Шекара аумағынан шетелдіктерге жер жалға берілмейді – АШМ

Бөлісу:

Алматы облысының Талғар ауданында жер реформасы бойынша республикалық комиссия мүшелерінің кезекті отырысы өтті. Ауыл шаруашылығы вице-министрі Ерлан Нысанбаев тұрғындар тарапынан әсіресе шетелдіктердің жерді шекара маңынан алуға тырысатыны жайлы алаңдаушылықтарына өз жауабын берді.

АШМ: Шетелдіктерге шекара маңынан жер жалға берілмейді

«Бұл жерде шетелдіктерге келер болсақ, оларға нақты шарттар қойылған. Атап айтқанда, ауыл шаруашылығы жерлерін жеке меншікке беруге тыйым салынған. Шекара маңынан да жер жалға берілмейді. Нотариаттар арқылы ауыл шаруашылығы жерлерін жеке меншікке рәсімдеуге тыйым салынған. Ал егер жер тиімді пайдаланылмаған жағдайда Жер кодексінің 92-93-94-баптары бойынша жалға берілген жерлер мәжбүрлі түрде мемлекет меншігіне қайтарылады», – деді  ҚР Ауыл шаруашылығы вице-министрі Ерлан Нысанбаев. Оның сөзін Қазақпарат келтіреді.

Айта кетерлігі, Қазақстанда бүгінгі таңда жеке меншіктегі жердің көлемі – 1 млн 300 мың гектарды құрайды. Бұл қолданыста жүрген – 100,8 млн гектар жердің небары  – 1,3 пайызына тең. Бүгінгі таңда ауыл шаруашылығындағы жерлердің басым бөлігі жалға алу құқығымен пайдаланылуда. Мұның ішінде шаруа қожалықтарында – 57,5 млн гектар, ал агроқұрылымдарда – 40,2 гектар бар. Оларды пайдалану мерзімі 5 жылдан 49 жылға дейін.

Дерек көзі: Қазақпарат

Бөлісу:

Facebook арқылы жазылған пікірлер

Сайтта 11 пікір жазылған

  1. Батырлан 19 Маусым, 2016 17:21 Жауап

    Шекара жанындағы жерлерді шетелдіктерге беру өте қауіпті. Сондықтан бұл шешім құптарлық екен.

  2. Сания 19 Маусым, 2016 17:25 Жауап

    Жалға алушыларға жерді пайдалану бойынша қатаң талаптар қойылғаны дұрыс. Егер шетелдіктер шартты бұзса, онда жер қайтарылады.

  3. Олжас 20 Маусым, 2016 10:59 Жауап

    Қолдаймын, шекара маңынан жер беру өте қауіпті, сондықтан дұрыс ұсыныс айтылыпты

  4. гульмира 20 Маусым, 2016 11:10 Жауап

    жалпы жақсы дүниелер айтылып жатыр әр отырыста, мәселенің жан-жақты қаралып жатқаны көрініп тұр

  5. самат 20 Маусым, 2016 11:12 Жауап

    Нәтижесін сабырмен күтейік, үлкен жұмыс атқарылып жатыр, басқа аймақтарды да тыңдайық

  6. Дамира 20 Маусым, 2016 11:16 Жауап

    Халықтың көңілінен шығатын шешім шығарамыз деп аймақтарға шығып, бәрінің ұсыныстарын тыңдап жатыр, оң шешім қабылданатынына сенемін

  7. Жанат 20 Маусым, 2016 11:20 Жауап

    Ерлан ағамызбен толық келісемін, сайып келгенде халық пен билік бір екенін көріп отырмыз

Пікір немесе жауап жазу