРМЕН 17 Шілде, 2017 16:47 Жауап

    Тәуелсіздік алғаннан бері еліміз өте қарқынды даму үстінде. керек болса ЭКСПО көрмесіне келген қонақтар қаламыздың дамығанына таңқалып жатыр. Бұның бәрі Елбасымыздың арқасы және оның саясатын қолдайық.

  8. Сания 17 Шілде, 2017 17:04 Жауап

    осы күнге дейін қандай шаруаны қолға алсақ та нәтижесіз қалдырмай, ірілі ұсқаты табыстарға жетіп жүрдік, ал бұл жолғы жаңғыру бұрыңғыдан өзгерек)

    • Қолқоюсыз 13 Сәуір, 2018 22:20 Жауап

      Бұл ән,бұрынғыдан өзгерек?
      Телевизорға қазақша рең,әдеби тіл,
      сақау-мақау-тоқал-әнші-пәнші,көлденең көк аттыдан арылту.
      кім көрінгеннің ақшаман,таныспен келіп алып,бояма беттерімен көйлек-көншектерін көрсететін подиум емес.

  9. береке 17 Шілде, 2017 17:14 Жауап

    биыл жарияланғалы бері жиі талқыланып жатқан осы рузани жаңғырудан күтеріміз мооол.

  10. Медина 17 Шілде, 2017 17:15 Жауап

    дұрыс айтады, пікірлермен де толықтай қосыламын. осы ауызбіршілігіміз бен татулығымыз ажырамасын, барлығына қол жеткізетін боламыз.

  11. Өмiрбек 17 Шілде, 2017 19:34 Жауап

    Өте жақсы, сауатты жаӡылған мақала екен. Елiмiӡдегi бейбiтшiлiк, тыныштық Елбасының салиқалы саясатының арқасы ғой. Елбасының жүргiӡiп отырған саясатын қолдаймыӡ.Тәуелсiӡ елiмiӡдiң бiрлiгi мен берекесi жолында еңбек етер аӡаматтарымыӡ көп болсын.

    • Марал Утегенова 3 Маусым, 2019 13:33 Жауап

      Менде рухани жангыруга онын тармагтарына он караймын осынын ишинде салт дастурде рухани жангыру га кайтадан еске алып колга алу мысалы туган жер ондагы киели аумагтар елге киын кезде енбек еткен ата аналарымызды кадирлеу еске алу енбектеримен болису жане елдеги касиетти медресе мешиттерди кадирлеу оларды кандай билимди бабалар салды олар кеше билгиштиги ушин казак елин коргап калудын ен дангыл жолы болатынын билдиде 1ши орында уштиктин бирлиги деп атып тастад казир бари оба болып жатыр мал адам басып адамдар ондай жерди басканы ушин дертке ушырайт урпак ушин ен керек маселе т агы с с дегендей ар аншинин пален долларга койлек кигендерин корсету семия бузып атак алу ол елдиеимизге кайшы тарбиеге корсетпеу керек

  12. азамат маликов жб2 6 4 Желтоқсан, 2017 15:53 Жауап

    маған сананың ашықтығы туралы малимдеме керек мнадан баска сакнага шыққанға отиниш

  13. Динара 1 Ақпан, 2018 23:55 Жауап

    Оте дурыс осы біліп журіңіздер білмейтіндер оте кажет болады сіздерге

  14. Қолқоюсыз 12 Ақпан, 2018 16:14 Жауап

    Тарихы тереңде жатқан еліміз Қазақстанның дамуы күн санап өркендеп келеді, Елбасымыздың қолдаған саясатын қолдауымыз қажет!

    • Қолқоюсыз 15 Ақпан, 2018 23:06 Жауап

      Президент дурыс айтады,мына дангыра бастар,Рухани жангыру дегендi жагымсып,жарамсактанып бip жердe бip шоптiн басын сындырса,атойлап,аттан сап,одан калды жалпылдап жын-ойнак концерттерiн койып,кызылды-жасылды киiнiп алып,шыр кобелек айналатындарында косып,халыктын акшасын желге шашып,соны жетicтiк деп елipiп жургендерiн.рухани жангырудагы бес-алты маселенiн бipeyiнде сезбейтiндер.

  15. Жансая 19 Ақпан, 2018 12:36 Жауап

    Мен рухани жаңғыруды қолдайм. Біз рухани мүгедек болмаумыз керек достар☺☺

  16. Аяжан 12 Наурыз, 2018 20:14 Жауап

    Ия бұл жерде өте керемет жазылған бірақ қай жылы қай айда қай күні шығарылғаннын міндетті түрде жазу қажет.Бұл мақала 2017жылы Сәуір айының 12-інші жұлдызында жарық көрген

Пікір немесе жауап жазу

сегіз − 1 =