Жер мәселесіне қатысты әрбір ұсыныс қараусыз қалмайды – Бақытжан Сағынтаев

Бөлісу:

013Б.Сағынтаев Жер реформасы жөніндегі комиссияның бірінші аптадағы жұмысын қорытындылады

Жер реформасы жөніндегі комиссия жанынан құрылған call-орталық бір апта ішінде 700 қоңырау қабылдаған. Бұл туралы бүгін Орталық коммуникациялар қызметінің брифингісіне қатысқан ҚР Премьер-министрінің бірінші орынбасары, Жер реформасы жөніндегі комиссияның төрағасы Бақытжан Сағынтаев мәлім етті.

«Елбасының тапсырмасымен құрылған жер реформасы жөніндегі комиссия өткен сенбіде өз жұмысын бастаған болатын. Сол бір апта аралығында атқарылған іс-шаралар  туралы мәлімет берейік деп отырмыз.
Өткен сенбідегі отырыста айтылғандай, ауыл шаруашылығы министрлігі жанынан штаб құрдық, сол штаб өз жұмысын бастап кетті. Жəне комиссияның хатшылығы да өз жұмысын бастады. Қазір комиссия мүшелері айтып жатқан жəне қарапайым халықтан келіп жатқан ұсыныстардың барлығы штабта талқыланып,  сенбі, 21 мамыр күнгі кезекті отырысымызда қорытынды шығарылады. Оған қоса, комиссияның call-орталығы жұмыс істейді. Телефон нөмірі – 1434.  Бұл нөмірді де өткен сенбі күні жария еткенбіз. Содан  бері, яғни, бір апта ішінде осы нөмір арқылы аймақтардан 700-ден астам ұсыныс қабылданды, – деп мəлім етті Б.Сағынтаев.

«Əрбір ұсыныс қараусыз қалмайды», – деп уəде етті Б.Сағынтаев. «Жер  мәселесіне қатысты ұсыныстардың барлығы комиссияның қарауына шығарылады. Сонымен қатар, əлеуметтік желілердегі және бұқаралық ақпарат құралдарында жазылып жатқан ұсыныс-пікірлердің барлығы қаралып жатыр. Əрбір адам осы жанды тақырып жайлы өзін толғандырған ойын жеткізе алады. Елбасы атап өткендей, жер үшін шын жаны ауыратын адам өз ойын ашық айту керек», – деді ол.

Дерек көзі: ҚазАқпарат

Бөлісу:

Facebook арқылы жазылған пікірлер

Сайтта 5 пікір жазылған

  1. Жұлдызай 19 Мамыр, 2016 23:05 Жауап

    Ата-бабамыздан мирасқа қалған ең қымбат, тіпті баға жетпес жеріміз 2 млрд $-ға бағаланғанда қанымыз қайнағаны рас. Халық əлемде болып жатқан оқиғаларды бақылай келе көңіліне күдік туғызған жағдайларды ашық айтып отыр. Халықтың қалауы: 1) жер мемлекеттің меншігінде қалсын; 2) жерді игеру тұрғылықты халықтың қатысуымен жүзеге асырылсын; 3) бұқара халықтың əлеуметтік жағдайын көтеру мен жұмыссыздықты жоюға бағытталған жобалар іске асырылсын; 4) халықтың ауқатты өмірі мен жұмыссыздық жоқ деген жалған ақпарат тарату тоқтатылып, шындыққа тура қарау мəдениетін қалыптастыру; 5) қалыптасқан менталитетті ескере отырып, Қазақстанға тəн өзіндік ұлттық мемлекет үлгісін құру; 6) жер мен тіл тағдыры – ел тағдыры. Сондықтан қазақ тілін шынайы, өміршең, қазақстандықтардың қарым- қатынас тіліне айналдыру.

  2. Жұлдыз 20 Мамыр, 2016 10:09 Жауап

    мынау немене, тағыда ЦИК сияқты ел- жұрттын дауыстырды санай ма- кім қарсы,кім қарсы емес деп

  3. Алмат 20 Мамыр, 2016 11:17 Жауап

    Комиссия жұмысын бақылай келе биліктің шынымен халықпен диалог орнатқанына көзім жетті. Бос сөзге уақыт жіберудің орнына, бірден жұмысқа кірісіп, денді жоспарлар құрып қойыпты. Маған ең ұнағаны – комиссия аудан-ауылдарды аралап халықтың пікірін сұрастырып, тыңдайтыны. Жер мәселесіне толықтай демократиялық талқы арқылы қарап отыр

  4. Мәдина01 20 Мамыр, 2016 11:23 Жауап

    Кеше брифинг көргенде ол «барлық ұсыныстар құзырлы органдарға жіберіледі» деді. Яғни шынымен халыққа құлақ асқалы отыр ғой. Таң қалып, мәз болып отырмын) Жер мәселесіне шынымен Ел болып кірісеміз

  5. Алмажан 20 Мамыр, 2016 11:40 Жауап

    Әлеуметтік желілердегі және бұқаралық ақпарат құралдарында жазылып жатқан ұсыныс-пікірлердің барлығы қаралып жатқаны қуантады, шынымен де мүмкін қолданушылар жақсы ұсыныстар айтар. Ал интернетті белсенді қолданатындардың құлағына алтын сырға!

Пікір немесе жауап жазу

16 − 8 =