Назарбаевтың суреті ілінген үйді ОМОН ҚОРШАП АЛДЫ!!! (ФОТО-РЕПОРТАЖ)

АСТАНА ӘКІМДІГІ НАЗАРБАЕВТЫҢ СУРЕТІ ІЛІНГЕН ҮЙДІ ҚИРАТАТЫН БОЛДЫ!!!

Бүгін арнайы жасақ елорда тұрғыны Несіпгүл Ұябаеваның үйін қоршап алды. Бұл туралы «NewTimes.kz»-ке сілтеме жасап "Қазақ үні" ұлттық порталы хабарлайды.

Баспанасын қиратуға жол бермеу үшін Ұябаева өзінің үстіне жанар май (солярка) құйып, арнайы жасақ алдында өз-өзін өртемек болған. Оқиға орнына, сондай-ақ, сот орындаушылары, полиция қызметкерлері мен дәрігерлер де келген.

- Ол үйдің ішінде менің ауру әпкем жатыр. Ал, бізді кіргізбей жатыр. Арнайы жасақ әпкеме не істеп жатқанын бір құдай білсін, - деп айқайлады ашынған әйел.

Несіпгүлдің ағасы үйге басып кірмек болғанда, арнайы жасақ өкілдері оның қолын бұрап, тыйып тастады.

Даулы мәселенің соңы Ұябаеваның үйді босатуға келісімін берумен аяқталды.

- Мен арнайы жасақ емеспін ғой. Біздің отбасымыздың арнайы жасаққа қарсы тұрар қауқары жоқ қой. Бәрібір бұзады, бәрібір қуып шығады, - деп жылады ана.

qazaquni.kz