Сыныптасы зорлап кеткенін ашық айтқан бойжеткеннен ата-анасы теріс айналды

4685
1
Бөлісу:

Осыдан он үш жыл бұрын өз сыныптасының зорлығына ұшыраған Мөлдір Жұмабаева өзінің зорланғанын ашық айтты. Қоғамдағы зорлық оқиғаларына қарсылық бойжеткен осылай қарсылық білдірмек болған. Мөлдір оқиғаның мән-жайын NUR.KZ тілшісіне  толық баяндап берді.

Оқиға Мөлдір Жұмабаеваның 11 сынып бітіріп, жарты жылдан соң сыныптастастарымен бірігіп өткізген жаңа жыл кешінде орын алған. Таңға жуық сыныптасының «үйіңе жеткізіп саламын» деген сөзіне сенген Мөлдір оның көлігіне отырады. Ішімдікке сылқия тойған жігіт бірден қызға тап береді.

Сыныптасы зорлап кеткенін ашық айтқан бойжеткеннен ата-анасы теріс айналды

«Бір сағат па, әлде одан да көп уақыт өтті ме… білмеймін. Ұзақ арпалыстым. Пәктігім үшін. Бірақ ол менен күштірек болып шықты, жігіт емес пе?! Шамам келмеді. Болары болған соң, мені үйге жеткізіп салды. Анам үйде емес еді, түнгі ауысымда жұмыста болатын. Әкем байқаған да жоқ. Содан ешкімге тіс жармадым», – деп еске алады Мөлдір Жұмабаева.

Мөлдір бұл оқиғаны анасынан жасырып қалмаған.

«Анама бірден айтуға қорықтым, менен көңілдерінің қалатынына, олар үшін лайықты қыз, лайықты әпке болмай қалатыныма қорықтым. Полицияға арыздансам да жігіттің ата-анасы беделді кісілер, қандай жолмен болса да баласын соттатып қойып отыра алмаушы еді», – дейді ол.

Сыныптасы зорлап кеткенін ашық айтқан бойжеткеннен ата-анасы теріс айналды

Томаға тұйық күй кешкен Мөлдірдің анасы қызының басынан өткен бұл жайтты ешкімге білдірмеуге тырысады.

«Бұл не сұмдық», «енді қайттік» «масқара» деп абдыраған анасы да елге қарабет болмайық деп, адам баласына тіс жармауды шешкен.

Мөлдір Жұмабаеваның бұл оқиғасы бұқаралық ақпарат құралдарында жария етілген соң, анасы қарсылық танытып, қызынан теріс айналған. Ал әкесі арада талай уақыт өтсе де бұл жайдан әлі күнге мүлдем хабарсыз екен.

Сыныптасы зорлап кеткенін ашық айтқан бойжеткеннен ата-анасы теріс айналды

Ол анасынан «Сен бізді қара бет қылдың», «Дұшпандардың алдында таба қылдың», «Жабулы қазан жабулы қалу керек еді», «Жария қылмай тұрып, бізбен неге ақылдаспайсың», «Өткенді қозғаудың не керегі бар еді?», «Ұмыт! Өмір содан тоқтап қалған жоқ қой!» деген ауыр сөздерді естіп келетінін айтты.

Сыныптасы зорлап кеткенін ашық айтқан бойжеткеннен ата-анасы теріс айналды

«Менің тұрмысқа шыққым келмейді! Мен әзірге бала өсіргім келмейді! Бір данышпан айтқандай «Адамның жанын жадындағы ауыр ойлар кернесе, алдыға ұмтыла алмайды…». Мен айыққым келеді! Мен басқаларына көмектесе отырып, мен сияқты жылдар бойы жалғыз қиналған жандармен әңгімелесе отырып ауруларымнан айығамын…  Неге сендер үшін басқаның ойы маңыздырақ? Не мен, не сендер кінәлі болмасаңдар, неге бастарыңды төмен түсіресіңдер? Менің не кінәм бар айтшы? Кінәм неде? Сыныптасыма сенгенім үшін бе? Ол екеуіміздің дос болғанымызда ма? Оның ондай әрекетке баратынын ойламағаным үшін бе? Әлде енді барлығына пәк емес екенімді жариялағаным үшін бе? Айтшы мама, мен не үшін кінәлімін? Неге сендер менен бас тарттыңдар? Мені неге тыңдағыларың келмейді?», – деп Мөлдір жанайқайын жеткізді.

Сыныптасы зорлап кеткенін ашық айтқан бойжеткеннен ата-анасы теріс айналды

Талай тағдырлас қыздардың оқиғаларына қанық болған Мөлдір Жұмабаева әлеуметтік желідегі НеМолчиKZ тобының белсендісі ретінде қоғамдық мәселенің түйінін шешсем дейді. Бүгінде аталған топ зорлыққа ұшыраған қыз-келіншектердің тағдырына бей-жай қарамайтын жандардың басын біріктірген.

Мөлдірдің оқиғасы әлеуметтік желілерде де қызу талқыланып жатыр.

Бөлісу:

Facebook арқылы жазылған пікірлер

1 пікір жазылған

  1. Тілектес 27 Қыркүйек, 2016 12:04 Жауап

    Мөлдір, саған кінә тағатын біз кімбіз, өз өміріңе өзің жауап бересің. Дегенмен ата-анаң, мектеп басшылары ұлттық дәстүр мен имандылықты ұстанып, соны сен секілді жастардың бойына ексе – мұндай қасіретті жағдайлар болмас еді сенің басыңда. Сені түнде ер кісілермен жаңа жылды арақ-шараппен тойла деп ешкім зорлаған жоқ. Өзің білесің, жастар арақ ішпей-ақ түрлі порно филимдерді көргеннен қыздармен төсектес болуға деген құмарлықпен арпалысып жүретінін. Ал арақ ішіп құмарлығы үстем келген жігіт, түн ортасында қызбен жалғыз қалғанда не істейді, болса да құмарлықтың құлына айналғандықтан істегенін істейді. Қазақ «қызға қырық үйден тыйым» дегенде осыны көздеген. Бұл сені кіналау емес болған істің заңды себептері. Сондықтан мәселе ақталуда, не қаралауда емес сенің басыңа түскен қасіретті жаңдайға апаратын себептерге жол бермеу, оның алдын алу. «Құмарлық» деген апат бар, оған жол берсең не оған апаратын себептерге жол берсең, онда міндетті түрде зардабын тартасың. Қыздың ашық-шашық киінуі және онымен жалғыздан-жалғыз қалу – жігіттің құмарлығын қоздырып қызды төсекке жатқызуға итермелеп, соның жүздеген жолын үйретіді. Шыны -қырық күн сынбағанменен не қырық бірінші, не елунші күні сынуы , яғни бір сәтте сынуы мүмкін. Мұқағалидың да жүрегін ауыртқан мәселе бұл: «Қымбат-ау қыздың ар, мұңы, қиын-ау, қиын тым қиын. Не болар екен тағдыры, үйріліп соқса бір құйын» деп аянышын білдірген еді. Дегенмен, арының қымбаттығын түсінген жан, сол арын көзінің қарашығындай қорғайды және оған не шаң жұқтырып, зиян келтіруі мүмкін екенін, оны аман сақтаудың жолдарын білуге тырысады. Әрі ар-намысына зиян келтіретін барлық істерден, достардан, жолдардан саналы түрде бас тартады. Ал бұл ұлттық дәстүріміз бен иманымыздан нәр алған руханият мәселесі. Мөлдір, сен осы руханиятпен сусындағанда ғана өзіңе де өзгеге де көмек бере аласың.

Пікір немесе жауап жазу

екі + 7 =