Ашынасын өлтіруге тапсырыс берген аудан әкіміне қатысты жаңа деректер шықты

Бөлісу:
30.05.2016
Батыс Қазақстан облысында ашынасын өлтіруге тапсырыс берген әкім қамауға алынды. Теректі ауданының басшысы Жеңіс Серікқалиев бұл қылмысты жасау үшін өз қоластындағы қызметкерлерге жарты миллион теңге ұсыныпты.

Айыптаушылардың айтуынша, жәбірленуші келіншек әкімнен 2 жасар қызының заңды әкесі екенін мойындауын талап еткен. Тіпті атқамінерге қысым көрсетіп, қызметіне нұқсан келтіремін деп қорқытқан көрінеді. Бұл ақпараттың жұртқа жайылып кетпеуі үшін әкім аудандық коммуналдық шаруашылық және тұрғын үй бөлімінің басшысы Қажымұратовқа 500 мың теңге үшін адам өлтіруді ұсыныпты. Келіспеген жағдайда мемлекет берген баспанасын тартып алып, жұмыстан қысқартатынын жеткізген. Сондықтан шенеунік ақпан айының соңында жүргізушісін қасына алып, келіншекті пышақтаған. Алған жарақаттардан Кристина Сәлімгереева 2 күн жансақтау бөлімінде жатқан. Қазір осы іске қатысы бар тұлғалардың барлығы қамауға алынды.

Сұлуханым Қадырәлиева, судья:

-Серікқалиев аса ауыр қылмыс жасауға оқталғаны үшін айыпталуда. Оның кінәсін дәлелдейтін барлық айғақтар жиналған. Сондықтан тергеу уақытында ол 2 ай мерзіміне қамауға алынсын. Ол тағылған айыптарды мойындап отырған жоқ. 

Олжас Байжан
КТК
Бөлісу:

Facebook арқылы жазылған пікірлер

1 пікір жазылған

  1. Сәния 1 Маусым, 2016 12:31 Жауап

    Міне, елдің ақылшысы, елдің тірегі, қамқоршысы болады ғой деп сенім артқан ченеуніктің түрі.Осындай лауазымдарға тағайындағанда мұқият тексеру жүргізлмейді:біреудің көкесі, біреудің әкесі деген сияқты, осыдан барып жемқор әкім, кісі өлтірген әкім, қыз зорлаған әкімдер шығады. Басқасынан не сұрауға болады ендеше..

Пікір немесе жауап жазу

он + 2 =