Өскемен әкімі сырқат әкесін бағу үшін қызметінен кетті

1674
6
Бөлісу:

Ерлан Аймұқашев

Өскеменнің әкімі қалалық әкімдікте журналистерге әкесінің сырқаттанып қалуына байланысты қызметінен кететінін мәлімдеді, – деп хабарлайды Tengrinews.kz.

Ерлан Аймұқашев қалалық әкімдіктің басшысы қызметінде бір жылдан аса уақыт жұмыс істеген. Осылайша, Өскеменнің әкімі журналистермен ресми түрде қоштасты.

«Бұл оңай шешім болған жоқ, отбасындағы жағдайларға – егде жастағы әкемнің сырқаттанып қалуына байланысты. Менің борышым – қазір оның жанында болу. Өкінішке қарай, жұмыстағы жоспарлардың барлығы орындалған жоқ. Меніңше, әлі бәрі алда», – деді Ерлан Аймұқашев БАҚ өкілдеріне.

Облыстық орталықтың әкімінің айтуынша, оның бұл шешімі жайлы өңір басшылығы біледі.

Айта кетейік, Ерлан Аймұқашев 2016 жылдың 20 сәуірінде Өскемен әкімі болып тағайындалған еді. Ол бұл қызметіне дейін ШҚО әкімі аппаратын басқарды. Сондай-ақ, Ерлан Аймұқашев ұзақ жылдар бойы қазіргі уақытта ШҚО әкімі қызметін атқарып жүрген Даниал Ахметовтың командасында түрлі лауазымдарды атқарған.

Бөлісу:

Facebook арқылы жазылған пікірлер

Сайтта 6 пікір жазылған

  1. ЖакешА Айбек. 4 Мамыр, 2017 15:32 Жауап

    Алла жар болсын,бауырым!Перзент үшін жəннаттың кілті,Ата-Ананың ризалығында!-деген,өз ата-анасын құрметтей білген азамат,елін де сүйе алады!-деп сенемін.

  2. Қолқоюсыз 4 Мамыр, 2017 21:46 Жауап

    Бейтаныс Інім Ерлан, әке-шешені ардақтау – адамдық, азаматтық қасиет екенін түйсініп, сырқат Әкеңді күту үшін үлкен қызметіңді доғарғаныңа шын риза болдым. Әкеңнің сауығуына, келін екеуіңнің бақытпен шырайланған ұзақ ғұмырлы болуларыңа тілектеспін! Жерлес жазушы ағаң Ғаббас Қабышұлы. Алматы.

  3. Ғаббас 4 Мамыр, 2017 21:47 Жауап

    Бейтаныс Інім Ерлан, әке-шешені ардақтау – адамдық, азаматтық қасиет екенін түйсініп, сырқат Әкеңді күту үшін үлкен қызметіңді доғарғаныңа шын риза болдым. Әкеңнің сауығуына, келін екеуіңнің бақытпен шырайланған ұзақ ғұмырлы болуларыңа тілектеспін! Жерлес жазушы ағаң Ғаббас Қабышұлы. Алматы.

  4. Гүлəйім 4 Мамыр, 2017 23:40 Жауап

    Ерлан бауырым өте дұрыс істепсіз. Əкеңіз аман болса қызмет алда, жассыз. Сізде аман болыңыз, папаңызда жазылып кетсін. Қуанышыңыз алда болсын.

  5. Нұрбай 5 Мамыр, 2017 08:48 Жауап

    Болса екен қазақ жігіттерінің бәрі сіздей. Рахмет сізге Әке асқар тау, Әке асыл қазына. Бұл азаматқа тән іс.

Пікір немесе жауап жазу

3 × 3 =