Тасқын судың құрбаны: 59 жастағы әйелдің денесі су басқан үйден табылды

2112
4
Бөлісу:

Ақмола облысында су кірген үйлердің бірінен әйел адамның денесі табылды. Бірақ, ресми органдар бұл өлімді тасқынмен байланыстырмайды деп хабарлайды 31 арна.

Тасқын судың құрбандары: 59 жастағы әйелдің денесі су басқан үйден табылдыАл еліміз бойынша халықты қайықпен мектептерге, ауыл клубтарына көшіру жүргізіліп жатқанына 3 тәуліктен асты. Кейбір облыстарда тіпті  тасқын суына шыдас бермеген үйлердің қабырғалары құлап, шатырлары опырылып орталарына түсіп жатыр.

Жылда осы мезгілде Атбасар мен Сандықтау аудандарының тұрғындары «айтып келмейтін апат қайтып келмесе екен» деп жандарын шүберекке түйіп отырады. Қыс бойғы қалың қар еріп, қолдан жасалған бөгетті әп-сәтте бұзып әкеткен. Бұған арнасынан асқан Жабай өзені қосылып, маңындағы үйлер судың бел ортасында қалды.

Су тасқынының кесірінен Ақмола облысындағы Сандықтау және Атбасар аудандары зардап шекті. Қос аудан бойынша қазір 300-ге жуық үй суға кетті. Сондай-ақ, 59 жастағы әйелдің денесі су басқан үйден табылған.

«Күйеуім ауылға су кірген кезде, яғни таңғы 5 кезінде кіріп шыққанда ол аман болатын. Малдар мен заттарды қауіпсіз жерге шығарып болғаннан соң, сағат 11 – де үйіне кіргенде, оның өліп жатқанын байқадық. Тұншығып не үсіп қалған болу керек», – дейді марқұмның көршісі.

Ал Атбасар қаласында былтыр жазда ғана 63 миллион теңгеге Жабай өзеніне жақын үйлер ұзындығы 9, 5 шақырым бөгетпен қоршалған еді. Алайда бір жылға жетпей, тасқын тұрғын үйлерді қоршап тұрады деген бөгеттің бірнеше жерін бұзып өтіп, 30-ға жуық тұрғын үйдің іші «бассейнге» айналды.

Сорақысы, төтенше жағдай соңғы он жылда осымен төртінші рет қайталаныпты.

Бөлісу:

Facebook арқылы жазылған пікірлер

Сайтта 4 пікір жазылған

  1. Умит 18 Сәуір, 2017 18:58 Жауап

    Cу таскыны болатынын биле тура шара алмаган акимдер кинали обалы соларга

  2. Қолқоюсыз 19 Сәуір, 2017 01:37 Жауап

    суға тұншықпаған, жүрек талмасынан кетті дейді әкімдер. қазақстан бойынша адам шығыны баршылық.

  3. Лайыс Баянасов 29 Сәуір, 2017 09:30 Жауап

    АЛЛА КӨРЕДІ БІЛЕДІ ЕСТИДІ ЖАЗЫҚСЫЗ ЖАННЫҢ ҚАЙҒЫЛЫ ҚАЗАСЫ ҮШІН КІНƏЛІЛЕРДІ АЛЛА ЖАЗАСЫН БЕРГЕЙ

Пікір немесе жауап жазу

12 + 6 =