А.Перуашев: Көрші елдердің компанияларына жерді жалға бермеу керек

Бөлісу:

 Перуашев 2

Астана. 21 мамыр. Baq.kz – Бүгін Астанада өтіп жатқан Жер мәселесі жөніндегі комиссияның екінші отырысында ҚР Парламенті Мәжілісінің депутаты, «Ақ жол» демократиялық партиясының төрағасы Азат Перуашев көрші елдердің компанияларына жерді жалға бермеу мәселесін көтерді, деп хабарлайды Baq.kz тілшісі.

«Ең алдымен, ауыл шаруашылығын қаржыландыру мәселесін жүйелі түрде шешіп алу керек. Бұл салада түйткілдер жетіп артылады. Мысалға, осы жылдың 1 қаңтарынан гектар бойынша субсидиялау толықтай тоқтатылды. Бірақ, заңмен де, ҚР ауыл шаруашылығы министрінің бұйрығымен де гектар бойынша субсидиялау жағдайы қарастырылған болатын. Ауыл шаруашылығын қаржыландырудың дұрыс тетігін таппай, асығыс жекешелендіру арқылы жағдайды шүйліктіріп алуымыз мүмкін», – деді Азат Перуашев жерді Қазақстан азаматтарына жеке меншікке беру ұсынысын қолдай отырып.

Екінші мәселе ретінде «Ақ жол» партиясының жетекшісі әрі мәжіліс депутаты жеке меншікке берілетін жердің көлеміне тоқталды.

«Біреуде он сотық жер, біреулерде мыңдаған гектардан асады. Осыған байланысты жер көлеміне қатысты сұрақтарды ретке келтіру керек, тым болмаса бастапқы деңгейде. Осы орайда жергілікті халықтар үшін артықшылықтар қарастырылғаны дұрыс. Өңірлердегі жергілікті шаруалар қай жер бос, бос жатқан жерлердің иесі кім екені туралы нақты ақпарат ала алмай отыр. Былтыр Салық кодексіне жақсы өзгерістер енгізілді. Оның ішінде бос жатқан жерлерге төленетін салықтың салмағын көбейтуге қатысты. Яғни, егер жерді пайдаланбасаң, артық салық төле», – деді Азат Перуашев.

Депутаттың тағы бір көтерген мәселесі – ауыл шаруашылық саласында пайдаланылатын агротехнологиялардың тазалығы, атап айтқанда, қандай тыңайтқыштар қолданылады, генді-модификацияланған өнім, дәнді дақылдар қоры және т.б. Қағаз жүзінде болғанымен, осы мәселеге қатысты бақылауды ешкім жүргізіп отырған жоқ дейді халық қалаулысы.

Сондай-ақ ел ағасы жер учаскелерінің қазіргі жай-күйіне тексеру және түгендеу жұмыстарын жүргізу керек деп есептейді. Онсыз алға қарай жылжып, жекешелендіру жұмыстарын жүргізу, жер тарату дұрыс емес дейді ол.

Сөз соңында Перуашев мырза жерді шетел азаматтарына жалға беру мәселесіне тоқталды.
«Көрші елдердің компанияларына жерді жалға беруден бас тартқанымыз дұрыс. Себебі бұл жерде сепаратистік мазмұндағы дау туындауы мүмкін», – деп қорытты «Ақ жол» демократиялық партиясының жетекшісі.

Фото: Азамат ӘЛИЕВ

Бөлісу:

Facebook арқылы жазылған пікірлер

Сайтта 15 пікір жазылған

  1. Есен 22 Мамыр, 2016 14:15 Жауап

    Азат Перуашев жақсы ұсыныс білдіріп отыр. Комиссия мүшелері бұған құлақ асып, назардан тыс қалдырмайды деп ойлаймын.

  2. Жаннұр 22 Мамыр, 2016 14:17 Жауап

    Комиссия мүшелері құнды пікірлер білдіріп отыр, енді барлығын таразылап, оң шешімін қабылдайды деген сенімдемін.

  3. Салтанат 22 Мамыр, 2016 15:06 Жауап

    Перуашевтың комиссия отырысында айтқаны ұнады.Қазақ жері тек отандық кәсіпкерлерге беруі керек. Ал шетелдік кәсіпкерлерге таратаны жеріміз жоқ, Қытай бір кірсе шықпайды. Жылан секілді ел ғой, басы кірсе, артынан тартып шығара алмайсың!

  4. Лариса 22 Мамыр, 2016 15:07 Жауап

    Азаттан басқа комиссия мүшелері де жерді жалға бермеу, сатылмау жайында салмақты ой, саралы пікір айтты. Мен риза болдым.

  5. Бегім 22 Мамыр, 2016 15:09 Жауап

    Азат елдің болашағын ойлап, ұрпаққа жаны ашығаннан айтты деп ойламаймын. Қазақстанның экономикалық өрлеуін ойласа инвестор тарту керек деп неге айтпайды. Жерді игеру көп қаржыны талап етеді. қазіргі кезде елімізге шетелдіктерді тартып, ахуалымызды жақсартып алу керек.

  6. Нұрила 22 Мамыр, 2016 15:10 Жауап

    Меніңше билік пен халық арасында ең бірінші кезекте бірлік пен ынтымақ керек. Ол үшін жер мәселесі оң шешіліп, халықтың көңілінен шыққан дұрыс.

  7. Қарлығаш 22 Мамыр, 2016 15:16 Жауап

    Азат азамат екен! Расымен шетелдіктерге жерді жалға да сатуға да болмайды.

  8. Нұржан 22 Мамыр, 2016 15:18 Жауап

    Біздің зиялылар мен патриоттар осындай болсын! Жерді ең алдымен шетелдіктерге бемеу керек!

  9. Қазақ баласы 22 Мамыр, 2016 16:30 Жауап

    Ит үреді, керуен кешеді Азаттың айтканына карап тұрған үкіметті көрмей тұрмын.

  10. ҚазақиЯ 12 Маусым, 2016 11:29 Жауап

    Қазақтың Саясат алаңындағы мақтаншақтығы мен мақтангершілігі сол қазақ үшін ең қауіпті көріністердің бірі. «Мақтаған қыз тойда ..сырады» дегендей, сол Азат мырза да баяғы КПСС тің,»Отанның» мүшесі екенін естен шығармау керек.Жерді көрші елге бермегенің жақсы ғой,ал сол көрші елге бүйрегі жан тәнімен бұрып тұратын,80мың,100мың,тіпті миллион гектарлап жер алған өз «азаматтарымызды» қайда қоясың? Қазіргі билікпен,парламентпен,үкіметпен Жер мәселесін шешуге мүлдем болмайды,өте қауіпті…

Пікір немесе жауап жазу

алты − 2 =