«Мемлекет басшысының Өкімімен Дәулет Еділұлы Ерғожин Қазақстан Республикасы Ұлттық қауіпсіздік комитеті Төрағасының орынбасары қызметіне тағайындалды», — делінген Ақорда баспасөзінде.
Қабдылкәрім Ратайұлы Әбдіқазымов Қазақстан Республикасы Ұлттық қауіпсіздік комитеті Төрағасының орынбасары қызметінен босатылды.
Дәулет Еділұлы Ерғожин 1979 жылы 26 сәуірде Алматы қаласында туған. 1998 жылы Қазақ мемлекеттік басқару академиясын, 2001 жылы — Экономика және құқық университетін, 2003 жылы — Саффолк Университетін (Бостон, АҚШ) тәмамдаған.
