Сәләфизмнің негізгі аңсары мемлекет тізгінін қолға алу

Бөлісу:

5030Белгілі саясаттанушылар мен дінтанушылар билікке ашық хат жазды. Онда бүгінде ең өзекті болып отырған өзге ұстанымдарды насихаттаушы діни ағымдардың ұлттық құндылықтарымызға қарсы әрекет етіп жатқандығы туралы кеңінен айтылған. Құрметті оқырман, сіздердің назарларыңызға сол ашық хаттан үзінді ұсынуды жөн көрдік. Қазіргі қоғамның бітеужарасына айналған бұл мәселені ел болып шешуіміз керек.

qazaquni.kz

Жерімізге келген бұл ағым (Сәләфизм) ата-бабадан келе жатқан дәстүрлі дінімізді теріске шығарып, «ата-бабаң адасқан, таза ислам ол емес, мынау» деп, ата-баба дінін өз ұрпағының аузымен мансұқтата бастады. Осыдан кейін ел іші екіге жарылуда. Халықтың арасынан бет сипап, аруаққа Құран бағыштауға қарсы шығатын жамағат бой көрсетті. Осының кесірінен алауыздық туындап, ат шаптырып, ас беріліп жатқан жерде екі қазақтың басы бір дастарханда түйіспейтін болды.

Сыналап кіре бастаған сәләфизм идеологиясы астан бастап, той-томалақты да жағалай бастады. Үлкенге құрмет көрсетіп, жерден жібек алғандай иіліп сәлем салатын келіндеріміздің белі беташарда бүгілмей, қаққан қазықтай қақиып тұратын болды. Яғни, отбасындағы ұл мен келін «ширк» деп ши шығарып, айрандай ұйыған әулеттің берекесін қашырып, іркіттей ірітіп, отбасылық құндылықтарды құлдыратуға апарды.

Ақыр аяғы салт-дәстүрді адасқан ата-бабаның сарқыншағы деп, ырымға қырын қарап, домбыраны шайтанның құралына балап, ұлттық болмыстан айыруға кірісті.

Құран мен Пайғамбар хадисінен басқаның бәрі баянсыз деп, қазақ даласына сан ғасырлар бойы діннің дәнін егіп келген Қожа Ахмет Яссауи, Бұқар Жырау, Абай, Шәкәрім, Мәшһүр секілді дала ділмарларын да мойындамай, олардың бәрін адасқандарға теңеп, әдебиетіміздің құнды жауһарларын тарих бетінен өшіруге күш салуда. Себебі, олар Орта Азияда қанатын кеңге жайған Мәтурудия ақидасының өкілдері саналады. Ал сәләфизм әһлі-сүннет уәл жамағат ақидалары: матуруди мен әшғариді адасқан ағым деп есептейді. Ол аз десеңіз, Қожа Ахмет Яссауи, Арыстан Баб, Қарахан секілді айтулы тұлғаларымыздың кесенесін де «ширк» деп жарып жіберуге шақ қалып тұр.

Ең қорқыныштысы, ел мұсылмандары ұйып отырған Қазақстан Мұсылмандары Діни Басқармасына қарсы насихат жүргізіп, имамдардың сыртынан ғайбат айтып, білімсіз наданға теңеп, елді дел-сал күйге түсірді. Тіпті, мешіттің ішінде де алауыздық туындап, жамағат екіге бөлініп, имамға ұюды қойғандар да шығуда. Халық осылардың кесірінен баласын мешітке жіберуге қорқады. Не керек, баласы иманға бет бұрып, намазға жығылғаны үшін ата-анасы қуанғанның орнына «балам басқа ағымға кетіп қалмады ма?» деп те үрейленетін болды.

Енді елдің ішін осылай алатайдай бүлдіріп, ынтымағана сызат түсіріп, діни дүрдараздыққа себеп болып отырған сәләфилік идеологиясын қалай ғана «қалыпты» деп бөліп қарауға болады. «Қалыпты» деген сөз елімізге еш қаупі жоқ дегенді білдіреді емес пе? Ал олардың қазірге қару алмағандығын ескеріп, бұлай дейтін болсақ, онда иеговаларды да, ахмадияшыларды да «қауіпсіз» деп жайбарақат отыра беруіміз қажет.

Сәләфизмнің бұлардан басқа елімізде тағы бір тобы бар. Олар өздерінің түпкі мақсатын айқын көрсетпей, қоғаммен ашық қарсыласпай, бәрімен тіл табыса жүріп қиыннан жол таба білетін топ. Уаһабшылардың бұл әдіс-айласы теология ғылымында «тахия» (жасырыну) деп аталады. Ішкі қалауы айпарадай айқын көрінбегенімен, осы тахияшылар сәләфизм қозғалысының ішіндегі ең қауіпті тармағы саналады. Өйткені, тахияшылар қалың бұқараның қамын жеген болып, көпшіліктің сеніміне кіріп, сәті түскенде, өз идеологияларын тықпалауға тырысып бағады.

Бүгінде бұл ағым өкілдерінің тұмсық сұқпаған жері қалмады. Қара халыққа, қоғамдық пікірге ықпал ете алатын көптеген өнер иелерін, спортшыларды, журналистерді, ақын-жазушыларды, ірі кәсіпкерлерді, тіпті кейбір молдаларды да осы ағымның сапынан көруге болады. Олар көбіне қоғамға сөзі өтетін, белді-беделді тұлғаларды көздейді. Сондай өкілдерді бірнеше мәрте ұмра мен қажылыққа апарып, сол жерде отырған өздерінің уағызшыларына саналарын улап келеді. Олармен қажылыққа барып келгендердің көзқарасы көз алдымызда өзгеріп шыға келгеніне талай мәрте куә болып та жүрміз.

Міне, осылайша түрлі тәсілдермен қоғамға еніп, түрлі тармақтармен идеологиясын жайып келе жатқан сәләфизм ағымының ендігі аңсары еліміздің діни басқармасы мен мемлекеттің тізгінін қолдарына алу.

Осының бәрін қорыта келгенде айтарымыз, сәләфизмге жол ашуымыз өз ұлттығымыздың тамырына балта шабуымыз. Қой терісін жамылып жүрген «қалыпты сәләфизмнің» жолын қазірден кеспесек, терісін сыпырғаннан кейін «айқайлай-айқайлай қасқырдан ұят болды» деу ғана қалады. Одан кейін қолымызды кеш сермеген болады. Егер қазірден бастап сәләфизмнің күре тамырын қыспасақ, ертеңгі күні тыныштығы кетіп, берекесі қашып, тұнығы лайланған Солтүстік Кавказдағы Шешенстанның, Тәжікстанның, Дағыстанның күйін кешеріміз анық.
Досай Кенжетай, түркология зерттеу орталығының директоры, дінтанушы-философ,
Қайрат Жолдыбайұлы, ҚМДБ найб-мүфтиі, Әзiрет Сұлтан мешітінің бас имамы,
Айдос Сарым, саясаттанушы,
Дәурен Қуат, Abai.kz ақпараттық порталының бас редакторы,
Мұхан Исахан, заңгер-шариғаттанушы,
Гүлбиғаш Омарова, «Түркістан» газетінің жауапты хатшысы,
Амангелді Құрметұлы, Республикалық «Жебе» газетінің бас редакторы,
Қайрат Құрманбай, исламтанушы-докторант,
Сайд Абдунайым, исламтанушы-доктарант,
Ермек Мұқатай, Алматы телеарнасы «Бес парыз» бағдарламасының жүргізушісі,
Төре Қыдырәлі, Шығыстанушы ғалым,
Рүстем Сыздықов, дінтанушы,
Рахымжан Әкімбеков, исламтанушы,
Ербол Өміржанов, заңгер-публицист.

qazaquni.kz

Бөлісу:

Facebook арқылы жазылған пікірлер

Сайтта 14 пікір жазылған

  1. таңатар 12 Маусым, 2016 12:40 Жауап

    қосыламын,қолдаймын. қр дін Басқармасы дәстүрлі ата-бабамыз ұстанған дінді ғана ұлттық дініміз деп қорықпай,жасқанбай пәтуа шығаруы тиіс!!! салафиттердің көсемдерін халыққа жәриялау керек, қәзір бұғып,сүмірейіп жатырғой бекболаттар…

  2. таңатар 12 Маусым, 2016 12:51 Жауап

    :aaa: :bala: :aaa: :aaa: :bala: :bala: :bala: :bala: :bala: :bala: :bala: :bala: :bala: :bala: :bala: :bala: :bala: :bala: :bala: :bala: :bala: :aaa: :aaa: :aaa: :aaa: :aaa: :aaa: :aaa: :aaa: :aaa: :aaa: :aaa: :aaa: :aaa: :aaa: :aaa: :aaa: :aaa: :aaa: :aaa: :aaa: :unatu: :unatu: :unatu: :unatu: :unatu: :unatu: :unatu: :unatu: :unatu: :unatu: :unatu: :unatu: :unatu: :unatu: :unatu: :unatu: :unatu: :unatu: :unatu: :unatu: :unatu: :unatu: :unatu: :zhlau: :zhlau: :zhlau: :zhlau: :zhlau: :zhlau: :zhlau: :zhlau: :oilanu: :oilanu: :oilanu: :oilanu: :oilanu: :oilanu: :kulki: :kulki: :kulki1: :kulki1: :kulki1: :jap: :koisai: :koisai: қосыламын,қолдаймын. қр дін Басқармасы дәстүрлі ата-бабамыз ұстанған дінді ғана ұлттық дініміз деп қорықпай,жасқанбай пәтуа шығаруы тиіс!!! салафиттердің көсемдерін халыққа жәриялау керек, қәзір бұғып,сүмірейіп жатырғой бекболаттар…

  3. нұрлан 12 Маусым, 2016 18:51 Жауап

    ұққ іід прокурорлар әкімшіліктер бірігіп халық арасында жүрген мындай ағымдарды халық пенен бірігіп әшкерелеу керек және қатаң тыиым салу керек

  4. Сымбат. 12 Маусым, 2016 23:49 Жауап

    Оте дурыс шешим. Халайык бул ел боп куресетин улкен жумыс. Дини баскармага комек берейк. Ол ушин озимиз жан-Жакты билим алуды кушейтек. Ол агымда журген бауырларымызга тусиндирейк. Тез тез куреспесек жагыдай киын. Биригейк, сырткы куштергге жол бермеумиз кажет. Бул Дини баскарма мен Елбасынын Гана жумысы емес , баримиз биргип бирге куресетин жумыс. Жан- Жакты тилдерди мыкты менгерумиз керек. Казак, агылшын, орыс, Китай тилдерин жетик менгерумиз керек. Жуммыссыздыкпен куресейк. Мен Казахстаннын Дуние жузинде жан-Жакты дамыган алып мемлекетке айналатынына сенемин. Жаса Казахстан , жаса казах Тили, жаса Казах ели мангилик.

  5. сымбатға 13 Маусым, 2016 00:04 Жауап

    сымбат бұл жерде терорға қытай орыс ағылшын тілдің не қатысы барбасында пікіріңді күштті бастап едің ортасы сасып соң жақсылау болды мен оилап едім мынау сымбат тәуір жеп отыр еді тышып қоидыма деп артынан ыштаныңды жуып кеткеніңе қуандым жумай қазақ үнінің пікір алаңын сасытып кетеме деп қорқып едім

  6. Сымбат 13 Маусым, 2016 00:31 Жауап

    Иа айтеур бир соз табылады айтуга. Баска динге Киру , террорлык арекеттер билимсиздиктен , надандыктан деп ойлаймын. Сондыктан билимди алуды кушейту керек, ол ушин казир алемдик тилдерди игермей жету мумкин емес. Мейли калай айтсаныз да озиниз билесиз. Тилдерди игеру керек, егер де оз озимизди коргагымыз келсе. Тилди игеру онай шаруа емес . Казах тилин катеру ушин алып мемлекетке айналумыз керек баскалар мойындайтын.

  7. айгүл 13 Маусым, 2016 17:37 Жауап

    Өте дұрыс айтылған ашық хат.Осы бастан үкімет қолға алмаса болашақ ұрпағымызға үлкен қауіп!

  8. қаламқас 13 Маусым, 2016 19:13 Жауап

    Өте дұрыс айттыңыздар,Сәләфилердің есімдерін жарияламайынша болмайды.Халықтыңкөзін жеткізу қажет.

  9. АРГЫН 14 Маусым, 2016 08:51 Жауап

    По этой и по многим другим морально-правовым причинам надо полностью запретить в КЗ исламское течение под названием «салафит-ваххабизм», но перед этим следует подробно объяснить всему населению все моральные и все правовые причины такого справедливого законодательного запрещения !!!

  10. тұрғын 14 Маусым, 2016 09:07 Жауап

    Билікті алу мақсаттары бар екені президент сайлауына түсуге талаптанғандарынан анық білгенбіз.

  11. Сактаган 14 Маусым, 2016 09:20 Жауап

    Өте дұрыс жазылған хат, толықтай қолдаймын.Халыққа бұқаралық ақпарат құралдары арқылы толықтай жеткізіп,кеңінен талдап, үкіметтік дұрыс шешім қабылдау қажет кеш қалмай тұрғанда.

  12. Талғат 14 Маусым, 2016 12:00 Жауап

    Мен келіспеймін, Себебі бойында ерігі өзінің қалытпасқан түсінігі бар адам баласын сіз қалай өз ұстанымызға жықпалысыз, Неліктен мен сіздердің құндылықтырыңызды ұстану керекпін, Кезінде коммунистерде сыздін тәсілмен елді жүргізген, Қалай аяқталғанын бәріміз жақсы білеміз, Идеологияны тек идеология арқылы женуге болады, Егер сідің ұстанымыңыз акиқатты әділітті болса онда халықта сұранысын табар еді,

Пікір немесе жауап жазу

15 + 11 =