ҚАРАЖАТ БАР, ҚИМЫЛ ЖОҚ

Бөлісу:

951241489beca16776765cd3a4a30b51

ҚОЛЫНАН ІС КЕЛМЕЙТІН БАСШЫЛАРДЫ НЕСІНЕ ҰСТАП ОТЫРМЫЗ?

Ақордаға Министрлер кабинеті мен облыс әкімдерін тегіс шақырып, кезекті кеңес өткізген Елбасы тұрғындарға жер реформасына қатысты өздерінің пікірлері мен ұсыныстарын мемлекеттік комиссияға жолдауларын сұрады.

Нұрсұлтан Назарбаев қан­дай күрделі жағдай болмасын өзіміздің ішкі мәселемізді сыртқа дабыра етпей, өзара түсіністік жағдайда комиссия отырысында шешуге шақырды. Тұрғындарымыздың жер дауына қатысты кез келген ұсыныстарын арнайы жасақталған комиссия қарауға міндетті екенін жеткізді.
Ордалы отырыста одан кейін еліміздің экономикалық мәселесі майшаммен қаралды. Жыл басынан бергі 4 айдағы елдің даму көрсеткіштеріне мемлекет басшысының көңілі толған жоқ. Себебі, экономиканың негізгі қозғаушы күші болып табылатын кәсіпорындар қимылы баяу. Соңғы 6 жылда елімізде 900 кәсіпорын іске қосылғанымен, оның 21-і тоқтап тұр. Тағы 13 өндіріс орыны жұмысын бастамай жатып тұралаған. Басқасын айтпаған күннің өзінде, елімізді дамытуға бағытталған ең басты «Нұрлы жол», «Бизнестің жол картасы-2020» бағдарламасына бөлінген бюджет қаржысының тек 8 пайызы ғана игеріліпті. Бұны естіген Елбасы қолда бар ақшаны ұқсата алмай отырған министрлер мен облыс әкімдерінің атына қатаң сын айтты.
– Қалайша бұлай жұмыс істеуге болады? Ақша бар, бар ақшаны ұқсатып, жергілікті жерлерге жеткізе алмаймыз. Бір облыста бар нәрсе, екінші облыста жоқ. Оны осы күнге дейін істемегенсіңдер. Біз басқа жақтан базар іздеп, шетелден зат әкелеміз, ал сол тауар көрші облыста бар ғой, – деген Президент біздің басшылардың жіберген кемшіліктерін бетіне басты. Әкімдер мен министрлерді Елбасының бұл бірінші рет «дүрелеуі» емес. «Таяққа» еті әбден үйреніп кеткен басшылардың бұл жолы да сыннан қорытынды шығаратынына сенім аз. Осындай қырсыздыққа қатысты «Қолынан іс келмейтін әкімдер мен министрлерді несіне ұстап отырмыз?» деген көпшіліктің заңды сұрағына кім жауап бере алады екен?..

Зейнолла АБАЖАН

qazaquni.kz

Бөлісу:

Facebook арқылы жазылған пікірлер

Сайтта 9 пікір жазылған

  1. Айсер 24 Мамыр, 2016 13:06 Жауап

    Кішігірім мәселені түйедей етіп үлкейтіп, дабыра қылғанымыз дұрыс емес болды. Маған жер мәселесінде халық тым түснбей жатқан секілді көрінеді.

  2. Марта 24 Мамыр, 2016 13:07 Жауап

    Жүктелген тапсырмаларды уақытында орындап отырса болғаны, Президент басқа артық ештеңе сұрамайды. Соны да дұрыс атқара алмай жатамыз.

  3. Жарылғасын 24 Мамыр, 2016 13:08 Жауап

    Апта сайын ұйымдастырылып жүрген комиссия халықпен жұмыс істеп, бұл мәселені талқылауда көмектесу керек. Дауласудың еш қажеті жоқ.

  4. Аслан 24 Мамыр, 2016 14:26 Жауап

    Азаматтар жер мәселесінің шешілуіне барынша үлестерін қосу керек деп ойлаймын. Комиссияға хат жолдап, ұсыныстарымызды білдірейік!

  5. Жансұлу 24 Мамыр, 2016 14:29 Жауап

    Шынымен жер мәселесін ақылмен, сабырмен шешуіміз керек. Митингке шығып, елді дүрліктіруден пайда таппаймыз.

  6. Батырлан 24 Мамыр, 2016 14:51 Жауап

    Биліктің халықтың пікіріне үлкен мән беріп, ұсыныстарын назардан тыс қалдырмауы қуантады.

  7. Есен 24 Мамыр, 2016 14:52 Жауап

    Алдағы уақытта көпті толғандырып отырған жер мәселесі оң шешімін табады деген сенімдемін.

  8. Қанат 24 Мамыр, 2016 17:38 Жауап

    Сегіз жүз миллиард ақша аимақтарға неге жетпеген деп сұрады,
    Сонда Елбасы білмеиді екен ақша қаида жатқанын.
    Ол ақшаны үкімет пен аимақ басшылары екінші денгеидегі банктерге депозитке қояды ,жылдың соңында иегрілмеи қалды деп қаита қаитарады.жоғарыдағы аитылған ақшаны он төрт паизға кобеитсеніз,қанша пиада табасыз.Бүл елдің әлеуметік жағдаиын олар оилап неғылсын.Үкіметін отставкаға кетпеи отырғаны да осы себепү

  9. Қанат 24 Мамыр, 2016 17:39 Жауап

    Сегіз жүз миллиард ақша аимақтарға неге жетпеген деп сұрады,
    Сонда Елбасы білмеиді екен ақша қаида жатқанын.
    Ол ақшаны үкімет пен аимақ басшылары екінші денгеидегі банктерге депозитке қояды ,жылдың соңында иегрілмеи қалды деп қаита қаитарады.жоғарыдағы аитылған ақшаны он төрт паизға кобеитсеніз,қанша пиада табасыз.Бүл елдің әлеуметік жағдаиын олар оилап неғылсын.Үкіметін отставкаға кетпеи отырғаны да осы себепү :jap:

Пікір немесе жауап жазу

екі × 3 =